Уч (3) кунлик Жалса Солона жума куни Хэмпшир номли жойда жойлашган “Ҳадийқатул-Маҳдий”да бошланади
Аҳмадия Мусулмон Жамоатининг Бутун дунё Раҳнамоси, Масийҳи Мавъуд ва Имом Маҳдий – Ҳазрат Мирзо Ғулом Аҳмад (алайҳиссалом)нинг 5-Халифаси Ҳазрат Мирзо Масрур Аҳмад (Аллоҳ таоло унга Ёрдамчи бўлсин) якшанба куни 2016-йилнинг 7-августида Англиядаги Аҳмадия Мусулмон Жамоатининг 50-Жалса Солонага кўрилаётган тайёргарликларини кўриб чиқди.
Уч (3) кунлик Жалса Солона 2016-йилнинг 12-августида жума куни Хэпмшир номли жойда жойлашган “Ҳадийқатул-Маҳдий” (“Маҳдий бўстони”)да бошланади.
Тайёргарликлар таъминланаётган чоғда Ҳазрат Мирзо Масрур Аҳмад (аййадаҳуллоҳу таоло би-насриҳил-азиз) уч кунлик тадбир оралиғида ишлайдиган турли хил бўлимларни кўриб чиқди. У кишига айни дамда кўрилаётган тайёргарликлар ҳақида қисқача маълумотлар берилди.
Шундан сўнг у киши иш ҳақисиз ишлайдиган 5,000дан ортиқ кўнгилли хизматчиларга тўғридан-тўғри мурожаат қилиб, уларга ўзларига юкланган бурчларни тиришқоқлик билан адо этишга ва намозларни қолдирмай ўқишга насиҳат қилди. У киши хизматчиларни бошдан охиригача энг аъло ахлоқларни кўрсатишга чақирди.
Ҳазрат Мирзо Масрур Аҳмад (аййадаҳуллоҳу таоло би-насриҳил-азиз) шундай деди:
“Барча иш ҳақисиз ишлайдиган кўнгилли хизматчилар ҳар вақт энг аъло ахлоқларни кўрсатишлари керак. Улар ҳеч бир меҳмонни норози ёки хафа қиладиган биргина сўзни ҳам сўзламасликлари зарур ёки шундай ишни қилмасликлари шарт”.
Ҳазрат Мирзо Масрур Аҳмад (аййадаҳуллоҳу таоло би-насриҳил-азиз) иш ҳақисиз ишлайдиган кўнгилли хизматчиларга намознинг муҳимлигини эслатаётиб шундай деб айтди:
“Намоз ва Аллоҳ таолонинг ибодати орқалигина биз бажарган ҳаракатларимиз ва ишларимиз баракали бўлади. Бизнинг муваффақиятимизнинг сири фақат мана шунда! Аллоҳ таолонинг Меҳрибонлиги ва Раҳмлилигисиз биз ҳеч нарсага эриша олмаймиз”.
Бунга қадар у киши Лондон Шаҳрида жойлашган “Байтул-Футуҳ” масжидида, Хэслемер номли минтақада жойлашган Англиядаги Аҳмадия Жомиясининг биносида уюштирилган тайёргарликларни ҳам кўздан кечирди.
У киши жума куни ушбу тадбирда ўзининг жума хутбасини ўқиши биланЖалса Солона бошланади. Шундан сўнг у киши якшанба кунигача бўлган вақт оралиғида ҳам 4 бора нутқ сўзлайди.
Якшанба куни минглаб Аҳмадий мусулмонлар Халифанинг қўлига “Байъат” деб аталувчи аҳду паймон қилишади.
Дастурларнинг барчаси МТА Интернейшнал (Халқаро Аҳмадия Мусулмон ТВ)дан бевосита эфир орқали бутун дунёга намойиш қилинади.
Якуни
Қўшимча маълумот учун: press@ahmadiyya.org.uk
Манзил: 22 Deer Park Road, London, SW19 3TL UK
Tel/Fax: 020 8544 7613 Mob: 077954 90682
Email: press@ahmadiyya.org.uk
Press Secretary AMJ International
(Халқаро Аҳмадия Мусулмон Жамоати редакцияси котиби)