“Бир куни бутун дунё Пайғамбаримиз Муҳаммад (саллаллоҳу алайҳи ва саллам)га
салавот айтиб, салом йўллайди”
Аҳмадия Мусулмон Жамоатининг Бутун дунё Раҳнамоси, Масийҳи Мавъуд ва Имом Маҳдий – Ҳазрат Мирзо Ғулом Аҳмад (алайҳиссалом)нинг 5-Халифаси Ҳазрат Мирзо Масрур Аҳмад (Аллоҳ таоло у зотга Ёрдамчи бўлсин) 2019-йилнинг 5-июнь куни Лондон шаҳрида жойлашган “Байтул-Футуҳ” масжидида Ийдул-Фитр хутбасини ўқидилар.
Ўз мурожаатларида Ҳазрат Ҳайитнинг аҳамияти ҳақида сўз юритиб, у инсонларни бир-бирига яқинлаштириб, қувонч билан айёмни ўтказиш манбаи сифатида хизмат қилади, деб айтдилар.
Ҳазрат бугунки кунда инсонлар “Аллоҳу Акбар!” деган сўздан қўрқишади ёки Ислом динига зўрлик-зўравонлик ва экстремистик дин сифатида қарашади, деб билдирдилар. Шунинг учун “Аллоҳу Акбар!” деган сўзларнинг ҳақиқий ва тўлиқ, асл мазмун-моҳиятини кўрсатиш, шунингдек, бутун дунёга Исломнинг тинчлик таълимотларини кўрсатиш Аҳмадий мусулмонларнинг асосий бурчи бўлиб ҳисобланади.
Ҳазрат инсониятни Аллоҳ таолога олиб келиш Аҳмадий мусулмонларнинг бурчи эканини, шунингдек, дунё Севимли Пайғамбаримиз Муҳаммад (саллаллоҳу алайҳи ва саллам)га салавот ва тинчлик йўлловчи инсонларга тўлиб кетган кун ҳақиқий байрам куни бўлишини айтдилар.
Ҳазрат Мирзо Масрур Аҳмад инсон боласининг қувончлари билан ижтимоий учрашувлар ўртасидаги ўзаро алоқаларни тушунтирдилар, шунингдек, иккала ўзаро мустаҳкам алоқали ва қувончли ҳолатларда учрашиб туриш инсон боласи табиатининг бир бўлаги, деб билдирдилар.
Ҳазрат Ислом “инсон табиатининг дини” бўлиб ҳисобланади, шунингдек, у Ҳайит мобайнида инсонларни йирик ҳажмда уларнинг қувончини янада кучайтириш мақсадида йиғилишади, деб айтдилар.
Ҳазрат ҳақиқий Ҳайит инсониятнинг барчаси ўзаро бирлашадиган кун бўлади ва бу мақсад учун Аллоҳ таоло Севимли Пайғамбаримиз Муҳаммад (саллаллоҳу алайҳи ва саллам)ни юборган, деб ҳам айтдилар.
Ҳазрат Мирзо Масрур Аҳмад шундай дедилар:
“Улуғ Ҳайит фақат йирик йиғилишлар бўладиган кунигина бўлиши мумкин. Аллоҳнинг Севимли бандаси, Севимли Пайғамбаримиз Муҳаммад (саллаллоҳу алайҳи ва саллам): “Эй, инсонлар! Ҳақиқатан, мен барчангизга Аллоҳнинг Элчиси бўлиб келдим” деган пайғомни эълон қилган куни инсонларнинг катта йиғилишига асос солинган эди”.
Ҳазрат Мирзо Масрур Аҳмад Аллоҳнинг барча пайғамбарлари инсонларни баробар тўпланишига ҳаракат қилишган бўлса ҳам, бироқ улар ўз миллатлари учунгина келишган эди, иккинчи томондан эса, Севимли Пайғамбаримиз Муҳаммад (саллаллоҳу алайҳи ва саллам) бутун инсоният учун юборилган, деб изоҳладилар.
Ҳазрат Мирзо Масрур Аҳмад шундай дедилар:
“Агар дунёда қандайдир бир “улуғ Ҳайит” бўлган бўлса, у Аллоҳ таоло Ўзининг энг Севимлисига: “Бутун инсониятни баробарига чақиргин ва тўплагин” деган буйруқ берган кунигина юз берган. У дунё Аллоҳ таоло томонидан Муҳаммад Пайғамбар (саллаллоҳу алайҳи ва саллам)га берилган файз-баракалардан фойда олиш учун у зотнинг чақириғига қулоқ солиши шарт эканини эълон қилишга буюрган эдилар”.
Ҳазрат Аллоҳ таоло инсониятнинг бирлашишини хоҳлайди ва шу сабабдан Аллоҳ таоло Муқаддас Қуръонда учраган бирикиш пайғоми билан Севимли Пайғамбаримиз Муҳаммад (саллаллоҳу алайҳи ва саллам)ни бу дунёга юборган, деб айтдилар.
Ҳазрат Мирзо Масрур Аҳмад шундай дедилар:
“Бутун дунё биргина эътиқодга эга бўладиган кунигина ҳақиқий ва улуғ Ҳайит бўлади ҳамда ўша Ҳайитни олиб келувчи масъулиятни Аллоҳ таоло бизга юклаган”.
Ҳазрат Мирзо Масрур Аҳмад яна дундай дедилар:
“Шунинг учун Аҳмадий мусулмонлар бутун инсониятни тўплагувчи ҳақиқий Ҳайитни юзага чиқарадиган инсониятнинг ана шундай тўпланишини қандай ҳосил қилиш мумкин эканлигига эътибор қаратишлари лозим, у орқали инсонлар Худонинг Сўзига қулоқ солиш учун тўпланишади”.
Ҳазрат инсонлар ҳар йили Ҳайит учун кийим-кечак сотиб олиш ва таом пишириш учун кўплаб тайёргарликлар қилишади, бироқ инсоният Ислом динини қабул қиладиган улуғ Ҳайитга кўпроқ эътибор беришлари лозимлигини айтдилар.
Ҳазрат дунё Ислом дини борасида дуч келган асоссиз хавф-хавотирлар ҳақида сўз юритдилар ва бу англашмовчиликларни бартараф эттириш учун Аҳмадий мусулмонлар имкони борича жоиз чора-тадбирларни кўриши лозимлигига чақирдилар.
Ҳазрат Мирзо Масрур Аҳмад “Аллоҳу Акбар!” (Аллоҳ барчадан Улуғ) деган атамани мисол келтириб, унинг қандай террорлик ва дунёга қўрқув солиб келадиган атама бўлиб қолганини айтдилар.
Ҳазрат Мирзо Масрур Аҳмад шундай дедилар:
“Баъзи бир мусулмонларнинг ана шундай хатти-ҳаракатлари мавжуд: одамлар “Аллоҳу Акбар!” деган атама ва Ислом таълимотларидан қўрқишади. Шунинг учун бу атаманинг гўзалликларини дунёга тақдим этиш бизнинг бурчимиз бўлиб ҳисобланади, натижада барча жамиятларнинг кишилари: “Аллоҳдан бошқа сиғинишга лойиқ ҳеч ким йўқ ва Муҳаммад Унинг Элчиси эканлигига гувоҳлик бераман” деган Ислом таълимотини ўқиб, шунингдек, у билан қувониб завқланишсин. Бутун дунё Севимли Пайғамбаримиз Муҳаммад (саллаллоҳу алайҳи ва саллам)ни ҳақорат қилгандан кўра, у зотга салавот ва тинчлик йўлловчи бўлиб қолсин. Дунё Аллоҳ таоло номини бадном қилгандан кўра, “Аллоҳу Акбар!” дея наъра тортувчи бўлиб қолсин”.
Ҳазрат Мирзо Масрур Аҳмад шундай деб давом этдилар:
“Шундай бўлади ва албатта, бир кун келиб, бутун дунё Севимли Пайғамбаримиз Муҳаммад (саллаллоҳу алайҳи ва саллам)га салавот йўллаб, саломлар айтишади. Бу қандайдир бир нодон кишининг хаёл суриши эмас, бир ёш боланинг ўйлаган ўйлари ҳам эмас, аксинча, бу бир куни амалга ошадиган Аллоҳнинг ваъдасидир”.
Ҳазрат Мирзо Масрур Аҳмад барча эҳтиёжмандлар учун дуо қилиб, Аҳмадий мусулмонларни ҳақиқий Ҳайит насиб этиши учун дуо қилишга чорлаб, иймонларни кучайтирувчи ўз мурожаатларини якунладилар.
Ҳайит хутбасидан бир кун олдин бу йилги Рамазон ойининг сўнгги куни Ҳазрат Қуръони Каримнинг охирги уч сурасини тафсир қилиб, изоҳлаб бердилар. Мазкур Қуръон дарси Суррей, Тилфордга қарашли Аҳмадия Мусулмон Жамоати марказида жойлашган “Муборак” масжидида бўлиб ўтди.
Ҳазрат мусулмон дунёсида бирдамликнинг зарурлиги борасида сўз юритиб, Аҳмадия Мусулмон Жамоати аъзолари дунёдаги тинчлик учун ва азоб тортаётган барча инсонлар учун дуо қилишга чорладилар.
Якуни
Қўшимча маълумот учун: press@ahmadiyya.org.uk
Манзил: 22 Deer Park Road, London, SW19 3TL UK
Tel/Fax: 020 8544 7613 Mob: 077954 90682
Email: press@ahmadiyya.org.uk
https://www.ahmadiyya-islam.org/uz/
Press Secretary AMJ International
(Халқаро Аҳмадия Мусулмон Жамоати редакцияси котиби)