Эслатма:
Ушбу баёнот Аҳмадия Мусулмон Жамоатининг Бутунжаҳон Раҳнамоси Ҳазрат Мирзо Масрур Аҳмад жанобларининг раҳбарликлари асосида нашр қилинмоқда.
Аҳмадия Мусулмон Жамоати номидан баёнот:
«Сўнгги бир неча кун ичида юзлаб исроилликлар ва фаластинликлар, шу жумладан аёллар, болалар ва кексалар аҳмоқона зўравонлик ва қон тўкишлари натижасида ўлдирилган ёки жароҳатланган. Бегуноҳ фуқароларнинг ўлдирилиши ёки уларга зарар етказиш Пайғамбаримиз саллаллоҳу алайҳи ва салламнинг таълимотларига бутунлай қаршидир. Расулуллоҳ саллаллоҳу алайҳи ва саллам ҳатто уруш ҳолатида ҳам, бирорта аёл, бирор-бир ёш бола ёки бирорта оқсоқол ҳеч ҳам ўлдирилмасин, шунингдек бирорта диний раҳбар ёки ибодатхонага ҳужум қилинмасин деб ўргатган эдилар.
Аҳмадия Мусулмон Жамоати қай бир тарзда бўлмасин, шу аҳволдан таъсирланган барча одамларга нисбатан чуқур ҳамдардлик билдиради ва улар учун дуо қилади.
Биз уруш дарров тўхташи учун дуо қиламиз ва қандай бўлса-да, тинчлик ўрнатилишини таъкидлаймиз, токим бошқа жонлар зое бўлмасин. Бунинг учун тегишли гуруҳлар ва миллатлар ўртасидаги алоқа каналлари очиқ қолиши керак.
Уруш тўхтатилмагунча, амалга оширилган ҳар қандай ҳарбий ҳаракатлар бегуноҳ аҳолига зарар етказмаслиги керак.
Бундан ташқари, минтақадаги мусулмон мамлакатлар тинчликни ўрнатиш учун бирлашиши керак ва экстремистлар билан алоқаси бўлмаган бегуноҳ Фаластин халқларининг ҳуқуқларини ҳимоя қилишлари лозим.
Биз АҚШ ва бошқа нуфузли давлатларни шу нозик вазиятни янада кучайтирадиган хатти-ҳаракатлардан ёки баёнотлардан воз кечишга чақирамиз. Бунинг ўрнига, тегишли халқаро ташкилотлар билан бирга, улар зудлик билан можарони йўқ қилишлари зарур ва тезроқ хавфсизликни таъминлаш учун имкон қадар ҳаракат қилишлари керак.
Доимий ва барқарор тинчликка эришиш учун адолат ва тенглик муҳим аҳамиятга эга. Шундай қилиб, барча йирик кучлар адолат ва ҳақиқий инсоф тамойиллари асосида узоқ муддатли ва барқарор тинчликни ўрнатишга эътибор қаратишлари керак.