Аҳмадия Мусулмон Жамоатининг Раҳнамоси Европада уюштирилган террорчилик ҳужумларини танқид остига олиб, дунёда тинчликни ўрнатишга чорлади

  • Ҳазрат Мирзо Масрур Аҳмад мусулмон давлатларининг парчаланиши ҳақида тўхталди
  • Ҳазрат Мирзо Масрур Аҳмад Рим Папаси Францискнинг:“Бугунги кундаги хоинликлар ўзгача бир диний уруш билан боғлиқ эмас”,- деб айтган сўзларини олқишлади

Аҳмадия Мусулмон Жамоатининг Бутун дунё Раҳнамоси, Масийҳи Мавъуд ва Имом Маҳдий – Ҳазрат Мирзо Ғулом Аҳмад (алайҳиссалом)нинг 5-Халифаси Ҳазрат Мирзо Масрур Аҳмад (Аллоҳ таоло унга Ёрдамчи бўлсин) ер юзидаги мусулмон жамоатларни Ислом динининг соф тинчлик таълимотларига қайтишга чақирди.
Лондон шаҳрида жойлашган “Байтул-Футуҳ” масжидида ўқиган ҳафталик жума хутбасида у киши шундай деди: ҳозирда Европада уюштирилган террорлик ҳужумлари дастидан дунё жуда хавфли ва оғир вазиятга юз тутди ва у ҳужумлар умуман Ислом динининг таълимотларига қарши эканлигини айтди. У киши Туркия ва бошқа мусулмон давлатларида кучайиб бораётган фитна-фасод ҳақида ҳам тўхталди.
Мусулмон дунёсида кучайиб бораётган беқарор вазият ҳақида сўзлаётиб, шундай деди:

“Ҳар бир ўтиб бораётган кунда мусулмон жамоатларининг кучи ва қудрати йўқолиб бормоқда. Бунинг асосий сабаби, мусулмонлар етакчилари ва номигагина олим ҳисобланувчи диний уламолар Исломнинг ҳақиқий таълимотларини тушунмайдилар ва ўз жамоатларини емирилиш ва ҳалокат йўлларига йўналтирмоқдалар”.

У киши шундай деб давом этди:

“Биз ҳар бир мусулмон мамлакатда тўс-тўполон ва бебошлик ҳукм сурганини кўрмоқдамиз. Чунки уларнинг раҳбарлари ўзларининг шахсий манфаатларини ўз фуқароларининг ҳақ-ҳуқуқларидан ва ўз жамоатларининг ўсиб-ривожланишидан юқори қўйишади”.

У киши шундай деб қўшимча қилди: мусулмон давлатларнинг емирилиши фақат Исломнинг мухолифларига фойда келтиради, шунинг учун бир-бирини яксон қилишнинг ўрнига мусулмонлар тинчлик билан бирикишлари керак.
Ҳазрат Мирзо Масрур Аҳмад шундай деди:

“Мусулмон дунёси ва унинг ҳокимиятлари яқиндагина бўлиб ўтган баъзи бир воқеалардан умуман ибрат олишгани йўқ. Улар Ироқ, Сурия ва Ливияда нима бўлганига, у давлатлар қандай бўлиниб-парчаланганига ва у жамоатларнинг келажаги қандай яксон бўлганига гувоҳ бўлишган эмасми?! Мусулмон етакчилари дарҳол ушбу мисолларга эътибор қаратишлари керак ва мусулмон дунёсида ҳукм сураётган инқироз ва бебошликдан ким фойда кўрмоқда деган саволни ўзларига беришлари зарур”.

У киши ҳозирда Европада уюштирилиб келаётган террорлик ҳужумлари силсиласига ҳам жавоб қайтарди. У мана шундай ҳужумлар Ислом таълимотларига мутлақо қарши эканини айтди. Масалан, яқинда Францияда Папа Жак Амелнинг ўлдирилишини “жирканарли ва Ислом таълимотларига бутунлай зид” эканини айтди.
Ҳазрат Мирзо Масрур Аҳмад шундай деди:-

“Яқинда террористик гуруҳлар бегуноҳ инсонларнинг жонларини олиш билан Ғарб жамоатчилигида ҳам ўзларининг жуда ҳам шафқатсиз ваҳшийликларини узлуксиз бошлаган. Террористлар Ислом дини ҳақида мутлақо билишмайди, акс ҳолда улар Севимли Пайғамбаримиз Муҳаммад (саллаллоҳу алайҳи ва саллам) қандай вазият бўлмасин, бегуноҳ инсонларни ўлдиришдан ман этганлигини яхши билишлари керак эди. Севимли Пайғамбаримиз Муҳаммад (саллаллоҳу алайҳи ва саллам) болаларни, аёлларни, кексаларни, шунингдек, диний хизматкорлар билан ибодат қилинадиган жойлар ва черковларни нишонга олишдан ман этган”.

Ҳазрат Мирзо Масрур Аҳмад шундай деб давом этди:

“Ушбу террористлар Қуръони Карим ва Севимли Пайғамбаримиз Муҳаммад (саллаллоҳу алайҳи ва саллам) олиб келган таълимотлардан юз ўгиришдан бўлак нимага эришган?! Мен очиқ-ойдин айтиб қўяй: улар Ислом динига даъват қилмасдан, аксинча ўзларининг нафрат ва оғули динини яратиб олишган”.

“Ислом” деган сўзнинг маъноси ҳақида тўхталиб, Ҳазрат Мирзо Масрур Аҳмад шундай деди:

“Аллоҳ таоло динимизга “Ислом” деган ном берган, сўзма-сўз олганда, тинчлик деган маънони билдиради.Шундай қилиб, номнинг ўзи турли хил терроризм, экстремизм ва зўравонликни рад этади. Унинг ўрнига Ислом – бу тинчлик, эркинлик ва севгининг чемпиони ва барча инсонлар учун хавфсиз дин”.

У киши яқинда Рим папаси Францискнинг “дунёда уруш бўлмоқда, бироқ у диний уруш эмас” деб билдирган муносабатини олқишлади. У киши шундай деди: Поп бугунги кундаги урушни тўғри фарқлабди, бу дин очган уруш эмас, аксинча очкўзлик ва ҳокимият билан бойликка интилиш бўлиб ҳисобланади.
Якунида у киши шундай деди: бугунги кундаги оғир давр алоҳида амалимиз орқали ҳам, медиа ва бошқа тегишли форумлар орқали ҳам Ислом динини ҳақиқий ва тинчлик таълимотларини ёйиш каби масъулиятни Аҳмадий мусулмонларга юклайди.
Ҳазрат Мирзо Масрур Аҳмад шундай деди:

“Жамоатчиликнинг ҳар бир қисмигача тинчликни ёйинглар. Барча инсонлар орасида меҳр-мурувватни тарқатинглар. Севги, раҳм-шафқат ва меҳр-мурувватнинг кучи билан, инсонларнинг қалбларини забт этиш йўли билан инсониятни Аллоҳ таоло ва Севимли Пайғамбаримиз Муҳаммад (саллаллоҳу алайҳи ва саллам)га олиб келинглар”.

У киши Аҳмадий мусулмонларга дунёдаги тинчлик учун дуо қилиш жуда ҳам муҳим эканлигини айтди.

Якуни

Қўшимча маълумот учун: press@ahmadiyya.org.uk
Манзил: 22 Deer Park Road, London, SW19 3TL UK
Tel/Fax: 020 8544 7613 Mob: 077954 90682
Email: press@ahmadiyya.org.uk
Press Secretary AMJ International
(Халқаро Аҳмадия Мусулмон Жамоати редакцияси котиби)