Франциядаги черковга уюштирилган ҳужумга боғлиқ Аҳмадия Мусулмон Жамоатининг баёноти

Бир кун олдин Франция черковида Папа Жак Амелнинг ўлдирилиши Аҳмадия Мусулмон Жамоатининг ер юзидаги барча аъзоларини чуқур қайғуга солди ва тилка-пора қилди

Аҳмадия Мусулмон Жамоати ушбу воқеани ўзгача бир ваҳшийлик ва ёвуз ҳужум қилиш деб ўйлайди, шунингдек, қандай ҳолатда бўлмасин ёки қандай вазиятда бўлмасин, уни умуман оқлаб бўлмайди.
Қуръони Карим ва Ислом динининг Асосчиси – Севимли Пайғамбаримиз Муҳаммад (саллаллоҳу алайҳи ва саллам) олиб келган таълимот – бу тинчлик, сабрлилик ва инсониятни севишдир.
Қуръони Карим биргина инсонни ўлдириш бутун инсониятни ўлдириш билан баробар, деб айтади. (5:33)
Севимли Пайғамбаримиз Муҳаммад (саллаллоҳу алайҳи ва саллам) умр бўйи турли хил уруш, тўс-тўполон ва адолатсизликларни танқид қилган. У ўзига эргашганларга қуйидагича қаттиқ кўрсатма берган: мудофаа мақсадида қилинган жангда ҳам ҳеч бир диний хизматкорга, ҳеч бир ибодат қилинувчи жойга, ёки кексалар, аёллар ва болалар сингари бегуноҳ инсонларга ҳам ҳужум қилишга рухсат йўқ.
Бугунги кунда ҳеч бир жамият ёки ҳеч бир гуруҳ Ислом динига қарши урушни эълон қилган эмас. Мусулмонлар Ғарб давлатларида эркин яшаб, ўзларининг эътиқодлари бўйича амал қилиш имкониятига эга, шунинг учун мусулмонлар бу эркинликларга миннатдорчилик билдиришлари шарт. Шундай қилиб, террористлар ва экстремистлар томонидан кўрсатилаётган нафрат бутунлай тушунарсиз. Мана шундай террористлар ва экстремистлар Ислом динини ҳимоя қилишнинг ўрнига уни ва унинг таълимотларини бадном қилишга ва булғашга хизмат қилишмоқда.
Аҳмадия Мусулмон Жамоати Папа Жак Амелнинг оиласига ва жабрланганларнинг барчасига чуқур ҳамдардлик билдиради.
Биз Рим папаси Франциск, Рим Католик черкови ва францияликларга ҳам ҳамдардлик билдирамиз. Биз уларнинг қайғусини тенг бўлишамиз ва биз уларнинг кулфат-мусибатларини тенг бўлишамиз.
Биз дунёда тинчлик бўлиб, турли хил терроризм, экстремизм ва нафратнинг йўқолиши учун дуо қиламиз.

Якуни

Қўшимча маълумот учун: press@ahmadiyya.org.uk
Манзил: 22 Deer Park Road, London, SW19 3TL UK
Tel/Fax: 020 8544 7613 Mob: 077954 90682
Email: press@ahmadiyya.org.uk
Press Secretary AMJ International
(Халқаро Аҳмадия Мусулмон Жамоати редакцияси котиби)