Ҳазрат Мирзо Масрур Аҳмад Алтон, Ҳэмпшир ва Морден каби жойларда тайёргарликларни кўздан кечирдилар
Аҳмадия Мусулмон Жамоатининг Бутун дунё Раҳнамоси, Масийҳи Мавъуд ва Имом Маҳдий – Ҳазрат Мирзо Ғулом Аҳмад (алайҳиссалом)нинг 5-Халифаси Ҳазрат Мирзо Масрур Аҳмад (Аллоҳ таоло у зотга Ёрдамчи бўлсин) 2018-йил 29-июль дам олиш куни Англиядаги Аҳмадия Мусулмон Жамоатининг 52-Йиллик Йиғилишига (Жалса Солона) кўрилаётган тайёргарликларни кўздан кечирдилар.
Тайёргарликлар таъминланаётган пайтда Ҳазрат Мирзо Масрур Аҳмад уч кунлик тадбир мобайнида ишлайдиган ҳар бир бўлимни кўздан кечирдилар. У зотга айни пайтда кўрилаётган турли тайёргарликлар ҳақида қисқача маълумотлар берилди.
Шундан сўнг Ҳазрат 5000дан зиёд кўнгиллиларга бевосита мурожаат қилиб, уларга ўзларига юкланган бурчларни тиришқоқлик билан бажаришни ва намозларни қолдирмай ўқишни насиҳат қилдилар. Ҳазрат хизматчиларни ҳар доим дўстона ва илиқ муносабатни кўрсатишга чақирдилар, шунингдек, Жалса Солона бўладиган Алтон номли минтақа ва Лондондаги “Фазл” масжиди атрофида яшаётган аҳоли томонидан Аҳмадий мусулмонларга нисбатан ҳеч қандай шиква-шикоят бўлмаслик заруриятининг муҳимлиги тўғрисида сўзладилар.
Ҳазрат “Фазл” масжиди минтақасида яшайдиган баъзи қўшнилар Аҳмадий мусулмонлар масжидга келишганда, ҳайдов йўлини қисман тўсиб қўйишади, деб арз қилишганини айтдилар.
Ҳазрат ўз қўшниларига қандайдир ноқулайлик туғдириш мутлақо нотўғри эканини ва бундай арзларнинг тушиши у зотнинг ўзи учун ҳам катта уят эканини айтдилар.
Намоз ва Аллоҳ таоло ибодатининг қанчалик муҳим эканини айтиб, ўз мурожаатларининг ниҳоясида Ҳазрат Мирзо Масрур Аҳмад шундай дедилар:
“Ушбу кунлар мобайнида намозга ўта эътиборли бўлишимиз керак, зеро барча муваффақиятимиз намозга асосланади. Бизнинг бурчларимиз ва мақсадларимиз фақат Ягона Аллоҳнинг фазл-марҳамати билан амалга оширилиши мумкин. Аллоҳ таоло ҳар бир кўнгилли хизматчига иложи борича ўз бурчларини энг яхши услубда бажариш имкониятини берсин”.
Бунга қадар Ҳазрат Лондон шаҳрида жойлашган “Байтул-Футуҳ” масжиди ва Ҳэслемер номли минтақада жойлашган Англиядаги Жомия Аҳмадия биносида Жалса Солонага кўрилган тайёргарликларни ҳам кўздан кечирдилар.
Ҳазрат жума куни ушбу тадбирда ўз жума хутбаларини ўқиш билан Жалса Солона бошланади. Шундан сўнг Ҳазрат дам олиш кунига қадар яна 4 маротаба нутқ сўзлайдилар.
Дам олиш куни минглаб Аҳмадий мусулмонлар Халифа қўлларига “Байъат” деб аталувчи эътиқод аҳдини беришади.
Дастурларнинг барчаси МТА Интернейшнал (Халқаро Аҳмадия Мусулмон Телевидениеси)дан бевосита эфир орқали бутун дунёга намойиш этилади.
Якуни
Қўшимча маълумот учун: press@ahmadiyya.org.uk
Манзил: 22 Deer Park Road, London, SW19 3TL UK
Tel/Fax: 020 8544 7613 Mob: 077954 90682
Email: press@ahmadiyya.org.uk
Press Secretary AMJ International
(Халқаро Аҳмадия Мусулмон Жамоати редакцияси котиби)