- Ҳазрат Мирзо Масрур Аҳмад мурожаат этиб, тенг ҳуқуқлилик ва адолатга чорлади
- АҳмадияМусулмонЖамоатининг Раҳнамоси Канада Бош вазири Жастин Тродо томонидан кутиб олинди
- Ҳазрат Мирзо Масрур Аҳмад “House of Commons”да “Саволлар Танаффуси” пайтида расмий турда таништирилди
- Йигирмага яқин вазирлар, Сенаторлар, Парламент аъзолари ва давлат сиёсатини йўналтирувчилар Ҳазрат Мирзо Масрур Аҳмадни Парламентда кутиб олишди
- Ҳазрат Мирзо Масрур Аҳмад эл хизмати учун Сэр Зафруллоҳ Хон мукофотини Луиза Арбурга топширди
2016-йилнинг 17-октябрида Аҳмадия Мусулмон Жамоатининг Бутун дунё Раҳнамоси, Масийҳи Мавъуд ва Имом Маҳдий – Ҳазрат Мирзо Ғулом Аҳмад (алайҳиссалом)нинг 5-Халифаси Ҳазрат Мирзо Масрур Аҳмадни (Аллоҳ таоло унга Ёрдамчи бўлсин) КанадаПарламентида Муҳтарам Бош вазир Жастин Тродо,идора вазирлари ва 50дан зиёд депутатлар билан Сенаторлар қабул қилишди.
Сўнгра ўша куни кечки пайт Замон Халифаси Оттавада жойлашган Канада Парламентининг “Сэр Жон А. Макданалд” номли биносида бўлиб ўтган махсус кечага қатнашган 225дан зиёд инсонларга“Одамгарчилик – бу тинч дунё учун ўзгача бир пойдевор”номли мавзуда тарихий мурожаат қилди.
Парламентнинг 50дан зиёд аъзолари билан бирга 110дан ортиқ меҳмонлар иштирок этишди. Аталган тадбирга ҳукумат вазирлари, масалан, илм-фан вазири ва Бош вазирнинг расмий вакили – Кирсти Данкан ва Интеграция, Мигрантлар ва фуқаролик вазири Жон Макаллам ҳам қатнашишди.
Иштирок этганлар орасида Сенаторлар, дипломатик корпус аъзолари, шунингдек, 11 мамлакат элчилари, медиа вакиллари, олимлар, жамоат ташкилотлари раҳбарлари, диний арбоблар ва жамиятнинг турли соҳаларидан атоқли инсонлар ҳам мавжуд эди.
Ўз тарихий мурожаатида Ҳазрат Мирзо Масрур Аҳмад глобал аҳамиятга эга бир талай муаммолар ҳақида сўз қилиб, унинг ичида глобал уруш хавфи, диний эркинлик, кучайиб бораётган радикализм билан экстремизм ҳамда халқаро ҳамкорликлар ҳақида сўзлади.
У киши дунёдаги ҳокимиятларниҳар бир масалада ҳақиқий адолат ва тенг ҳуқуқлиликни кўрсатишга чақирди. У киши Ислом динининг таълимотларини тавсия қилиб, Қуръони Карим берган таълимотлар асосида дунёдаги муаммоларнинг ҳал этилишини айтиб берди.
Жамиятда иттифоқ ва бирдамлик зарурияти ҳақида Ҳазрат Мирзо Масрур Аҳмад шундай деб айтди:
“Ҳар қандай тафовутларга қарамай, барчамиз одамгарчилик асосида бу ерга йиғилганмиз ва биз иттифоқлашишимиз зарур деб ишонаман. Барча инсонлар ва ташкилотлар биргаликда инсоний қадриятларни ўрнатиш ва дунёни тинч макон қилиш учун ҳаракат қилишлари лозим”.
Ҳазрат Мирзо Масрур Аҳмад шундай деб давом этди:
“Агар инсоний қадриятлар ва инсон ҳуқуқи бир мамлакат ёки минтақада ҳам мустаҳкам сақланмаса, унда у билан дунёнинг бошқа минтақалари ҳам таъсирланади ва мана шундай зулмлар кенг ёйилиб кетиши мумкин. Шунингдек, дунёнинг бир бурчида мавжуд яхшилик, одамгарчилик ва фаровонлик бошқа жамиятларга ва бошқа инсонларга яхши таъсир қилади”.
Дунёда кучайиб бораётган фитна-фасодлар ҳақида Ҳазрат Мирзо Масрур Аҳмад шундай деди:
“Алоқа ва транспортнинг замонбоп кўринишлари натижасида барчамиз бир-биримизга жуда ҳам яқин бўлиб қолганмиз ва қандайдир бир таъқиқлар ёки минтақаларга бўйсунмаймиз. Шундай бўлса ҳам, ҳайратланарлиси ва ачинарлиси, биз илгаригидан да мустаҳкам ва пухта алоқа ўрнатганимизга қарамасдан, ҳақиқатда, кундан-кунга узоқлашиб бормоқдамиз. Бу ўта ачинарли ва жуда қайғули нарса, инсониятни бириктириб, улар ўртасида муҳаббатни ёйишнинг ўрнига дунё нафратларни, зулмларни ва адолатсизликларни тарқатишга кўпроқ эътибор қаратмоқда”.
У киши дунёнинг Ислом дини ҳақида қўрқувлари ўсиб бораётганини тан олди. У киши дин ҳақида қўрқувнинг ҳеч ҳожати йўқ эканини айтди.
Ҳазрат Мирзо Масрур Аҳмад шундай деди:
“Мен сизларни ишонтирмоқчиман: Ислом дини сизлар умуман кўрганингиздай ёки медиа тасвирлаб бергандай эмас. Шунингдек, Ислом дини ҳақида менинг билимим бошқача, мен билган Ислом динининг таълимотлари унинг номига асосланади. “Ислом” сўзининг луғавий маъноси – бу “тинчлик”, “севги” ва “мутаносиблик”, шунингдек, унинг барча таълимотлари фақат мана шу қадриятларга асосланган”.
Ҳазрат Мирзо Масрур Аҳмад шунда деб давом этди:
“Афсуски, баъзи бир мусулмон гуруҳларнинг эътиқодлари ва амаллари Ислом динининг таълимотларига бутунлай қарши эканини ҳам инкор эта олмаймиз. Улар Ислом динининг асосий ўқувларини тўлиғича бузиб, унинг номидан ўта хавфли фитна-фасодлар ва терроризмни уюштиришмоқда”.
Ҳазрат Мирзо Масрур Аҳмад халқаро диний эркинлик ҳар бир муваффақиятли ва ўзаро ҳамкор жамият учун муҳим шарт бўлиб ҳисобланишини айтди.
Ҳазрат Мирзо Масрур Аҳмад шундай деди:
“Қуръон карим 2-сурасининг 257-оятида кескин турда “динда зўравонлик йўқ” деб айтади. Ўй-фикр эркинлиги, дин тутиш эркинлиги ва сўз эркинлигини қамраб оладиган бу қандай тўлиқ ва атрофлича муносабат?! Шундай қилиб, эътиқодим ва ўқувим – бу ҳар бир инсон, ҳар бир қишлоқда, шаҳарчада, шаҳарда ёки мамлакатда ўз динини танлаш ва унга амал қилиш тортишувсиз ҳуқуққа эгадир”.
У киши шундай деди: ачинарлиси, мусулмон дунёсининг ҳокимиятлари ва баъзи бир Ғарб Ҳокимиятлари ҳам ўз жамиятлари орасидаги айрим жамоатларнинг диний ҳуқуқларини чеклаб қўйган.
У киши шундай деди: диний эркинликни чеклашга қилинадиган ҳар бир ҳаракат хавфли бўлади.
Ҳазрат Мирзо Масрур Аҳмад шундай деди:
“Ҳар бир якка инсон тинч йўл билан даъват қилиш ва ўз таълимотларини ўзгаларга етказиш ҳуқуқига эга. Бу эркинликлар, инсоннинг асосий ҳуқуқлари кафолатланиши лозим, шунинг учун қонун чиқарувчи кенгашлар ёки ҳокимиятлар тўғридан-тўғри бундай масалаларга аралашувдан ўзларини тортиши керак”
Ҳазрат Мирзо Масрур Аҳмад шундай деб давом этди:
“Ҳокимиятлар ва парламентлар томонидан инсонларнинг асосий диний амалларига ёки эътиқодларига чекловларни қўйиш ўзгача бир ақллилик эмас. Масалан, аёллар ўзларига қандай кийимларни танлашига ҳукуматлар қизиқмаслиги керак. Улар ибодат қилувчи жойи қандай кўринишга эга эканлиги ҳақида ҳам ёрлиқларни чиқармаслиги лозим. Агар улар бу йўлдан қайтишмаса, унда уларнинг фуқаролари ўртасида ўзгача бир нотинчлик ва юқори даражадаги бебошлик ҳукм сура бошлайди. Агар ушбу шикоятларга эътибор берилмаса ва ҳуқуқлар поймол этилаверса, унда албатта, охир-оқибатда у жамиятнинг тинчлигини хавф остида қолдиради”.
Ислом динининг таълимотлари бўйича ҳукуматларнинг роли ҳақида сўзлаб, Ҳазрат Мирзо Масрур Аҳмад шундай деди:
“Ўз фуқароларидан уларнинг ҳақ-ҳуқуқларини тортиб олишнинг ўрнига уларга ҳақ-ҳуқуқларини бергудек ҳолатда қонун чиқариш ўз жамиятининг назоратчилари сифатида ҳукуматлар ва парламентларнинг вазифаси бўлиб ҳисобланади”.
У Ҳазрат шундай деди: дин тутиш эркинлиги ўта муҳим бир тамойил бўлса ҳам, қайси жойда экстремизм ёки нафратнинг тарқалиш хавфи бор бўлса, у ҳолда ўша жойда аралашиб, ўз фуқароларини ҳимоя қилиш мақсадида ўзгача бир зарур чорани кўриш ҳукуматларнинг вазифаси бўлиб ҳисобланади.
У Ҳазрат маҳаллий муаммолар ва халқаро ҳамкорликларда адолатнинг зарурияти ҳақида ҳам сўзлади.
Ҳазрат Мирзо Масрур Аҳмад шундай деди:
“Ҳукумат калитининг топширилиши жуда катта ишонч, шунинг учун биз, одатда, давлат раҳбарларини ўз одамларига ишонч ва бутунлай адолат билан хизмат қилишга аҳду паймон қилганини кўрамиз. Ачинарлиси, кўпчилик пайтларда мана шундай ишончли аҳду паймонларнинг қуруқ сўз бўлиб қолишига гувоҳ бўламиз”.
Ҳазрат Мирзо Масрур Аҳмад шундай деб давом этди:
“Баъзи бир мамлакатларда диктатуралар ва адолатсиз ҳокимиятлар мавжуд, йирик кучлар уларнинг зулмларига сўқир кўз билан қарашади, чунки ўша ҳокимиятлар уларга (йирик кучларга) дастак кўрсатишлари ва уларнинг шахсий манфаатларига мувофиқ савдоларида уларга қулайликларни яратишлари лозим эди. Шундай бўлса ҳам, қайси давлатларда лидерлар ёки ҳукуматлар йирик кучларнинг хоҳишларига бўйсунишмаса, унда улар қўллашга ёки режимнинг алмашишини талаб қилишга жуда хайрихоҳ бўлишади. Ҳақиқатда, бу уларнинг ҳукуматлари ўз фуқароларига қилаётган муносабатидан бошқа нарса эмас. Шунчаки молиявий тафовут: баъзи бир масалаларда ўша ҳукуматлар йирик кучларга ёрдам беришади, бошқалар эса шундай қилмайдилар”.
Халифа жаноблари “эҳтимолий фалокатларини ҳисобга олмаганда”баъзи бир мусулмон жамиятларга қурол-яроғларни сотадиган айрим ҳукуматларни танқид остига олди.
У Ҳазрат шундай деди: кўпинча шундай қурол-яроғлар нотўғри қўлларга тегиб қолади ёки бегуноҳ фуқароларни ўлдириш учун қўлланилади.
Саудия Арабистонининг Ямандаги урушини бир чиройли мисол сифатида кўрсатиб, унинг эҳтимолий оқибатлари устидан фикр юргизиб, Ҳазрат Мирзо Масрур Аҳмад шундай деб айтди:
“Саудия Арабистони ўзининг Ямандаги урушида Ғарбдан сотиб олинган қуролларни қўлланаётгани маълум, у урушда аёллар ва болалар билан бирга минглаб бегуноҳ фуқаролар ўлдирилган ва жуда кўп вайроналар бўлган. Бундай қурол-яроғ сотишнинг сўнгги натижаси қандай бўлади? Ҳаётлари ва келажаги яксон қилинган яманликлар Саудия Арабистонидан нафратланиб, ундан ўч олишнигина кўзламасдан, Саудия Арабистонига қурол-яроғларни етказувчиларни ва бутунлай Ғарбни ҳам ёмон кўришади”.
Ҳазрат Мирзо Масрур Аҳмад шундай деб давом этди:
“Ўзгача бир умид ёки келажаги қолгани йўқ, жуда хавфли ваҳшийликка гувоҳ бўлишди, уларнинг ёш авлодлари радикаллашиши ва ушбу йўл билан терроризм ва экстремизмнинг янги ваҳшийлик даври бошланади. Бундай вайроналик ва фалокатлар бир неча миллион долларга арзигуликми?”
У Ҳазрат халқаро ташкилотлар, масалан, БМТ, унга аъзо бўлган барча давлатлар ўртасида холислик билан тенг ҳуқуқлиликни таъмин этиш заруриятини ҳам айтди.
Ҳазрат Мирзо Масрур Аҳмад шундай деди:
“Агар биргина йирик кучлар ва халқаро ташкилотлар, масалан, БМТ қандай вазият бўлмасин, ўзларининг асосий тамойилларини (принципларини) амалда тутганда эди, у ҳолда ер юзининг кўплаб минтақаларга юқтирган терроризмнинг улкан азобини кўрмас эдик. Биз дунёнинг тинчлиги ва хавфсизлигини бир неча марта яксон қилинганини кўрмас эдик. Ва албатта, биз ҳозир Европа билан бошқа ривожланган давлатларнинг инсонларини қўрқитиб-чўчитаётган йирик қочқинлар инқирозига гувоҳ бўлмас эдик”.
Ҳазрат Мирзо Масрур Аҳмад шундай деб давом этди:
“Бирлашган Миллатлар Ташкилоти қандайдир бир сиёсат, адолатсизлик ёки тарафкашликка урғу бермай, дунёда тинчликни ўрнатиш учун ўз ролини ўйнаши лозим”.
Ниҳоясида Ҳазрат Мирзо Масрур Аҳмад шундай деди:
“Мен ишонаман ва дуо қиламан: Аллоҳ таоло Бирлашган Миллатлар Ташкилоти ва дунёдаги ҳукуматларга шундай йўл билан иш-ҳаракат қилиш учун куч-қувват берсинки, натижада ҳақиқий ва узоққа чўзилган тинчлик ўрнашсин. Бунинг муқобилини ўйланиш мумкин эмас, чунки агар биз шиддат билан фақат мана шу йўлда давом этаверсак, унда яна бир жаҳон урушига олиб борувчи қандайдир бир воқеа рўй бериши мумкин”.
Ҳазрат Мирзо Масрур Аҳмад шундай деб давом этди:
“Аллоҳ таоло дунё лидерларига ва сиёсатчиларига ақл-фаросат ато этсин, натижада биз болаларимиз ва келажак авлодларимизга қолдирадиган дунё тинчлик ва осойишталик дунёси бўлсин”.
Аталган тадбирда Ҳазрат Мирзо Масрур Аҳмад жаноблари Бирлашган Миллатлар Ташкилотининг инсон ҳуқуқлари бўйича собиқ раиси ва Канада Олий Судининг собиқ Судьяси Луиза Арбур хонимга унинг жамоатчилик билан алоқа хизматлари учун Сэр Зафруллоҳ Хон мукофотини топширди. Бу мукофот унинг узоқ ва машҳур хизмат пайтида қилган ошкора ижтимоий хизматларига муносибдир.
Мукофот олаётганда Луиза Арбур хоним шундай деди:
“Мен жуда кучли юрист, адвокат, судья ва буюк дипломат номидан аталган бу ўта қадр-ифтихорли мукофот билан жуда фахрланмоқдаман. Мен айниқса, Сэр Зафруллоҳ Хон Халқаро Суднинг Бош Судьяси ва Президенти сифатида хизмат қилганда, у билан бирга бўлиш бахтига муяссарман… Шунингдек, Аҳмадия Мусулмон Жамоатининг тинчлик маданиятини ривожлантириш учун турганлиги ва мунтазам турганлиги ҳар доим менга чуқур таъсир қилади”.
Бир талай меҳмонлар ҳам ўз ўй-фикрларини билдиришди.
Илм вазири ва Бош вазир Жастин Тродонинг расмий вакили муҳтарама Кирсти Данкан хоним шундай деди:
“Аҳмадия Мусулмон Жамоатининг Бутун дунё Раҳнамоси ва 5-Халифаси Ҳазрат Мирзо Масрур Аҳмадни (Аллоҳ таоло унга Ёрдамчи бўлсин) бугун Парламент Холмуга қабул этиш жуда катта ҳурмат-эҳтиром ва ифтихордир. Бугун бутун Парламент Холму бирга Аҳмадия Мусулмон Жамоати билан бирга нишонлаш ва унга ўз дастагимизни кўрсатишимиз учун У Ҳазрат билан келиб ўтирибди… Аҳмадия Мусулмон Жамоати Канадада ўта муҳим тафовутларни яратган ва ҳар доим “Севги Барчага, Нафрат Ҳеч кимга” деганни юксалтиради”.
АҚШнинг Халқаро Диний Эркинлик бўйича комиссияси Раисининг ўринбосари жаноб Доктор Жеймс Ж.Зогби шундай деди:
“АҚШнинг Халқаро Диний Эркинлик бўйича комиссияси номидан бугунги кечада Сиз, Улуғ Муҳтарам Ҳазрат Мирзо Масрур Аҳмад билан бирга бўлишдан фахрланиб турибман. Аҳмадия Мусулмон Жамоати ҳақида ҳар доим бизга чуқур таъсир қилган нарсаси: тазйиқ натижасида жуда кўп жабрланганингизга қарамасдан, сизлар тазйиқ қилинаётган бошқа инсонларнинг ҳуқуқини ҳимоя қилиш бўйича чемпион сифатида қолмоқдасизлар. Сабрсизлик кучайиб бораётгандай кўринаётган дунёда Аҳмадия Мусулмон Жамоати ҳамкорлик ва яхшиликнинг кучли дастакчиси сифатида қолмоқда”.
У куни бунга қадар У Ҳазрат Канада Ҳукуматининг Федерал вазирлари, сенаторлари ва депутатлари билан бир талай учрашувларни ўтказди. У Ҳазрат ҳукумат раҳбари жаноб Жастин Тродо билан ҳам учрашди.
Аҳмадия Мусулмон Жамоатининг Раҳнамоси расмий турда “Саволлар Танаффуси” номли сессия ичида парламент раиси томонидан таништирилган, унда ҳукумат раҳбари ва ўша ерда бўлган барча парламент аъзолари ўринларидан туриб, Ҳазрат Мирзо Масрур Аҳмад жанобларини кутиб олишди.
Бундан ташқари, Жуди Сгро депутати парламент аъзоларининг қуйидагича мурожаатини ўқиб берди:
“Муҳтарам спикер! Бугунги кунда Аҳмадия Мусулмон Жамоатининг бутун дунё руҳоний раҳнамоси Парламент Хиллни кўргани расмий иш-сафари билан келди.
У Ҳазрат биз билан ўтказадиган вақт оралиғида “Севги Барчага, Нафрат Ҳеч кимга” деган тинчлик хабарини бундан буён таъкидлаш ҳаракатида вазирлар идораси, сенаторлар, парламент аъзолари ва ҳукумат раҳбари билан учрашади.
Бу иш (Ислом) динининг тинчлик хусусияти ва гўзаллигини кўрсатиш мақсадида У Ҳазрат томонидан кўрилаётган ҳаракатнинг бир қисми бўлиб ҳисобланади, шунингдек, у киши халқаро кучларни тинчликни кун тартибида олдига қўйиш, диний эркинлик, Канада ва дунё юзида инсон ҳуқуқларини ривожлантиришга чақирмоқда.
Мен Ҳазрат ва Халқаро Аҳмадия жамоатининг аъзоларини уларнинг иши учун чин юракдан табриклайман ва мени сайлаганлар ҳамда Канада халқи номидан дўстлик қўлини чўзаман”.
Ушбу махсус кеча Ҳазрат Мирзо Масрур Аҳмад олиб борган дуо билан якунланди. Таом тановвулидан сўнг парламент аъзолари ва меҳмонлар У Ҳазрат билан яккама-якка кўришиш имкониятига эга бўлишди.
Якуни
Қўшимча маълумот учун: press@ahmadiyya.org.uk
Манзил: 22 Deer Park Road, London, SW19 3TL UK
Tel/Fax: 020 8544 7613 Mob: 077954 90682
Email: press@ahmadiyya.org.uk
Press Secretary AMJ International
(Халқаро Аҳмадия Мусулмон Жамоати редакцияси котиби)