Lutje për të pasur faljen, fundin e mirë dhe përmbushjen e premtimit të Zotit

Hazret Ajshja^ra rrëfen: “Kur zbritën ajetet e mëposhtme, i Dërguari i Allahut^sas filloi namazin me të qarë. Hazret Bilali^ra erdhi për ta njoftuar për namazin fard dhe e pyeti për shkakun pse qante. Ai iu përgjigj: “Mbrëmë më zbritën këto ajete. … Është shumë fatkeq është ai që i lexon dhe nuk thellohet në to”. Disa rrëfime të tjera tregojnë se i Dërguari i Allahut^sas çdo natë i recitonte këto ajete dhe thoshte: “Ai që reciton gjatë natës ajetet e fundit të sures Ali-Imran, për të shkruhet sikur të ketë falur namaz gjatë gjithë natës”.^[1]

O Zoti ynë! Këto nuk i ke krijuar kot! Ti je i Shenjtë. Prandaj, na shpëto nga ndëshkimi i zjarrit!^[2]

O Zoti ynë! Ne sigurisht kemi dëgjuar një lajmëtar, i cili na thërret drejt besimit (duke thënë): Besoni në Zotin tuaj! Dhe ne e besuam. Prandaj, o Zoti ynë, fali gjynahet tona, zhduki ligësitë tona prej nesh dhe na jep vdekje me të mirët.^[3]

O Zoti ynë! Na jep edhe atë që u ke premtuar të dërguarve të Tu dhe mos na poshtëro në ditën e kiametit. Ti pa dyshim që nuk e shkel premtimin.^[4]

^[1]. Tefsir Kurtubi, vëll. 4, f. 310.

^[2]. Kurani Famëlartë 3:192.

^[3]. Kurani Famëlartë 3:194.

^[4]. Kurani Famëlartë 3:195.

Image: Courtesy of Ali Mir; under Creative Commons License