Бош вазир Тродо Ҳазрат Мирзо Масрур Аҳмадни Оттавада кутиб олди
2016-йилнинг 17-октябрида Аҳмадия Мусулмон Жамоатининг Бутун дунё Раҳнамоси, Масийҳи Мавъуд ва Имом Маҳдий – Ҳазрат Мирзо Ғулом Аҳмад (алайҳиссалом)нинг 5-Халифаси Ҳазрат Мирзо Масрур Аҳмадни (Аллоҳ таоло унга Ёрдамчи бўлсин) Канаданинг Бош вазири Жастин Тродо Оттавада Бош вазир идорасида қабул қилди.
Учрашувда Бош вазир Жастин Тродо Замон Халифасини Канадада кутиб олганидан мамнун эканини билдирди.
Бош вазир у кишига бутун жаҳонда тинчликни ривожлантиришга қилаётган узлуксиз ҳаракатлари учун миннатдорчилик билдириб, шундай деди: менинг ҳукуматим Канададаги Аҳмадия Мусулмон Жамоатининг ҳаракатларига юқори баҳо беради ва уни ушбу қавмнинггина ажралмас бўлаги деб ўйлайди.
Ҳазрат Мирзо Масрур Аҳмад Бош вазирга у айтган сўзлар учун миннатдорчилик билдириб, шундай деди: мен Бош вазирни ўтган йили сайланганлиги билан алоҳида табриклашни истаган эдим.
Замон Халифаси шундай деб ҳам айтди: мен кун аввалида Парламентдаги “саволлар танаффусида” иштирок этиб, бир талай “бугунги кундаги муҳим масалалар” муҳокама қилинганини кузатдим.
Сўнгра Бош вазир Тродо шундай деди:
“Сиз Ҳазрат, сизнинг дўстлигингиз ва раҳнамолигингиз Канада учун ўта муҳим ва Аҳмадия Мусулмон Жамоати турли экстремизмни танқид қилганига юқори баҳо берамиз”.
Шундан сўнг у киши Бош вазир ва олти федерал вазир билан бўлган бир учрашувга қатнашди. Учрашувда Бош вазир яна бир маротаба Ҳазрат Мирзо Масрур Аҳмадга дунёда тинчликни ўрнатиш учун қилган ҳаракатларига миннатдорчилик билдирди. Бош вазир Канададаги Аҳмадия Мусулмон Жамоатини унинг 50-йиллик юбилейи билан ҳам қутлади.
Ҳазрат Мирзо Масрур Аҳмад 2012-йили “Тинчлик Қишлоқ”да Бош вазир билан бўлиб ўтган олдинги учрашувини эслади. У пайтда Тродо Либерал партиясининг лидери эмас эди.
Ҳазрат Мирзо Масрур Аҳмад шундай деди:
“Мен 2012-йили илк маротаба сиз билан учрашганимда сиз учун дуо қилиб, бундай деган эдим: бир куни Бош вазир бўласиз деб ишонаман”.
Шундан сўнг турли жамоатлар орасида сўзлашувлар юриши лозимлиги, барча инсонлар учун билим олиш ва диний эркинлик зарур эканлиги ҳақида сўзлашувлар бўлди.
Диний эркинлик ҳақида Ҳазрат Мирзо Масрур Аҳмад шундай деди:
“Барча инсонларга ҳақиқий диний эркинлик бўлиши лозим, шунингдек, барча инсонлар тинчлик билан ўз эътиқодлари ва ақидаларига мувофиқ ибодат қилиш ҳуқуқига эга бўлишлари керак. Ҳукуматлар тинч диний эътиқодларга эга бўлган инсонларга аралашувга ёки қандайдир бир қонун чиқаришга ҳаракат қилмаслиги лозим”.
У киши дунёнинг турли минтақаларида нисбатан кучайиб бораётган экстремизм ва терроризм ҳамда унинг Ғарб дунёсига бўлган хавфлари ҳақида хавотирда эканлигини билдирди. У киши бугунги кунда дунёда кўринаётган терроризмнинг туб сабаби 2008-йилдаги глобал-молиявий инқироз эканлигини ўйлайман деди.
У киши шундай деди: юқори даражадаги ишсизлик ва молиявий умидсизлик ҳамда ноиложлик баъзи бир мусулмон ёшларни экстремизмга олиб келди. У киши шундай деди: меҳнат шароитлари билан таъминлаш ва инсонларга ёрдам бериб, уларни ўз оёқларига турғизиш ишончли миллий хавфсизлик қуролидир.
Ҳазрат Мирзо Масрур Аҳмад турли терроризм ва экстремизмнинг Ислом дини билан ҳеч қандай алоқаси йўқ эканини такрорлаб айтди.
Ҳазрат Мирзо Масрур Аҳмад шундай деди:
“Агар барча мусулмонлар ўз динининг ҳақиқий таълимотларига эргашса, унда ҳеч бир мусулмон дунёси умуман радикаллашмайди, чунки Ислом динининг Асосчиси – Севимли Пайғамбаримиз Муҳаммад (саллаллоҳу алайҳи ва саллам) инсон ўз жамиятини севиши Ислом эътиқодларининг бўлаги эканини айтган. Шунинг учун ўз миллатини севиш, уни яхшилашга ҳаракатланиши ва ишонч билан унга хизмат қилиш ҳар бир мусулмоннинг бурчидир. Мана шу сабабдангина Аҳмадий мусулмонлар радикаллашмайди, чунки биз Ислом динининг ҳақиқий таълимотларига эргашамиз”.
Якуни
Қўшимча маълумот учун: press@ahmadiyya.org.uk
Манзил: 22 Deer Park Road, London, SW19 3TL UK
Tel/Fax: 020 8544 7613 Mob: 077954 90682
Email: press@ahmadiyya.org.uk
Press Secretary AMJ International
(Халқаро Аҳмадия Мусулмон Жамоати редакцияси котиби)