Ҳазрат Мирзо Масрур Аҳмад Канадага уюштирган иш-сафари мобайнида “Маҳмуд” масжидини очиб, жума хутбасини ўқиди
Аҳмадия Мусулмон Жамоати жуда катта қувонч билан қуйидагиларни билдиради: 2016-йилнинг 4-ноябрида Аҳмадия Мусулмон Жамоатининг Бутун дунё Раҳнамоси, Масийҳи Мавъуд ва Имом Маҳдий – Ҳазрат Мирзо Ғулом Аҳмад (алайҳиссалом)нинг 5-Халифаси Ҳазрат Мирзо Масрур Аҳмад (Аллоҳ таоло унга Ёрдамчи бўлсин) Канададаги Саскачеван вилоятининг пойтахтиРегина шаҳрида “Маҳмуд” масжидини очди.
Улуғ Муҳтарам Халифа келиб, эсталик тахтаси билан расмий турда масжидни очди ва Аллоҳ таолога розичилик билдириб, дуо сўради.
Шундан сўнг у Ҳазрат янги солинган масжидда жума хутбасини ўқиб, масжидларнинг ҳақиқий ва тинчлик мақсад-муддаолари ҳақида тўхталди.
Бундан ташқари Ҳазрат Мирзо Масрур Аҳмад масжиднибино қилиш учун маблағ йиққан ва унинг моддий қурилишида катта роль ўйнаган маҳаллий Аҳмадий мусулмонларнинг амалга оширган ҳаракатлари ва қурбонликларини олқишлади. У Ҳазрат масжид қурилишига сарфланган маблағ масжидни қуришга ёрдам бериш мақсадида ўз вақтларини кўнгилли сифатида ажратган маҳаллий Аҳмадий мусулмонлар қилган молиявий қурбонликлар асосида аямай тежалганини айтди. Масжидни солишга маҳаллий Аҳмадий мусулмонлар 41,500 соатни тақсимлашган.
Аҳмадий мусулмонларнинг тинчлик амаллари билан экстремистларнинг ҳаракатлари ўртасидаги қарама-қаршилик ҳақида Ҳазрат Мирзо Масрур Аҳмад шундай деди:
“Баъзи бир мусулмонлар дунёда бебошликни ёйиш билан шуғулланиб турган бир даврда Аҳмадий мусулмонлар ўз вақтлари ва мол-мулкини Аллоҳ таоло Уйларини қуришга бағишлашмоқда. Аҳмадий мусулмонлар Севимли Пайғамбаримиз Муҳаммад (саллаллоҳу алайҳи ва саллам)нинг “кимда-ким бу дунёда Аллоҳнинг Уйини қурса, у ўзи учун жаннатда уй қуриб олган бўлади” деган сўзларига мувофиқ амал қилишмоқда”.
Ҳазрат Мирзо Масрур Аҳмад шундай деб давом этди: Аҳмадий мусулмонлар қилган қурбонликлар Аллоҳ таолонинг розилигига эришиш ва Ислом дини тўғрисидаги нотўғри тушунчаларни бартараф этиш учун эди.
Ҳазрат Мирзо Масрур Аҳмад шундай деди:
“Аҳмадий мусулмонлар қилган қурбонликлар дунёни масжидлар ва Ислом дини таълимотлари дунёда бебошликни пайдо қилиш сабабчиси эмас, аксинча бу дунё ва у дунёда ўзимизни ислоҳ қилиш сабабчиси эканидан огоҳлантириш учун эди. Улар инсонларни ўз Яратгувчиси ва Унинг хилқатини севишга чорлайди”.
У Ҳазрат шундай деди: Канададаги Аҳмадий мусулмонлар жуда бахтли, чунки улар масжидларни қура оладиган ва эркинлик билан ўз эътиқодларига мувофиқ амал қила оладиган мамлакатда яшашади. Покистонда яшаган Аҳмадий мусулмонлар эса бундай қила олмай қолишди.
Ҳазрат Мирзо Масрур Аҳмад шундай деди:
“Кўпинча Покистондаги Аҳмадий мусулмонлар ниҳоятда тинчсизланиб қонунлар ўзгариб кетсин, натижада биз масжидлар қурайлик ёки ҳеч бўлмаса, жамоат намозимизни адо этиш учун намозхоналарни қуриб олайлик деб дуо қилишингизни сўранамиз, деб менга хат ёзишади. Сўнгги пайтда уларга имом туриб, намозга имомлик қиладиган меҳроби бор бир ҳужра қуришга ҳам рухсат йўқ, масжиднинг ўзига хос хусусиятлари эса, масалан, миноралар ва гумбазлар ҳақида ўйлаш ҳам бефойда. Ҳақиқатда, баъзи бир минтақаларда вазият шунчалик оғир: Аҳмадий мусулмонлар ҳаттоки, Маккага қаратиб солинган иморатларни ҳам қура олишмайди”.
У Ҳазрат шундай деди: дунёпарастлик устунлик қилаётган бир пайтда бошқаларга руҳоният ва диннинг баракалари ҳақида маълумот бериш Аҳмадий мусулмонларнинг вазифаси бўлиб ҳисобланади.
Ҳазрат Мирзо Масрур Аҳмад шундай деди:
“Ҳозирги пайтда дунёнинг аксарият қисми фақат молиявий ўсиб-ривожланишни ўзининг бирдан-бир мақсади деб ўйлашади… мана шундай маҳалда моддиятга интилиш абадий қувонч ёки қониқишни олиб кела олмайди деган нарсадан дунёни огоҳлантириш Аҳмадий мусулмонларнинг зиммасидаги бурч. Ундан кўра қувончлар ва хайриянинг ҳақиқий ҳамда мангу қуроллари Аллоҳ таолонинг ҳақ-ҳуқуқларини адо этиш билан насиб этади”.
У Ҳазрат шундай деди: масжид маҳаллий халқ орасида қизиқишни уйғотади ва маҳаллий халқ масжидга қатнаганларнинг амалларига нигоҳ ташлаб туришади. Шунинг учун ҳар доим энг аъло одоб-ахлоқ амаллари ва ҳақиқатни қўллаб-қувватлаш ҳар бир Аҳмадий мусулмоннинг вазифаси бўлиб ҳисобланади.
Жума хутбасининг ниҳоясида Ҳазрат Мирзо Масрур Аҳмад шундай деб дуо қилди:
“Аллоҳ таоло болаларимизга уларнинг ота-онаси амалга оширган молиявий қурбонликларни тушунишга куч-қувват берсин, шунингдек, улар қурган масжидлар Ислом динининг ҳақиқий таълимотларини ёйсин, улар ўз болаларига берган одоб-ахлоқ ва руҳоний йўналиш фақат амалда уларнинг ота-онаси улар учун қолдирган ҳақиқий бойлик бўлсин. Аллоҳ таоло келажак авлодларга ушбу аҳду паймонни ўз болаларигача етказиш имкониятини ҳам берсин”.
Якуни
Қўшимча маълумот учун: press@ahmadiyya.org.uk
Манзил: 22 Deer Park Road, London, SW19 3TL UK
Tel/Fax: 020 8544 7613 Mob: 077954 90682
Email: press@ahmadiyya.org.uk
Press Secretary AMJ International
(Халқаро Аҳмадия Мусулмон Жамоати редакцияси котиби)