Бельгиянын улуттук Мажлис-Амиласынын тарыхый жолугушуусу
Бельгиянын Улуттук Мажлис-Амиласы Ахмадия Мусулман Жамаатынын Дүйнөлүк Башчысы менен виртуалдык жолугушуу бактысына ээ болду
Азирети Мырза Масрур Ахмад үлгү көрсөтүү жана Исламдын кабарын жайылтуунун маанилүүлүгү жөнүндө сөз кылды
2020-жылдын 26-сентябрында Ахмадия Мусулман Жамаатынын Дүйнөлүк Башчысы, Бешинчи Халифа, Азирети Мырза Масрур Ахмад Бельгиядагы Ахмадия Мусулман Жамаатынын Улуттук Амиласы менен виртуалдык онлайн жолугушуу өткөрдү.
Ал Азирети Тилфорддогу Исламабадда жайгашкан кеңсесинен жолугушууну алып барды, ал эми Амиланын өкүлдөрү Брюсселдеги «Байтул-Мужийб» мечитинин комплексинде чогулушту.
Жолугушуунун жүрүшүндө Улуттук Амиланын өкүлдөрү өздөрүнүн бөлүмдөрүнө тиешелүү иштеринин отчётун сунуштап, келечек иш-пландарын сунуш кылышты.
Ал Азирети Бельгияда жашаган Ахмадий мусулмандардын адеп-ахлактык жана диний тарбиясы, ошондой эле Исламдын чыныгы жана тынчтык таалимдерин бүт өлкөгө жайылтуу боюнча кеңири көрсөтмөлөрдү берди.
Ал Азирети үлгү көрсөтүү жана даават кылган нерсени иш жүзүнө ашыруу маанилүү экендигин айтты. Башкаларды кызыктыруу үчүн, Ал Азирети мындай деди: Улуттук Амиланын мүчөлөрү Исламдын кабарын башкаларга жеткирүү же Ыйык Куранды үйрөтүү үчүн Ислам динине кызмат кылууга (Вакф-э-Арзий) өз ыктыяры менен өз убактысын бөлүп берүүсү керек.
Азирети Мырза Масрур Ахмад мындай деди:
«Эгерде Улуттук Амила мүчөлөрү Ахмадия Мусулман Жамааты үчүн өз убактысын жана күч-аракетин курман кылууга жетекчилик ролун ойношпосо, анда башкалардан эмнени күтүүгө болот? Силердин үйүңөр үй-бүлөңөр менен жашаган жерде гана эмес, жок, өзүңөрдүн айылдарыңарды жана шаарларыңарды өз үйүңөр деп эсептеп, башка адамдарга Исламдын чыныгы окуулары жөнүндө маалымат берүү жана башкалар үчүн ар дайым өз убактыңарды курман кылууну милдетиңер деп эсептешиңер керек. Бул Улуттук Амиланын жана тармактуу уюмдардын Амилаларынын милдети. Өзүңөрдү иш кагаздары менен гана алектендирүүӊөр жетишсиз, жок, өзүңөр берген ант-убадаңарды аткарууӊар практикалык күч-аракетиӊерди талап кылат».
Ал Азирети Бельгиядагы Ахмадия Мусулман Жамааты тарабынан ата-энелер менен балдардын ортосундагы тыгыз мамилелерди чыңдоо үчүн иштелип чыккан схемага ыраазычылыгын билдирди.
Схемага ылайык, Ахмадий мусулман үй-бүлөлөрү күнүнө бир үй-бүлө менен бирге жок дегенде бирден тамактанууга чакырылган. Ата-энелер балдары менен ачык диалог жүргүзүп, алардын алдында турган маселелерди жакшыраак түшүнүүгө умтулушту. Ал Азирети схема кеңейтилип, такай каралып турушу керек деди.
Башка жамааттар менен мамиле түзүүнүн маанилүүлүгү жана өз ара түшүнүшүүнү өркүндөтүүнүн маанилүүлүгү жөнүндө Улуттук Умур-э-Харижа катчысына (тышкы иштер) кайрылып, Азирети Мырза Масрур Ахмад мындай деди:
«Саясатчылар, диний уюмдар, диний топтор, кайрымдуулук уюмдары, маалымат каражаттары жана башка топтор болобу, кеңири коом менен байланыш түзүү маанилүү. Бул дагы Ислам дининин таалимдерин жайылтуу жана орун алган туура эмес түшүнүктөрдү жок кылуу жолу. Биздин Жамаатыбыздан тышкары, башка уюмдар жана адамдар Ахмадия Мусулман Жамаатын Исламдын чыныгы таалимдеринин стандарттык алып жүрүүчүлөр деп эсептеши керек».
Жолугушуу аяктагандан кийин, Ал Азирети миссионерлерге жана Ахмадия Мусулман Жамаатына кызмат кылып жаткан башка өз өмүрүн динге бергендерге (Вакф-э-Зиндигилерге) өз максаттарын жана милдеттерин аткарууга өз күч-аракетиӊерди аябагыла деп көрсөтмө берди.
Азирети Мырза Масрур Ахмад мындай деди:
«Миссионерлерге жана Вакф-э-Зиндигилерге кандай гана милдеттер жана жоопкерчиликтер жүктөлбөсүн, ал эң мыкты деңгээлде аткарылышы керек. Алар өз милдеттерин кылдаттык менен аткарып, Ахмадия Мусулман Жамаатына кызмат кылууда алдыңкы катарда болушу керек. Эгерде аларга бирден ашык жоопкерчилик же милдет жүктөлсө, анда бирөөсүнө көңүл буруп, башкаларын тоготпой койбошу керек, тескерисинче, алар ар бир милдетти аткарууга умтулуп, башкаларга үлгү көрсөтүшү керек. Аллах Таала баарыңарга Исламга болгон кызматыңардын жогорулашына жана милдеттериңерди мыкты аткарууга мүмкүнчүлүк берсин».
Аягы