Дин жана дүйнө жакшылыктарына жетүүгө дуба

Кимдир бирөө Азирети Анас (разияллааху анху) бин Мааликтен: «Биз үчүн дуба кылыңыз», – деп суранган. Азирети Анас (разияллааху анху) ушул дубаны окуган. Ал киши дагы дуба кылуусун суранганда, Азирети Анас (разияллааху анху) мындай деп жооп берген: «Сиз дагы эмнени каалайсыз? Мен сиз үчүн дүйнө жана акырет жакшылыгын сураганмын».(«Тафсири Куртабий», 2-бөлүк, 433-бет)

Азирети Анас (разияллааху анху)нун рабаяты боюнча Сүйүктүү Пайгамбарыбыз Мухаммад (саллаллааху алайхи ва саллам) ушул дубаны кайра-кайра окучу эле. («Бухарий» Китаабут-Тафсир) رَبَّنَاۤ اٰتِنَا فِی الدُّنۡیَا حَسَنَۃً وَّفِی الۡاٰخِرَۃِ حَسَنَۃً وَّقِنَا عَذَابَ النَّارِОКУЛУШУ: РАББАНАА АААТИНАА ФИД-ДУНЯ ХАСАНАТАН ВА ФИЛ-АААХИРАТИ ХАСАНАТАН ВАКИНАА АЗААБАН-НААР. («АЛ-БАКАРА» СҮРӨӨСҮ: 202)

Котормосу: «Эй, Раббибиз! Бизге бул дүйнөдө дагы жакшылык тартуулагын, акыретте дагы жакшылык тартуулагын жана бизди от азабынан сактагын!»