Халқаро Аҳмадия Мусулмон Жамоатининг Раҳнамоси Роҳинга мусулмонларига бўлаётган ваҳшийликни қаттиқ қораладилар

 Аҳмадия Мусулмон Жамоати Мянмар (Бирма)даги Роҳинга мусулмонларига бўлаётган ваҳшийликларни қаттиқ қоралайди

Келган хабарларга кўра, мусулмонларнинг жуда катта сони ўлдирилиб юборилган, жуда катта сони эса ярадор бўлган. Минглаб сондаги одамлар ўз уй-жойларини ташлаб қочишга мажбур бўлдилар. Инсониятга бўлган бундай ваҳшийликларни сўзлар билан ифодалаш мумкин эмас.

Аҳмадия Мусулмон Жамоати халқаро жамоатчиликни Мянмар (Бирма) мусулмонларига асосий инсоний ҳақ-ҳуқуқлар ва эркинлик учун ёрдам кўрсатишга чақиради.

Аҳмадия Мусулмон Жамоатининг Бутун дунё Раҳнамоси, Масийҳи Мавъуд ва Имом Маҳдий – Ҳазрат Мирзо Ғулом Аҳмад (алайҳиссалом)нинг 5-Халифаси Ҳазрат Мирзо Масрур Аҳмад (Аллоҳ таоло у зотга Ёрдамчи бўлсин) шундай дедилар:

“Мянмардаги Роҳинга мусулмонлари билан қилинаётган золимона муомаладан барча Аҳмадий мусулмонлар чуқур қайғурмоқда. Шунингдек, ушбу ваҳшийлик ва адолатсизлик дарҳол бартараф этилсин, деб дуо қиламиз.

Дарҳақиқат, мусулмон дунёсидаги ички бўлиниш-парчаланиш ва фирқачилик боис мусулмонлар мана шундай хор-зорликларга дуч келишмоқда. Агар мусулмон жамият ва жамоатлар ўзаро аҳил бўлишганда, мана шундай фожиалар юз бермас эди.

Мен Аҳмадия Мусулмон Жамоати номидан халқаро жамоатчилик Мянмар (Бирма)даги мусулмонларга ёрдам кўрсатиш учун биргаликда ҳаракат қилади ва мусулмон жамоатчилик мана шундай фаолиятда ҳаммадан олдинда бўлади деган умиддаман ва дуо қиламан.

Мянмар (Бирма)даги мусулмонлар кўриб келаётган зулм-ситам ва ўзларининг асосий диний ҳақ-ҳуқуқларидан маҳрум қолдирилаётган барча дунёдаги инсонларга бўлаётган ушбу адолатсизлик дарҳол бартараф этилсин, деб дуо қиламан. Биз барча одамларга ўзларининг эътиқодлари ва ақидаларига мувофиқ ҳеч қўрқмасдан ўз динига амал қилиш эркинлиги берилиши лозим ва барча одамларга уларнинг давлат қонуни асосида баробар муносабатда бўлиши керак, деб ишонамиз”.

 

Якуни

 

Қўшимча маълумот учун: [email protected]

Манзил: 22 Deer Park Road, London, SW19 3TL UK

Tel/Fax: 020 8544 7613 Mob: 077954 90682

Email: [email protected]

https://www.ahmadiyya-islam.org/uz/

Press Secretary AMJ International

(Халқаро Аҳмадия Мусулмон Жамоати редакцияси котиби)