Австралиядаги Мажлиси Худдомул Аҳмадиянинг Миллий Омиласи ва Маҳаллий Қоидлар Ҳузур билан расмий мулоқот уюштирдилар
2020 йилнинг 12 сентябрида Аҳмадия Мусулмон Жамоатининг Бутунжаҳон Раҳнамоси, Бешинчи Халифа – Ҳазрат Мирзо Масрур Аҳмад жаноблари Австралиядаги Мажлиси Худдомул Аҳмадиянинг Миллий Омиласи билан виртуал мулоқот ўтказдилар.
Ҳузур мулоқотни Тилфорддаги Исломободда жойлашган идорасидан олиб бордилар, Омила вакиллари эса Буюк Сидней минтақаси четида жойлашган Марсен Хиёбонидаги “Байтул Ҳудо” масжиди мажмуасининг (миллий штаб) Хилофат саройида йиғилишди.
Мулоқот мобайнида Худдом вакиллари ўз бўлимларига доир иш-фаолиятлари ҳисоботини тавсия қилиб, келгуси режаларини муҳокама қилиш имкониятига эга бўлишди.
Ҳузур Аҳмадий мусулмон ёшларининг ахлоқий ва диний таълим-тарбияси ва Мажлиси Худдомул Аҳмадия маъмурий фаолиятини мунтазам жадаллаштиришни таъминлаш бўйича атрофлича кўрсатмаларни бердилар.
Диний билим бериш масаласи бўйича Ҳузур миллий таълим бўлими фақат умумий аъзоларнинг диний билимларини текшириши етарли эмас, деб таъкидладилар. Аксинча, миллий президент, миллий котиб ва Худдом уюшмасининг барча аъзолари, барча даражаларда барча аъзоларга ижобий намуна кўрсатиши ва уларнинг ҳам ўз билимларини мунтазам ошираётганини тасдиқлаш учун бундай тестларни топширишга масъул. Ҳузур Омила аъзоларига пешқадамлик ҳақиқий мўминлик ва чин содиқликни талаб этишини, шунинг учун Омила аъзолари бошқалардан ўзлари бажармаётган ишларни талаб қилмаслиги кераклигини эслатди.
Болалар ва ўспиринларнинг ахлоқий тарбияси ҳақида Ҳазрат Мирзо Масрур Аҳмад жаноблари шундай дедилар:
“Мактабларда Ислом қадриятлари ва эътиқодларига тўғри келмаган усул орқали ўқитилган баъзи масала ва мавзулар бор. Шунинг учун Аҳмадий мусулмон фарзандларга шу сингари масалаларни исломий нуқтаи назардан ўргатиш Мажлиси Худдомул Аҳмадиянинг вазифасидир. Уларга тўғри билан нотўғрининг фарқини ўргатинглар. Бундан ташқари, сизлар ёшлар билан алоҳида шаклда муомала тузиб, уларнинг дўсти бўлинглар ва уларни қизиқтирган саволларига жавоб беринглар”.
Шунингдек, мактаб ва таълим соҳасидаги Омила аъзоларидан бири Австралиядаги баъзи мактаблар диний билим беришда “Ислом”ни ўргатишини, бироқ ўқув дастурининг баъзи жиҳатлари Аҳмадия Мусулмон Жамоатининг эътиқодига мос келмаслигини сўзлаб берди. У Аҳмадий мусулмон ота-она фарзандларини бундай Ислом дарсларига қатнаштирмай қўйишлари жоизми, деб савол берди.
Бунга жавобан Ҳазрат Мирзо Масрур Аҳмад жаноблари шундай дедилар:
“Болаларингизни олиб кетишнинг ҳеч ҳожати йўқ, аммо ота-оналар ва Мажлиси Худдомул Аҳмадия маъмурияти мазкур мактаблар ва ҳокимият органлари билан гаплашиб, ўзларининг муаммолари ҳақида уларга билдириши лозим. Уларга мактабларда Ислом дини бўйича турли дарслар турли мусулмон оқимлари билан умумий ҳамфикрликка келган, шунингдек, Муқаддас Қуръонга ва Ислом Пайғамбари (саллаллоҳу алайҳи ва саллам) суннатларига мувофиқ келган нарсаларга асосланиши шарт, ўқув дастурини маълум бир оқимга мувофиқлаштирмаслик лозим, деб айтиш зарур”.
Ҳазрат Мирзо Масрур Аҳмад жаноблари шундай деб давом этдилар:
“Бундан ташқари, Аҳмадий мусулмонлар ўз фарзандларига ўз эътиқодларимиз ҳақида тўғри йўналиш кўрсатиб, улар мактабда ёки бошқа жойларда ўрганган нотўғри нарсаларининг ҳаммасини тушунтиришлари лозим. Фарзандларингизга Ислом Қуръони Карим таълимотлари ва Севимли Пайғамбаримиз (саллаллоҳу алайҳи ва саллам) суннатлари билан бошқарилиши ва кейинчалик айрим исломий оқимларда пайдо бўлган баъзи эътиқод ва тушунчалар бидъатлар эканини айтинглар. Ҳақиқатда, уларга бундай бидъатларни олиб ташлаш ва Исломнинг ҳақиқий таълимотларини жонлантириш учун Аллоҳ таоло Масийҳи Мавъуд ва Имом Маҳдий (алайҳиссалом)ни юборган, деб айтинглар. Сизлар болаларингизнинг саволларига сабрлилик билан жавоб бериб, уларнинг кўнгиллари таскин топиб, Исломнинг ҳақиқий таълимларини тўлиқ тушунмагунга қадар тинч ўтирманглар”.
Мажлиси Худдомул Аҳмадиянинг улғайган аъзоларига мурожаат қилиб, Ҳузур шундай дедилар: улар ҳар доим Исломга хизмат қилишга бўлган жўшқинликлари ва қувватини сақлаб қолишга интилишлари лозим.
Ҳазрат Мирзо Масрур Аҳмад жаноблари шундай дедилар:
“Мажлиси Ансоруллоҳ (Аҳмадия Мусулмон Жамоатининг Оқсоқоллар Уюшмаси)га киргандан сўнг руҳоний жиҳатдан навқирон бўлган ҳолда ҳаракат қилиб, Исломга хизмат қилиб, Аҳмадия Мусулмон Жамоатининг мақсадларини ихлос ва куч-қувват билан олға суришлари керак”.
Учрашув якунланай деганда, яқиндагина Аҳмадия Мусулмон Жамоатига “Вақфи Зиндаги” (ўз ҳаётини динга бағишлаган одам) сифатида хизмат қила бошлаган миллий Омила аъзоси Ҳузурдан умр бўйи динга яхши хизмат қиладиган кўрсатма ёки раҳнамолик беришларини сўради.
Бунга жавоб қилиб, у зот Аллоҳ ва инсоният ҳақ-ҳуқуқларини бажаришнинг асосий аҳамиятини урғуладилар. Бундан ташқари, Ҳузур барча ишларда камтарлик аҳамиятга эга эканлигини ва инсон ҳеч қачон ўзини бошқалардан устун ҳисобламаслиги лозимлигини таъкидладилар.
Якуни
Қўшимча маълумот учун: press@ahmadiyya.org.uk
Манзил: 22 Deer Park Road, London, SW19 3TL UK
Tel/Fax: 020 8544 7613 Mob: 077954 90682
Email: press@ahmadiyya.org.uk
Press Secretary AMJ International
(Халқаро Аҳмадия Мусулмон Жамоати редакцияси котиби)