Ҳазрат Мирзо Масрур Аҳмад “Салом” масжидини очди
Аҳмадия Мусулмон Жамоати жуда катта қувонч билан қуйидагиларни билдиради:
2016-йилнинг 6-сентябрида Аҳмадия Мусулмон Жамоатининг Бутун дунё Раҳнамоси, Масийҳи Мавъуд ва Имом Маҳдий – Ҳазрат Мирзо Ғулом Аҳмад (алайҳиссалом)нинг 5-Халифаси Ҳазрат Мирзо Масрур Аҳмад (Аллоҳ таоло унга Ёрдамчи бўлсин) Изерлон номли немис шаҳрида “Салом” (тинчлик) масжидини очди.
Улуғ Муҳтарам Халифа келиб, эсталик тахтаси билан масжидни очди ва Аллоҳ таолога розичилик билдириб, дуо қилди.
Сўнгра у киши янги масжидда пешин ва аср намозларини ўқитди, кейин ушбу вақтни белгилаш сифатида бир боғ кўчатни ўтқазди.
Шундан сўнг масжиднинг очилишини нишонлаш мақсадида уюштирилган махсус кечага 40дан зиёд ҳурматли меҳмонлар иштирок этишди. Изерлон шаҳрининг мэри билан бирга турли хил ҳурматли меҳмонлар қатнашишди.
Германиядаги Аҳмадия Мусулмон Жамоатининг Миллий Президенти (Амири) – жаноб Абдулла Вагишаузер меҳмонларга табрик сўзини айтди, шундан сўнг ташриф буюрган меҳмонлар ўзларининг ўй-фикрларини айтишди.
Изерлон шаҳрининг мэри – Питер Пауль Аренс шундай деди:
“Бу масжид “Салом” деб аталади, у “тинчлик масжиди” деган маънони билдиради ва ушбу минтақада яшаган Аҳмадий мусулмонлар ҳар доим шундай ҳолатда яшашади. Мен Аҳмадия Мусулмон Жамоати ушбу масжид эшикларини барча инсонларга очганлигини ҳам юқори баҳолайман”.
Комиссар, Томас Гемке шундай деди:
“Мен фурсатдан фойдаланиб, Изерлон шаҳрида “Салом” масжидини очганингиз учун сизларни табриклайман. Аҳмадия Мусулмон Жамоати ушбу мамлакатда тинчликни ўрнатишга бел боғлаганини кўрсатган ва кўрсатиб келмоқда”.
Шундан сўнг Ҳазрат Мирзо Масрур Аҳмад ўз тарихий мурожаатини қилиб, унда у киши Ислом динининг тинчлик таълимотлари ҳақидаги турли масалаларга тўхталди.
Ислом динидаги “саломлашиш” сўзи жамоатчиликда тинчлик қуроли эканлиги ҳақида сўз юритиб, Ҳазрат Мирзо Масрур Аҳмад шундай деди:
“Қайси бир мусулмон бошқа биров билан унинг мусулмон ёки мусулмон эмаслигига қарамасдан саломлашганда, у тинчлик билан саломлашаётган бўлади. Агар мусулмон одам ушбу саломнинг тубида мавжуд бўлган ҳикматни тушунса, у ҳолда у (эркак ёки аёл) бошқа бировга унинг мусулмон ёки мусулмон эмаслигига қарамасдан ёмонлик қилиши умуман мумкин эмас”.
Умуман Ислом дини экстремистик дин сифатида тасвирланиб ва мусулмонлар давлатига муносиб эмас фуқаролар сифатида таърифланаётган бир вақтда Улуғ Муҳтарам Халифа шундай деди: Аҳмадий мусулмонлар ўзларининг диний таълимотларига мувофиқ ўзлари яшаётган миллатларга ишонч билан хизмат қилишмоқда.
Ҳазрат Мирзо Масрур Аҳмад шундай деди:
“Аҳмадий мусулмонлар немис аскарлик хизматида ва бошқа муассасаларда ишлашмоқда. Масалан, Аҳмадий мусулмонлар тадқиқот лойиҳаларига қатнашишади. Улар жамиятга хизмат қилишади ва унга хизмат қилиш нияти билан энг аъло мавқеда уни яхшилаш ва ўсиб-ривожланиши учун ишлашади. Шундай бўлса ҳам, улар ушбу миллатдан ўзгача бир манфаат кўриш учун бундай қилишмайди, чунки мамлакатингизга хизмат қилиш Ислом эътиқодининг энг зарур қисми, шунинг учун бу уларнинг диний бурчи ва вазифасидир. Германияда яшаган ҳар бир Аҳмадий мусулмон қайси ердан келишидан қатъий назар, ушбу миллатнинг ҳақиқий аъзоси бўлиши керак ва олижаноблик билан унга хизмат қилиши лозим”.
Ҳазрат Мирзо Масрур Аҳмад шундай деб давом этди:
“Аҳмадия Мусулмон Жамоатининг Асосчиси ўзининг икки қатор мисраларида инсониятга хизмат қилиш ўзининг энг дастлабки мақсади эканлигини ёзган. Бу ҳақиқатда Қуръони Карим ва Севимли Пайғамбаримиз Муҳаммад (саллаллоҳу алайҳи ва саллам)нинг таълимотларидир. Шундай қилиб, бошқаларга уларнинг қайси дин ва эътиқодга эга эканлигидан қатъий назар, хизмат қилиш Аҳмадий Мусулмон Жамоатининг асосий мақсад-муддаоларидан бири”.
Ҳазрат Мирзо Масрур Аҳмад шундай деди:
“Ислом дини қўшниларнинг ҳақ-ҳуқуқларини ўрнатган ва тасдиқлаган, шунингдек, унинг таълимотлари бўйича қўшнилар мавқеи жуда ҳам катта. Сизлар билан бирга ишлаганлар, сизлар билан бирга йўлга чиққанлар, таниш-билишингиз ва сизларга яқин яшаганларнинг барчаси бунга киради. Шунинг учун бу шаҳардаги барча инсонлар бизга қўшни бўлишади, шунинг учун жамиятнинг барча аъзоларига хизмат қилиш ва уларга эътибор қаратиш маҳаллий Аҳмадий мусулмонларнинг бурчи бўлиб ҳисобланади”.
У киши шундай деди: ёлғиз бошининг ғамини ўйламаслик – бу тинчликни ривожлантириш учун ўзгача бир калит. У киши шундай деди: Ислом дини инсонлар ўзгалар учун ўз ҳақ-ҳуқуқларини қурбон қилишлари зарурлигини ўргатади.
Ҳазрат Мирзо Масрур Аҳмад шундай деди:
“Бироз вақт олдин кимдир мендан жамиятда тинчликни қандай қилиб ўрнатиш мумкин ва сизнинг фикрингизча тинчлик таърифи қандай, деб сўради. Мен унга қуйидагича жавоб бердим: менинг назаримда, тинчликнинг таърифи шу: ўз ҳақ-ҳуқуқларингизни талаб қилишдан кўра ўзгаларнинг ҳақ-ҳуқуқларини адо этишга ҳаракат қилиш керак. Агар барча инсонлар ўзгаларнинг ҳақ-ҳуқуқларини адо этишса, у ҳолда қандайдир бир тўс-тўполон ва бебошлик бўлиши мумкин эмас. Албатта, Аҳмадий мусулмонлар шу сингари жамиятни хоҳлашади ва унинг учун ҳаракат қилишади”.
Ўтган йилдан бери қочқинларнинг ёппасига Германияга оқиб келганлиги ҳақида сўз юритиб, Ҳазрат Мирзо Масрур Аҳмад шундай деди: қочқинларни қабул қиладиган жамоалар ҳам, қочқинлар ҳам бир-бирини ҳурмат қилиши лозим.
У киши шундай деди: мигрантлар маҳаллий жамоатчиликка аралашиб, унга ҳисса қўшишлари керак. У киши шундай деди: немис тилини ўрганиш жуда зарур. У киши Аҳмадий мусулмон имом-хатибларга жума хутбасини маҳаллий тилларда ўқинглар, деб кўрсатма берди.
У киши шундай деди: Германияда яшаган Аҳмадий мусулмонларнинг аксарияти немис тилини ўрганиб олишган ва ушбу мамлакатда яшаган Аҳмадий мусулмон ёшлар унда ўзларининг биринчи тили сифатида сўзлашишади.
Ҳазрат Мирзо Масрур Аҳмад шундай деди:
“Энди масжид қурилиб битди, мен маҳаллий Аҳмадий мусулмонлар Ислом динининг ҳақиқий хабарини ёйишади, шунингдек, улар ибодат қилишга нисбатан ўз бурчларини адо этиш билан ўз қўшниларининг ҳақ-ҳуқуқларини ҳам адо этишади, деб умид қиламан ва шуни кутаман. Улар илгаригидан ҳам кўпроқ уларга хизмат қилишади ва ушбу минтақадаги эркаклар билан аёлларнинг ҳақ-ҳуқуқларини адо этишади деган умиддаман. Аллоҳ таоло уларга шундай қилишга куч-қувват берсин”.
Расмий сессия у киши олиб борган дуо билан якунланиб, шундан сўнг меҳмонларга таом тортилди.
Якуни
Қўшимча маълумот учун: press@ahmadiyya.org.uk
Манзил: 22 Deer Park Road, London, SW19 3TL UK
Tel/Fax: 020 8544 7613 Mob: 077954 90682
Email: press@ahmadiyya.org.uk
Press Secretary AMJ International
(Халқаро Аҳмадия Мусулмон Жамоати редакцияси котиби)