Ҳазрат Мирзо Масрур Аҳмад Германиядаги Аҳмадия Мусулмон Жамоатининг 44-йиллик Йиғилишида қатнашиш учун ташриф буюрдилар
Аҳмадия Мусулмон Жамоатининг Бутун дунё Раҳнамоси, Масийҳи Мавъуд ва Имом Маҳдий – Ҳазрат Мирзо Ғулом Аҳмад (алайҳиссалом)нинг 5-Халифаси Ҳазрат Мирзо Масрур Аҳмад (Аллоҳ таоло у зотга Ёрдамчи бўлсин) 2019-йилнинг 2-июлида Франкфурт шаҳридаги “Байтус-Субуҳ” масжидига ташриф буюрдилар.
Замон Халифаси Лондон шаҳридан енгил автомобиль орқали Германия томон йўл олдилар ва Европа қитъасини босиб ўтиш билан Германиядаги Аҳмадия Мусулмон Жамоатининг Миллий Президенти (Амири) – жаноб Абдулла Вагишаузер ва бир гуруҳ бошқа хизматларда ишлаган инсонлар томонидан кутиб олиндилар.
Ҳазрат Франкфурт шаҳри томон ўз сафарларини давом эттириб, Франция билан Германия сарҳадида жойлашган Аҳен шаҳрида қисқа муддатга тўхтаб ўтгач, маҳаллий вақт бўйича 22:30да “Байтус-Субуҳ” масжидига етиб келдилар, у ерга келган минглаб Аҳмадий мусулмон эркаклар, аёллар ва ёш болалар ўзларининг руҳоний Раҳнамоларини яна бир бор кўриб, жуда хурсанд бўлдилар. Ҳазрат ташриф буюргандан сўнг Шом ва Хуфтон намозларига имомлик қилдилар.
У киши ушбу ҳафта охирида Карлсруэ номли жойда бўладиган Германиядаги Аҳмадия Мусулмон Жамоатининг 44-Жалса Солонасида (Йиллик Йиғилиш) иштирок этиш мақсадида йўл олдилар, унга турли давлатлардан 35000дан зиёд делегация аъзолари ташриф буюриши кутилмоқда.
Уч кунлик тадбирда (5–7-июль кунлари) Ҳазрат Ислом динининг ҳақиқий ва тинчлик таълимотлари тўғрисида Аҳмадий мусулмонлар ва ғайриаҳмадий меҳмонларга мурожаат қиладилар. Бундан ташқари, Ҳазрат Аҳмадий мусулмон йигит ва қиз талабаларга олий таълим олишдаги муваффақиятлари учун фахрий ёрлиқларини топширадилар.
Ҳазрат ўз иш-сафарлари мобайнида турли давлатлардан келган мартабали меҳмонлар билан учрашадилар, шунингдек, юзлаб Аҳмадий мусулмонлар билан алоҳида учрашувларни ҳам ўтказадилар.
Якуни
Қўшимча маълумот учун: press@ahmadiyya.org.uk
Манзил: 22 Deer Park Road, London, SW19 3TL UK
Tel/Fax: 020 8544 7613 Mob: 077954 90682
Email: press@ahmadiyya.org.uk
Press Secretary AMJ International
(Халқаро Аҳмадия Мусулмон Жамоати редакцияси котиби)