Ҳузур ўтган бир йил мобайнида Аҳмадия Мусулмон Жамоатига 112000дан зиёд одам аъзо бўлиб кирганини эълон қилдилар.
Ҳамон давом этаётган COVID-19 пандемияси туфайли бутун дунёдаги Аҳмадий мусулмонлар ўзларининг йиллик йиғилишлари (Жалса Солона)ни жорий йил ўтказа олмадилар. Бироқ 2020-йилнинг 7–9-августларида Буюк Британияда ўтказиладиган халқаро Жалса Солона кунлари Аҳмадия Мусулмон Жамоатининг Бутун жаҳон Раҳнамоси, 5-Халифа Ҳазрат Мирзо Масрур Аҳмад жаноблари икки маротаба иймонларни кучайтирувчи мурожаат уюштириб, Аҳмадия Мусулмон Жамоатининг ўтган йилдаги муваффақиятлари ва ривожланиш-тараққиёти ҳақида сўзлаб бердилар.
7-август жума куни Ҳузур Тилфордга қарашли Исломободда жойлашган “Муборак” масжидида қилган ўз жума хутбаларида баёнотнинг биринчи қисмини ўқиб эшиттирдилар.
Баёнотнинг иккинчи қисми Исломобод мажмуасидаги “Масрур” саройидан махсус Жалса Солонага бағишлаб уюштирилган мурожаатда айтилди. Иккала мурожаат ҳам “Ижтимоий масофа сақлаш” қоидаларига мувофиқ Аҳмадий мусулмонларнинг ихчам йиғилиши асносида ташкил этилди.
Бундан ташқари, Буюк Британияда 2020-йили ўтказилиши кутилган Жалса Солананинг уч кунлик муддати мобайнида “МТА International” Ҳузурнинг ўтган йиллардаги Жалса Солонага бағишлаб уюштирган мурожаатларини ва баъзи махсус янги дастурларни бевосита эфирлар орқали намойиш этди.
Ҳузур бутун жаҳон Аҳмадия Мусулмон Жамоатининг Йиллик Ҳисоботини тақдим этиб, COVID-19 туфайли Ислом динини ёйишда катта ва кутилмаган мушкулотларга қарамай, ўтган бир йил мобайнида Аҳмадия Мусулмон Жамоатига 112179 нафар одам аъзо бўлиб кирганини эълон қилдилар. Шунингдек, Ҳузур Масийҳи Мавъуд ва Имом Маҳдий алайҳиссалом ҳаққоний эканликларини даллиллаб, Аллоҳ таолонинг нишонларига гувоҳ бўлган ҳолда Жамотимизга қўшилган инсонларнинг иймонларни кучайтирувчи воқеаларини баён этдилар.
Аргентинадаги Аҳмадия Мусулмон Жамоатига бир хонимнинг қандай кириб келганлиги тўғрисидаги воқеани айтаётиб, Ҳазрат Мирзо Масрур Аҳмад жаноблари шундай дедилар:
“Аргентиналик бир хоним у ердаги тарғибот уйимиз ёнидан ўтаётиб, Масийҳи Мавъуд ва Имом Маҳдий алайҳиссалом суратларини кўрган ва сурат ёнида “Масийҳ ташриф буюрди” деган сўзлар ёзилган эди. Бу сурат ва сўзлар унга чуқур таъсир ўтказган, чунки у католик динига амал қилар эди. Бунга қадар у Исломга қизиқмаган ва ҳеч бир мусулмонни танимас эди”.
Ҳазрат Мирзо Масрур Аҳмад жаноблари шундай деб давом этдилар:
“У Ислом дини ҳақида ўқиб, излана бошлади ва Аҳмадия Мусулмон Жамоатининг маҳаллий тарғиботчиси билан алоқа ўрнатди. Кейинчалик у Жамоатимиз уюштирган дарслар ва йиғилишларга қатнаша бошлади. Унинг эри буни сезиб, норозилик билдирди, бироқ бунга қарамай, у яширин тарзда алоқа ўрнатиб, Ислом динини тадқиқ этиб юрди. Сўнгра бир йилдан кейин 2019-йилнинг 28-декабрида унинг қалби таскин топиб, Аҳмадия Мусулмон Жамоатига аъзо бўлишга қарор қилди”.
Ҳазрат Мирзо Масрур Аҳмад жаноблари ўз мурожаатларида Аҳмадия Мусулмон Жамоати ташқи миссияларининг фаолияти ҳақида, шунингдек, alislam.org сингари расмий веб-сайтлар ва “Ал-Фазл”, “Ал-Ҳакам”, “Ат-Тақво”, “Динларга назар” каби нашриётларнинг фаолиятлари ҳақида тўхталдилар.
“Динларга назар” журнали тўғрисида Ҳазрат Мирзо Масрур Аҳмад жаноблари сўз юритиб, шундай дедилар:
“Масийҳи Мавъуд ва Имом Маҳдий алайҳиссалом ўзлари “Динларга назар” журналига асос солганлар ва унинг биринчи сони 1902-йилнинг январь ойида нашр этилган. Аллоҳ таолонинг инояти билан бу журнал 118 йилдан бери фаолият кўрсатиб келмоқда. У инглиз, француз, испан ва немис тилларида – ҳар бир тилнинг веб-сайти ва ижтимоий медиа тармоқлари билан ҳамкорликда босмадан чиқмоқда. “Динларга назар” Масийҳи Мавъуд ва Имом Маҳдий алайҳиссалом хабарларини инглиз тилида сўзлашувчи инсонларга етказишда ўта муҳим роль ўйнаган”.
Ҳузур Humanity First (Инсонийлик – биринчи ўринда) ҳамда Халқаро Аҳмадий меъморлар ва муҳандислар Уюшмаси (IAAAE) дунё бўйича олиб бораётган инсонпарварлик фаолиятлари ҳақида ҳам сўз юритдилар. У зотга кўра, айни дамга қадар IAAAE 250000 нафар инсон фойдаланадиган 2800та ичимлик суви иншоотларини ўрнатган. Шунингдек, IAAAE тўққизта давлатда 19та замонавий қишлоқ лойиҳалари тузиб, бошқа турли инсонпарварлик лойиҳалари устида ҳам ишлаб келмоқда.
Ҳузур “Инсонийлик – биринчи ўринда” тўғрисида сўз юритиб, бу хайрия ташкилоти ҳозир 54 давлатда рўйхатдан ўтгани ва унинг инсонпарварлик фаолиятлари орасида 15315та бепул кўз жарроҳлик амалиётини амалга оширганига ҳам тўхталдилар. Бундан ташқари, 345та тиббий лагерлар қурилиб, 230000дан зиёд ночор ва кам таъминланган инсонларга ёрдам берилди.
Ҳузур Аҳмадия Мусулмон Жамоатининг Халқаро телеканали – Аҳмадия Мусулмон Телевидениеси (МТА) ҳақида ҳам сўз юритиб, унинг қандай ривожланиб, тараққий этиб бораётгани тўғрисида айтиб бердилар.
У зот МТА ўтган йили ўз каналлари сонини бештадан саккизтага қадар оширганини ва ўз дастурларини ўн тилда кетма-кет таржима қилаётганини, шунингдек, Исломнинг ҳақиқий ҳамда тинчлик таълимотларини интернет ва ижтимоий тармоқлар орқали тарқатишда имкониятлардан кенг фойдаланаётганини ҳам зикр этдилар.
Ҳузур Аҳмадия Мусулмон Жамоатининг ўсиб-ривожланиши ва унинг Асосчисига қарши айтилган ёлғон бўҳтонларга қарамай, Аллоҳ таоло уни қандай қўллаб-қувватлаётгани ҳақидаги мулоҳазалари билан якунладилар.
Ҳазрат Мирзо Масрур Аҳмад жаноблари шундай дедилар:
“Бугун – 130 йилдан сўнг ҳам Аллоҳ таоло Масийҳи Мавъуд ва Имом Маҳдий алайҳиссалом Жамоатини қўллаб-қувватлаган нишон-аломатлар ҳали ҳам рўёбга чиқаётганини кўрмоқдамиз”.
Ҳазрат Мирзо Масрур Аҳмад жаноблари Масийҳи Мавъуд ва Имом Маҳдий алайҳиссаломнинг қуйидаги иқтибосларини келтирдилар:
“Бу Жамоат Аллоҳ таоло томонидан ўтқазилган ниҳол эканлигини билиб қўйинглар, У Зот уни ҳеч қачон нобуд қилмайди ва бутунлай муваффақиятга эришмагунча рози бўлмайди”.
Масийҳи Мавъуд ва Имом Маҳдий алайҳиссалом иқтибослари билан якунлаб, Ҳазрат Мирзо Масрур Аҳмад жаноблари шундай дедилар:
“Аллоҳ таоло Ўзи юборганларининг ҳурмат-эҳтиромини Ўзи юзага чиқаради ва уларнинг ҳаққонийлигини Ўзи ошкор этади. Худо томонидан бўлмаган ва Унга қарши ёлғон бўҳтон қилаётганлар сўнгида хор бўлишади ва яксон бўлишади”.
Ҳузур 2020-йилнинг Жалса Солонаси муносабати билан уюштирган махсус мурожаатларини овозсиз дуо билан якунладилар.
Аҳмадия Мусулмон Жамоатининг 2019-2020-йиллардаги Йиллик Ҳисоботидан асосий факт ва маълумотлар
· 98 давлатдан 112179 нафар инсон Аҳмадия Мусулмон Жамоатига аъзо бўлди.
· 9,3 миллион варақа орқали 7 миллион нафар инсонга Ислом дини хабари етказилди.
· Тўрт континентда 217та янги масжид ва Аҳмадия Мусулмон Жамоатининг 97та миссияси очилди.
· Аҳмадия Мусулмон Жамоатининг Буюк Британиядаги (Raqeem Press) нашриётидан 360000дан зиёд китоб босилиб чиққан
· 114 давлатнинг 41 сессиясида кўнгиллилар фаолияти орқали 5,2 миллион (АҚШ) доллари иқтисод қилинди.
· Аҳмадия Мусулмон Жамоатининг 288та янги филиали очилди.
· 93 давлатнинг 42 тилида 42 миллион нашр босмадан чиқди.
· 520 миллион инсон 2544та газетада босилган 12453та мақола орқали маълумотга эга бўлди.
· Аҳмадия Мусулмон Жамоатининг www.alislam.org веб-сайтида 310та инглиз ва 1000та урду тилидаги китоб мавжуд.
· Араб тилида 145та янги китоб чиқди.
· 345та бепул Humanity First тиббиёт лагерида 230000 нафар инсон даволанди.
· Humanity First 54 давлатда ташкил этилди.
· “МТА International”да 496 нафар хизмат ходими, улар орасида 417 нафар бепул кўнгиллилар мавжуд.
· МТА ҳозир дунё бўйлаб 8 канал орқали эфирга узатилмоқда.
· Дунё бўйлаб 7540та кўргазма ўтказилиб, улар орқали 343000 нафар инсон Исломнинг ҳақиқий таълимотидан хабардор бўлишди.
· Бутун дунё бўйича 5000дан зиёд китоб столи ва китоб ярмаркаси ўтказилиб, улар орқали 774000 инсон Исломнинг ҳаққоний хабарини олишди.
Якуни
Қўшимча маълумот учун: press@ahmadiyya.org.uk
Манзил: 22 Deer Park Road, London, SW19 3TL UK
Tel/Fax: 020 8544 7613 Mob: 077954 90682
Email: press@ahmadiyya.org.uk
Press Secretary AMJ International
(Халқаро Аҳмадия Мусулмон Жамоати редакцияси котиби)