Ҳазрат Мирзо Масрур Аҳмад барча мусулмонлар Севимли Пайғамбаримиз Муҳаммад (саллаллоҳу алайҳи ва саллам)нинг аъло намуналарига эътибор қаратишлари керак деб айтдилар
Ҳиндистонда жойлашган Қодиёндаги Аҳмадия Мусулмон Жамоатининг 122-Йиллик Йиғини (Жалса Солона) 2016-йилнинг 28-декабрида Аҳмадия Мусулмон Жамоатининг Бутун дунё Раҳнамоси, Масийҳи Мавъуд ва Имом Маҳдий – Ҳазрат Мирзо Ғулом Аҳмад (алайҳиссалом)нинг 5-Халифаси Ҳазрат Мирзо Масрур Аҳмад (Аллоҳ таоло у зотга Ёрдамчи бўлсин) қилган иймонларни кучайтирувчи мурожаатлари билан якунланди.
Мазкур мурожаат Аҳмадия Мусулмон Жамоатининг Асосчиси, Масийҳи Мавъуд ва Имом Маҳдий – Ҳазрат Мирзо Ғулом Аҳмад (алайҳиссалом) асослаган энг биринчи Жалса Солонадан роппа-роса 125 йилдан сўнг қилинди.
У Ҳазрат спутник орқали Лондонда жойлашган “Байтул-Футуҳ” масжидидан сўнгги сессияга мурожаат қилдилар. Қодиёнда аталган Йиғинга 14200дан зиёд одам қатнашган, 5200дан кўпроқ одам сўнгги сессия учун Лондонда йиғилган.
Ўз мурожаатларида у Ҳазрат Ислом динининг Асосчиси, Севимли Пайғамбаримиз Муҳаммад (саллаллоҳу алайҳи ва саллам) ўрнатган энг аъло одоб-ахлоқ ва руҳоний намуналари, шунингдек, ўз саҳобаларига кўрсатган тенги йўқ таъсирлари ҳақида сўз қилдилар.
Ҳазрат Мирзо Масрур Аҳмад шундай дедилар:
“Севимли Пайғамбаримиз Муҳаммад (саллаллоҳу алайҳи ва саллам) Аллоҳ таолога сиғинишда ўзгачаланган, чин ихлосли саҳобалардан иборат бир жамоатни яратганлар”.
У Ҳазрат шундай деб давом этдилар:
“Бир марта Севимли Пайғамбаримиз Муҳаммад (саллаллоҳу алайҳи ва саллам): “Аллоҳ таолонинг ҳар бир пайғамбарининг ўзгача бир истаги бўлган ва менинг истагим бу – кечалари (Аллоҳ таолога) сиғинишдир”, – деб айтганлар”.
Ҳазрат Мирзо Масрур Аҳмад Севимли Пайғамбаримиз Муҳаммад (саллаллоҳу алайҳи ва саллам) ўз атрофларида юрганларга қолдирган намуна таъсирини тушунтириб бердилар.
Ҳазрат Мирзо Масрур Аҳмад шундай дедилар:
“Севимли Пайғамбаримиз Муҳаммад (саллаллоҳу алайҳи ва саллам) ибодат қилиш ва намозларни адо этишни у зотнинг саҳобалари Аллоҳ таолонинг ҳақиқий ибодат қилувчи бандалари бўлиб, Унинг олдидагина сажда қилишсин деган кучли истак билан амалга оширар эдилар. Илгари бутларга сиғиниб юрган одамлар Унинг намунасини қабул қилгандан сўнг бошқа барча одамлар ва келажак замонлар учун чин қалбдан бўлган сиғинишнинг ўта аъло намунаси бўлиб қолишди. Ҳақиқатда, улар ўртасида ўзгача бир ҳақиқий руҳоний инқилоб пайдо бўлди”
Мирзо Масрур Аҳмад жаноблари Ҳазрат Масийҳи Мавъуд ва Имом Маҳдий – Ҳазрат Мирзо Ғулом Аҳмад (алайҳиссалом)нинг ёзувларидан қуйидагича бир иқтибос келтирдилар:
“Агар инсон Севимли Пайғамбаримиз Муҳаммад (саллаллоҳу алайҳи ва саллам) у даврдаги араб халқига олиб келган ўзгаришга қараса ва уларни қандайдир бир умидсизлик аҳволидан қандай олиб чиққанликларини таҳлил қилиб кўрса, ўз кўз ёшини тута олмайди. Бу ҳақиқатан ҳам ўзгача бир гўзал руҳоний ўзгариш бўлиб, дунёдаги бошқа битта ҳам қавмнинг тарихида учрамайди”.
Ҳазрат Мирзо Масрур Аҳмад Севимли Пайғамбаримиз Муҳаммад (саллаллоҳу алайҳи ва саллам) Аллоҳ таолонинг энг суюклиси эканлигига қарамай, ҳар доим мискинлик ва хоксорлик бўйича энг аъло даражадаги меъёрларни кўрсатганлар, деб айтдилар.
У Ҳазрат Севимли Пайғамбаримиз Муҳаммад (саллаллоҳу алайҳи ва саллам) ва у зотнинг саҳобалари бир неча йилларгача тазйиқда, таъқиблаб юборилган Макка шаҳри ғалабасидан бир мисолни ўқиб бердилар.
Қачон ниҳоясида Севимли Пайғамбаримиз Муҳаммад (саллаллоҳу алайҳи ва саллам) ғалаба билан қайтганларида, ўзгача бир ўч олиш учун эмас, тинчлик билан шаҳарга кирганлар ва кечирувчанлик ва меҳрибонликнинг аъло намунасини кўрсатганлар.
Севимли Пайғамбаримиз Муҳаммад (саллаллоҳу алайҳи ва саллам)нинг мисолларини бугунги ва олдинги дунёвий лидерларга қиёслаб, Ҳазрат Мирзо Масрур Аҳмад шундай дейдилар:
“Асрлар оша биз қанчалик дунёвий лидерларнинг ҳокимиятга эришгандан сўнг диктатор ёки золим бўлиб кетганларини кўрганмиз. Ҳақиқатда, у эмас, бир оддий инсон ҳам қандайдир бир муваффақият ёки ғалабага эришганда, кўп ҳолларда у такаббурлик билан ғурурланиб бош кўтара бошлайди. Аммо камчиликсиз инсоннинг мисоли, Севимли Пайғамбаримиз Муҳаммад (саллаллоҳу алайҳи ва саллам) ғалаба вақтида мўминлик ва кечирувчанликнигина кўрсатганлар”.
Севимли Пайғамбаримиз Муҳаммад (саллаллоҳу алайҳи ва саллам)нинг шукурчилик хусусиятлари ҳақида айтиб, у Ҳазрат шундай дедилар: Ислом динининг Асосчиси (саллаллоҳу алайҳи ва саллам) одамларга ҳам миннатдорчилик билдирар эдилар.
Масалан, ўз табаррук ҳаётларида ўзларининг биринчи завжаси – Ҳазрат Ҳадича (разияллоҳу анҳо)га у зотнинг қўллови, севгиси ва ўзларига берилганлиги учун доимо миннатдорчилик билдириб турганлар.
Ҳазрат Мирзо Масрур Аҳмад шундай дедилар:
“Севимли Пайғамбаримиз Муҳаммад (саллаллоҳу алайҳи ва саллам) ўз завжаларининг иноқлигини ҳеч қачон унутган эмаслар ва буни ўзларининг устидаги ўзгача бир марҳамат деб ўйлаб, ҳар доим унга миннатдорчилик билдириб турганлар”.
Ҳазрат Мирзо Масрур Аҳмад шундай дедилар: мусулмонлар Севимли Пайғамбаримиз Муҳаммад (саллаллоҳу алайҳи ва саллам)нинг намуналарига эргашишга бурчли ва ўз аёлларига севги, меҳрибонлик билан муомала қилиб, уларга миннатдорчилик билдириш мусулмон эркакларнинг вазифаси бўлиб ҳисобланади.
У Ҳазрат маккалик арабларнинг тазйиқларидан қутилган баъзи бир мусулмонларга бошпана берган Ҳабашистон насроний подшоси жаноб Негас (Нажоший)га Севимли Пайғамбаримиз Муҳаммад (саллаллоҳу алайҳи ва саллам) билдирган миннатдорчиликларидан ҳам мисол келтирдилар.
Севимли Пайғамбаримиз Муҳаммад (саллаллоҳу алайҳи ва саллам) насроний подшога доимий миннатдорчилик билдириб турганлар ва алоҳида шукурчилик сифатида подшо Нажоший томонидан юборилган вакиллар гуруҳини ўзлари қабул қилганлар.
У Ҳазрат мусулмон дунёси Севимли Пайғамбаримиз Муҳаммад (саллаллоҳу алайҳи ва саллам) ўргатган қадриятларни намоён қилиб, уларни эъзозлашсин деган дуо билан ўз мурожаатларини якунладилар.
Ҳазрат Мирзо Масрур Аҳмад шундай дедилар:
“Севимли Пайғамбаримиз Муҳаммад (саллаллоҳу алайҳи ва саллам) барча жиҳатдан одоб-ахлоқ ва адолатнинг мумкин бўлган энг аъло даражадаги ўлчовларини кўрсатганлар, шунинг учун Аллоҳ таоло барчамизга уларга фақат эргашинглар деган муносабат билдирмасдан, у зот (саллаллоҳу алайҳи ва саллам)нинг муқаддас намуналарига сидқи дилдан эргашишга куч-қувват берсин”.
Мазкур сессия дуо билан якунланиб, шундан сўнг Қодиёндаги Жалсага қатнашганлар томонидан спутник орқали бир талай диний назмлар ўқилди.
Якуни
Қўшимча маълумот учун: press@ahmadiyya.org.uk
Манзил: 22 Deer Park Road, London, SW19 3TL UK
Email: press@ahmadiyya.org.uk
Press Secretary AMJ International
(Халқаро Аҳмадия Мусулмон Жамоати редакцияси котиби)