Ҳазрат Мирзо Масрур Аҳмад “Субҳон” масжидини очди
Аҳмадия Мусулмон Жамоати жуда катта қувонч билан қуйидагиларни билдиради:
2016-йилнинг 6-сентябрида Аҳмадия Мусулмон Жамоатининг Бутун дунё Раҳнамоси, Масийҳи Мавъуд ва Имом Маҳдий – Ҳазрат Мирзо Ғулом Аҳмад (алайҳиссалом)нинг 5-Халифаси Ҳазрат Мирзо Масрур Аҳмад (Аллоҳ таоло унга Ёрдамчи бўлсин) Мўрфельден-Вальдорф номли немис шаҳрида “Субҳон” (поклик) масжидини очди.
Улуғ Муҳтарам Халифа келиб, эсталик тахтаси билан расмий турда масжидни очди ва Аллоҳ таолога розичилик билдириб, дуо қилди.
У киши янги масжидда пешин ва аср намозларини ўқитди, кейин ушбу вақтни белгилаш сифатида бир боғ кўчат ўтқазди.
Шундан сўнг масжиднинг очилишини нишонлаш мақсадида уюштирилган махсус кечага 150дан зиёд ҳурматли меҳмонлар иштирок этишди. Мўрфельден-Вальдорф шаҳрининг мэри билан бирга турли ҳурматли меҳмонлар қатнашишди.
Германиядаги Аҳмадия Мусулмон Жамоатининг Миллий Президенти (Амири) – жаноб Абдулла Вагишаузер меҳмонларга табрик сўзини айтди, шундан сўнг ташриб буюрган меҳмонлар ўзларининг ўй-фикрларини айтишди.
Протестант черковининг вакили Ата Жокен Берлин шундай деди:
“Мен фурсатдан фойдаланиб, Аҳмадия Мусулмон Жамоатини ушбу масжидни очганлиги учун табриклайман. Сизлар яхши инсонсизлар ва бизга дўст бўласизлар”.
Буддист жамоатининг раиси Маттиас Гронингер шундай деди:
“Ҳазрат Мирзо Масрур Аҳмаднинг бизга ташриф буюргани – бу шаҳар учун катта ҳурмат-эҳтиромдир. Мен ушбу масжидни очганингиз учун сизларни табриклайман, мен уни тинчликнинг рамзи деб ўйлайман”.
Мўрфельден-Вальдорф шаҳрининг мэри – Хайнц-Питер Беккер шундай деди:
“Диний эркинлик – бу инсон боласининг асосий ҳақ-ҳуқуқидир ва биз уни Германияда кўрмоқдамиз, у бизнинг Бош қомусимизнинг бўлагидир. Албатта, Аҳмадия Мусулмон Жамоати инсон ҳуқуқларини юқори қўяди ва у турли хил диний зўрлик-зўравонликларга қаршидир”.
Шундан сўнг Ҳазрат Мирзо Масрур Аҳмад ўз тарихий мурожаатини қилиб, унда у киши Ислом динининг таълимотлари асосида турли масалаларга тўхталди.
Барча динлар ўз туб кўринишида тинчликка урғу берганлиги ҳақида сўз юритиб, Ҳазрат Мирзо Масрур Аҳмад шундай деди:
“Дунёдаги барча йирик динлар бу шаҳарда мавжуд, агар уларга эргашганлар ўзлари мансуб динларнинг ҳақиқий таълимотларига амал қилишса, у ҳолда сизлар ҳеч қандай тўс-тўполон ва бўлиниш пайдо бўлганини кўрмайсизлар. Барча динлар ўз туб кўринишида тинчлик, севги-муҳаббат ва сабрлилик қадриятларини ўрнатишга ҳаракат қилган”.
Ҳазрат Мирзо Масрур Аҳмад шундай деб айтди:
“Масжидларнинг мақсад-муддаоси – бу тинчлик ўрнатиш ва албатта, ҳар бир ҳақиқий ибодат қилинувчи жой тинчлик ва гармония рамзидир. Севимли Пайғамбаримиз Муҳаммад (саллаллоҳу алайҳи ва саллам) мудофаа мақсадида мудофаа жанги учун рухсат берганда, у жанг эътиқод бўйича тинчлик ва эркинликни ўрнатиш учун бўлган”.
У киши шундай деди: Ислом динининг илк кунларида қилинган жанглар халқаро диний эркинликни ўрнатиш учун қилинган эди.
Ҳазрат Мирзо Масрур Аҳмад шундай деди:
“Ислом дини Севимли Пайғамбаримиз Муҳаммад (саллаллоҳу алайҳи ва саллам)га мудофаа жанги учун рухсат берган жойда, у (рухсат) барча эътиқодлардаги инсонлар ва барча ибодат қилинувчи жойларни ҳимоя қилиш учун эди. Черковлар, храмлар, синагогалар, масжидлар ва барча инсонларнинг ибодат қилинувчи жойлари ҳимоя қилинган”.
Инсонлар бир-бири билан бирикиши ва ўзаро сўзлашувларни ривожлантириши зарурлиги ҳақида сўзлаб, Ҳазрат Мирзо Масрур Аҳмад шундай деди:
“Ҳар хил жамоатлар билан гуруҳлар ўртасида сўзлашувлар (диалог) жуда ҳам зарурдир ва тўсқинликларни бартараф этиб, ўзаро тушунишга кўмак кўрсатиш эшигидир. Барча инсонлар хато қилиши ва нуқсонларга эга эканини эсдан чиқармаслигимиз керак, шунинг учун бир-бирининг хусусиятларига эътибор бериб, айб-нуқсонларини кечиришга ҳаракат қилиш яхшироқ иш-ҳаракатдир. Бу кўприклар ва тинчлик воситаларини қуришнинг йўл-йўриғидир”.
Ниҳоясида Ҳазрат Мирзо Масрур Аҳмад шундай деди:
“Бизнинг масжидларимиз солинган ва Жамоатимиз тузилган ҳар бир жойдан қарши томонга тинчлик ва гармония хабари янграйди. Энди ушбу масжид очилиб қолди, мен маҳаллий Аҳмадий мусулмонлар Ислом динининг севги-муҳаббат ва тинчлик хабарини кенг ёйишади деб ишонаман”.
Ҳазрат Мирзо Масрур Аҳмад шундай деб давом эттирди:
“Мен дуо қиламан: ҳар бир янги отган куни маҳаллий халқ ушбу масжид бу шаҳарнинг фақат моддий гўзаллигига қўшимча бўлмасдан, уларнинг тинчлик ва хавфсизлик қуроли эканини сезишсин”.
Расмий сессия у киши олиб борган дуо билан якунланиб, шундан сўнг меҳмонларга таом улашилди.
Якуни
Қўшимча маълумот учун: press@ahmadiyya.org.uk
Манзил: 22 Deer Park Road, London, SW19 3TL UK
Tel/Fax: 020 8544 7613 Mob: 077954 90682
Email: press@ahmadiyya.org.uk
Press Secretary AMJ International
(Халқаро Аҳмадия Мусулмон Жамоати редакцияси котиби)