Аҳмадия Мусулмон Жамоатининг Бутунжаҳон Раҳнамоси Аҳмадий мусулмонларни дунёда сиёсий ва иқтисодий парокандалик бўлаётгани боис дуога ўзгача эътибор қаратишга чорладилар
2020 йилнинг 30 августида Аҳмадия Мусулмон Жамоатининг Бутунжаҳон Раҳнамоси, 5-Халифа Ҳазрат Мирзо Масрур Аҳмад жаноблари Голландиядаги Мажлиси Худдомул Аҳмадиянинг 125дан зиёд аъзолари билан виртуал шаклда мулоқот ўтказдилар.
Ҳузур Тилфорддаги Исломободда жойлашган ўз идораларидан кўтаринки руҳдаги сессияга раислик қилдилар, Мажлиси Худдомул Аҳмадия аъзолари эса Альмередаги “Байтул Офият” масжиди ёнида жойлашган анжуманлар маркази Хет Витте Хуис (Ой Уй)да тўпланишди.
Мазкур тадбир Қуръон оятлари ва унинг таржимаси билан бошланиб, ундан сўнг баъзи назмлар ўқилди. Сўнгра бир соатга чўзилган учрашувнинг қолган қисмида Мажлиси Худдомул Аҳмадия аъзолари Ҳузурга ўз эътиқодлари, дини ва замонавий мавзулар бўйича бир қатор саволларини йўллаш имкониятига эга бўлдилар.
Мулоқот давомида Ҳузурга турлича саволлар берилди, улар жумласидан қандай қилиб ота-оналар чақалоқларда Аллоҳ таолога бўлган ишончни энг яхши сингдира оладилар; Яқин Шарқдаги сиёсий вазиятлар; COVID-19дан кейинги дунёда деҳқончилик ва қишлоқ хўжалигини ривожлантириш зарурияти борми ёки йўқ, шунингдек, Ҳузурдан ёшлик чоғларидаги ўзига хос шахсий тажрибалари билан ўртоқлашишлари илтимос қилинди.
Ёш болаларга диний ва ахлоқий таълим-тарбия беришнинг муносиб йўли борасида сўралганда, Ҳазрат Мирзо Масрур Аҳмад жаноблари шундай деб жавоб бердилар:
“Аллоҳ таоло болага ахлоқий тарбия бериш унинг туғилганидаёқ бошланиши кераклигини айтган. Шунинг учун Ислом Пайғамбари (саллаллоҳу алайҳи ва саллам) мусулмон боласи туғилганда, болага Азон ва Иқомат (такбир) ўқилиши керак, шунда Аллоҳнинг исми унинг туғилганидан бошлаб қулоғига киради. Шундай қилиб, болага ахлоқий тарбия бериш илк кундан бошланади, шундай ҳолатда ёш чақалоқ ҳеч нарсани тушуна олмайди, деб ўйламанглар”.
Ҳазрат Мирзо Масрур Аҳмад жаноблари сўзларини шундай давом эттирдилар:
“Бола улғайган сари унга Аллоҳ таоло берган нарсалардан барчаси ва уларнинг ҳамма эҳтиёжлари қондирилганлиги учун Унга миннатдорчилик билдириши кераклигини тушунтириб бориш лозим. Бола етти ёшга тўлганда, уни имкони борича кўпроқ намоз ўқишга жалб этиш керак, бироқ айни дамда ёш болани стрессга солманглар ва уларни қўрқитманглар. Уларга меҳр-муҳаббат ва мулойимлик билан муомала қилинглар. Ёдга олувчи асосий нарса, инсон болалик чоғида олган дарсларини кўпинча умр бўйи эслаб туради”.
Яқинда Бирлашган Араб Амирликлари томонидан Исроилнинг расмий тан олинишидан кейинги Яқин Шарқдаги вазиятга боғлиқ Ҳазрат Мирзо Масрур Аҳмад жаноблари шундай дедилар:
“Асосий масала – ҳар бир томоннинг ниятлари. Агар уларнинг ниятлари яхши ва самимий бўлса, тинчликни таъминлайдиган ҳар қандай нарса яхши. Нима бўлишидан қатъий назар, бу сиёсий масалалар ва биз Аҳмадий мусулмонлар сифатида доимо дуога эътибор қаратишимиз керак. Биз барча ҳуқуқларидан маҳрум бўлганлар учун дуо қилишимиз керак”.
Бундан ташқари, Ҳузурдан, агар CОВИД-19дан кейин юзага келиши мумкин бўлган иқтисодий нотинчлик одамлар ёки давлатлар озиқ-овқат хавфсизлигини таъминлаш воситаси сифатида қишлоқ хўжалиги маҳсулотларини кўпайтиришга интилишларини англатадими, деган савол ҳам сўралди.
Бунга жавобан Ҳазрат Мирзо Масрур Аҳмад жаноблари шундай дедилар:
“Албатта, Буюк Британияда, энди улар Европа Иттифоқининг аъзоси эмаслар. Британия ҳукумати учун деҳқончилик ва қишлоқ хўжалигини ривожлантириш оқилона иш бўлади. Европа Иттифоқи аъзоларига келсак, агар улар бирдам бўлиб қолсалар ва озиқ-овқат хавфсизлиги масаласида бир-бирлари билан ҳамкорликни давом эттирсалар, бу уларнинг манфаатларига мос келиши аниқ. Шунга қарамай, муқаррар иқтисодий нотинчлик урушга олиб келмаслиги учун дуо қилишимиз керак. Худо сақласин, агар ядро қуроли ишлатилган бўлса, у ҳолда қанча деҳқончилик ва қишлоқ хўжалиги қилинмасин, бу бефойда бўлади. Шундай қилиб, келажакка назар ташлар эканмиз, Аллоҳ таолонинг раҳм-шафқатини излашимиз зарурдир”.
Ҳузур Аҳмадий мусулмонларни мувозанатли ва тўйимли овқатланишга чорладилар. Унга қодир бўлганлар органик озиқ-овқат истеъмол қилишларини, шунингдек, исмалоқ ёки карам каби баргли яшил сабзавотларни истеъмол қилишларини маслаҳат бердилар.
Суҳбат тугашига яқинлашар экан, Ҳузурдан у зотнинг Аҳмадий мусулмон сифатида ёшлик чоғларидаги ўзгача хотиралари билан ўртоқлашишларини сўранишди.
Бунга жавобан Ҳазрат Мирзо Масрур Аҳмад жаноблари шундай дедилар:
“Мен Покистондаги Аҳмадий мусулмонларга ҳеч қандай чекловлар қўйилмаган болалик чоғларимни севинч билан хотирлайман. Биз ҳар йили Худдомлар Ижтимоси (Ёшларнинг Йиллик Йиғилиши)ни ўтказиб, Ижтимо ҳудудида чодирларни ўрнатиб, тунаб қолардик. Бироқ бизда етарли чодирлар бўлмагани учун чойшабларимиз билан чодир қурардик. Болалар сифатида Ижтимо лагерида чодир тикиб олиб, ҳордиқ чиқариш имкониятига эга бўлганимиздан жуда ҳам қувонардик. Ўша пайтлар менга жуда ҳам ёққан дамлар эди”.
Якуни
Қўшимча маълумот учун: press@ahmadiyya.org.uk
Манзил: 22 Deer Park Road, London, SW19 3TL UK
Tel/Fax: 020 8544 7613 Mob: 077954 90682
Email: press@ahmadiyya.org.uk
Press Secretary AMJ International
(Халқаро Аҳмадия Мусулмон Жамоати редакцияси котиби)