Ҳазрат Мирзо Масрур Аҳмад молиявий манфаатлар адолат усулига (тамойили) акс таъсирэтишини айтди
2016-йилнинг 28-октябрида Аҳмадия Мусулмон Жамоатининг Бутун дунё Раҳнамоси, Масийҳи Мавъуд ва Имом Маҳдий – Ҳазрат Мирзо Ғулом Аҳмад (алайҳиссалом)нинг 5-Халифаси Ҳазрат Мирзо Масрур Аҳмад (Аллоҳ таоло унга Ёрдамчи бўлсин) Торонто шаҳридаги Йорк университетида олимлар, сиёсатчилар, медиа ва етук лидерлардан иборат 180дан зиёд меҳмонлар олдида тарихий мурожаат қилди.
“Адолатсиз дунёда адолат”
номли мавзудаги мазкур кечани Канададаги Аҳмадия Мусулмон Жамоати билан Йорк университети биргаликда уюштирган эди.
Ўз мурожаатида у Ҳазрат дунёда кучайиб бораётган фитна-фасодлар ва яна бир жаҳон уруши бўлиши эҳтимоли ҳақида сўзлади.
Ҳазрат Мирзо Масрур Аҳмад ўз мурожаатини шундай бошлади: инсон боласи ўз ақлини тез технологик ва илмий салоҳиятларга муваффақиятли фойдаланган бир вақтда уни “ёмонлик қилиш ва ҳалокатнинг кучи”сифатида ҳам қўлланган.
Ҳазрат Мирзо Масрур Аҳмад шундай деди:
“Технология ривожланиб, бир тугмани босиш билан халқларни картадан ўчириш йўналишига эга қилиб ишланиб чиққан. Мен ўйлаш ҳам мумкин бўлмаган зарари бор, хавфли ва ҳалокатга мубтало бўлган оммавий фалокат солувчи қуролларнинг ишланиб чиққанлиги ҳақида сўз юритмоқдаман. Бугунги кундаги маданиятни вайрон қилиш йўналишигагина эга бўлмасдан, ўз ортида келажак авлодларига уятни мерос сифатида қолдирадиган даражада қуроллар ишланиб чиқилмоқда”.
Айни дамдаги глобал бошбошдоқлик ҳақида сўз қилиб, у Ҳазрат бугунги кундаги дунёвий фитна-фасодлар ва терроризмнинг Ислом динига боғланиши мусулмон раҳнамо сифатида ўзи учун шахсий қайғу сабабчиси эканини айтди.
Шундан сўнг у Ҳазрат Ислом зўравонлик, экстремизм ёки терроризмни тарқатувчи дин деган миш-мишни бартараф этиш учун Ислом динининг асосий манбалари бўлган Муқаддас Қуръон ва Ислом динининг Асосчиси (саллаллоҳу алайҳи ва саллам)нинг сўзларини мисол сифатида келтирди.
Севимли Пайғамбаримиз Муҳаммад (саллаллоҳу алайҳи ва саллам)нинг инсон ўзига нимани ёқтирса, бошқаларга ҳам ўшанигина ёқтириши керак деган машҳур сўзларини айтиб, Ҳазрат Мирзо Масрур Аҳмад шундай деди:
“Оғзаки мулоҳазалар жиҳатидан, “ҳа, биз бошқаларга яхшилик қилишни хоҳлаймиз”, деб айтиш жуда ҳам осон, бироқ амалда бу жуда ҳам қийин ва оғир. Манфаатлар бўйича келишмовчилик пайдо бўлган ерда кўпчилик одамлар ўзларининг шахсий манфаатлари ва фойдаларини бошқаларнинг ҳақ-ҳуқуқларидан юқори қўйишга ҳаракат қилишади”.
Ҳазрат Мирзо Масрур Аҳмад мусулмонларга “омонатларни уларнинг эгаларига топширинглар”деган талабни қўядиган Қуръони Каримнинг 4-сураси 59-оятини ўқиб берди.
У Ҳазрат одамларга сингдирилган эътиқоднинг мисоли сифатида демократик сайловга қатнашиш фуқароларнинг бурчи эканини таъкидлади.
Ҳазрат Мирзо Масрур Аҳмад шундай деди:
“Сайлов ёки тайинлаш пайтида инсон ўзидан-ўзи ўзининг иттифоқдоши ёки партия аъзоси учун овоз бермаслиги керак, аксинча, улар жуда тажрибали ва ўзига юкланган топшириқни бажаришга муносиб ким эканини ҳисобга олиши керак. Шундан сўнг сайланган ва ҳокимият ёки куч калитлари ўзларига топширилганлар ўзларининг вазифаларини ҳаққоний, холис ва адолат билан амалга оширишлари зарур. Бу таълим Ислом дини қўллаган демократиянинг намунасидир”.
Ҳазрат Мирзо Масрур Аҳмад шундай деб давом этди:
“Алоҳида одамлар ёки муайян сиёсат бўйича овоз берганда, ягона партия чизиқлари ёки шахсий муносабатларга эргашмасдан, бу етакчи тамойил бўлиши керак”.
У Ҳазрат шундай деди: кўп ҳолда халқаро миқёсда ночор жамиятлар кучли жамиятларга таянишади, натижада ишонч сингдирган эгасининг талабларини бажариш уларнинг вазифаси бўлиб ҳисобланади.
Ҳазрат Мирзо Масрур Аҳмад шундай деди:
“Бирлашган Миллатлар Ташкилотида баъзи бир давлатлар ортиқча кучи ва таъсирини қўлламаслиги керак ёки Хавфсизлик Кенгашининг доимий аъзолари ўз манфаатларинигина кўзлаб, кўпчиликнинг манфаатлари билан қарама-қаршилик пайдо бўлган жойда ўзларининг вето (veto) кучини фойдаланмаслиги лозим. Аксинча, Бирлашган Миллатлар Ташкилотининг барча аъзолари биргаликда ишлаб, маҳкама асослаган ҳолатда унга сингдирилган ишонч шартномасини бажариши – дунёдаги тинчлик ва хавфсизликни сақлашдир”.
У Ҳазрат: мен шахсий манфаатлари Бирлашган Миллатлар Ташкилотининг кучли аъзоларининг “ўзгачалиги”бўлиб қолган деб ўйлайман, деди. У киши Хавфсизлик Кенгашининг доимий аъзоларининг вето кучини қўллаш ҳуқуқига йўналиши бутунлай адолатсизлик эканини айтди.
Ҳазрат Мирзо Масрур Аҳмад шундай деб ҳам айтди: охирги йиллари бир талай ташқи сиёсат хатога йўл қўйди ва 2003-йилдаги Ироқ уруши бунга “ёрқин мисол”, дастлаб урушни қўллаб юрганларнинг аксарияти ҳозир бу оғир янглишлик эди деб тан олишган.
Шундай хатоларнинг оқибатларини изоҳлаб, Ҳазрат Мирзо Масрур Аҳмад шундай деди:
“Бунда ҳеч қандай шак-шубҳа йўқ, бундай адолатсизликлар дунёдаги тинчликнинг пойдеворларини вайрон қилган ва ИШИД сингари террористик гуруҳларнинг илдиз отиб, униб чиқишига йўл очган. Энди ўша гуруҳлар ягона мусулмон дунёси учунгина эмас, бутун инсоният учун хавф бўлиб қолган”.
У Ҳазрат шундай деди: дунёдаги йирик кучлар илгари йўл қўйган хатоларидан ўзгача бир сабоқ олганлиги сезилгани йўқ ва молиявий стимулларга қандай эътибор берилиб, одоб-ахлоқ ва адолат четга сурилаётганини қурол-яроғ савдоси мисолида айтиб берди.
Ҳазрат Мирзо Масрур Аҳмад шундай деди:
“Бир гуруҳ Ғарб давлатлари узлуксиз Ямандаги халқни нишонга олиш учун қўлланилаётган қурол-яроғларни сотишмоқда. Ҳеч бир мусулмон давлат кенг миқёсдаги хавфли қуролларни йирик миқдорда чиқарувчи завод-фабрикаларга эга эмас, шунинг учун уларнинг бирдан-бир манбаси фақат Ғарб дунёсидир”.
Ҳазрат Мирзо Масрур Аҳмад шундай деб давом этди:
“Ҳаттоки, Ғарб ёзувчилари ва таҳлилчилари халқаро қурол-яроғ савдосидаги иккиюзламачилик билан одоб-ахлоқсизлик ҳақида сўз юритишган экан, бироқ қачон ана шундай сотувлар ҳақида савол берилса, ҳокимиятлар ўша саволга эътибор беришмайди ёки олдиндан асоссиз бўлган нарсани оқлашга ҳаракат қилишади. Уларнинг барчаси ўзларининг чеклари ўтиб, миллиардлаган суммани ўзларининг миллий бюджетларига қўшишгагина эътибор қаратишади”.
Ҳазрат Мирзо Масрур Аҳмад шундай деди:
“Қисқаси, пул устунлик қилиб, одоб-ахлоқлар кўринмай қолди. Бундай шароитда ер юзида қандай қилиб тинчликка эриша оламиз?!”
Ислом динининг адолат ҳақидаги мезонларига ишора қилиб, у Ҳазрат Муқаддас Қуръоннинг 4-сураси 136-оятини мисол сифатида келтирди, у оят мўмин-мусулмонлардан ҳақиқат ва адолатни ёқлаш учун ўзларига ва ўзларининг яқинларига қарши гувоҳлик беришга ҳам тайёр бўлиши керак деб талаб қилади.
Аҳмадия Мусулмон Жамоатининг Раҳнамоси Муқаддас Қуръоннинг 5-сураси 9-оятини ҳам мисол сифатида келтирди, у оятда шундай деб айтилади:
“Ва биронта қавмнинг душманлиги сизларни ҳеч ҳам адолатсизликка бошламасин. Адолатқилинглар, бу тақвога энг яқиндир”.
Ҳазрат Мирзо Масрур Аҳмад шундай деди:
“Бу Ислом дини ёқлаган адолатнинг энг юқори мезони, демак, агар бугунги кундаги мусулмон давлатлар бу таълимотга эргашмаса, унда бу ўзларининггина хато-камчиликларидир. Демак, уларнинг ёмон амаллари учун Ислом динини айблаш бутунлай адолатсизлик ва нотўғри ишдир”.
Ниҳоясида Ҳазрат Мирзо Масрур Аҳмад шундай деди:
“Агар биз чин қалбдан тинчликни хоҳласак, у ҳолда биз адолат билан иш тутишимиз лозим. Биз тенгҳуқуқлилик ва адолатни қадрлашимиз лозим. Ислом динининг Пайғамбари (саллаллоҳу алайҳи ва саллам) жуда ҳам гўзал сўзларни сўзлаганидек, биз ўзимиз учун нимани ёқтирсак, бошқалар учун ҳам ўшанигина ёқтиришимиз керак. Биз қандай қилиб ва кескинлик билан ўз ҳақ-ҳуқуқларимизни рўёбга чиқарсак, худди шундай бошқаларнинг ҳақ-ҳуқуқларини ҳам рўёбга чиқаришимиз зарур. Биз маконларни кенгайтиришга, айни дамда биз учунгина нима тўғри эканини эмас, бутун дунё учун нима тўғри эканини кўришимиз керак. Булар давримизда тинчликни ўрнатиш воситалари бўлиб ҳисобланади”.
Йорк университетининг проректори, жаноб Грег Сорбара ва Онтарионинг тадқиқотлар, инновация ва фан вазири, жаноб Реза Мориди тадбирни олиб боришди.
Унинг тарихий мурожаатидан олдин жаноб Сорбара билан жаноб Мориди иккаласи баробар саҳнага чиқиб, у Ҳазратни Йорк университетига қабул қилишди, у энди Канададаги Аҳмадия Мусулмон Жамоатининг Миллий Президенти жаноб Лал Хон Мирзо ҳам қабул қилиш мурожаатини қилди.
Йорк университетининг проректори, жаноб Грег Сорбара шундай деди:
“Канададаги Аҳмадия Мусулмон Жамоати илғор миссияси билан мамлакатда тез ёйилаётган бир жамоат, у дунё миқёсида тингланиши керак, шунингдек, тинчлик ва “муҳаббат барчага, нафрат ҳеч кимга” деган миссияси бўлиб ҳисобланади”.
Жаноб Реза Мориди шундай деди:
“Биз ҳам бахтлимиз, мусулмон дунёсида бизда Ҳазрат Мирзо Масрур Аҳмад сингари лидер бор, у киши ўз таълимотлари, ўз китоблари, ўз хутбалари ва учрашувлари билан мусулмон дунёсини бошқармоқда. У киши тинчликка ундайди, ўзаро биродарликка ундайди, барча инсонларнинг тенг ҳуқуқли эканлигини ёқлайди ва биз ҳам у Ҳазрат сингари лидерлар бор эканлиги билан бахтлимиз”.
Мазкур тадбирдан олдин ва кейин у Ҳазрат жаноб Сорбара ва жаноб Мориди билан алоҳида учрашди.