· Ҳазрат Мирзо Масрур Аҳмад илк марта Марказий Америкага ташриф буюрдилар
· Ҳазрат Марказий Америкада юзлаб Аҳмадий мусулмонлардан байъат (аҳду паймон) олдилар
· Ҳазрат муҳим инсонпарварлик лойиҳаларини очишга киришдилар
2018-йилнинг 22-октябрида маҳаллий вақт билан соат 12:10да Аҳмадия Мусулмон Жамоатининг Бутун дунё Раҳнамоси, Масийҳи Мавъуд ва Имом Маҳдий – Ҳазрат Мирзо Ғулом Аҳмад (алайҳиссалом)нинг 5-Халифаси Ҳазрат Мирзо Масрур Аҳмад (Аллоҳ таоло у зотга Ёрдамчи бўлсин) Марказий Америкага бўлган энг биринчи иш-сафарларида Гватемалага ташриф буюрдилар. Ҳазрат Аҳмадия Мусулмон Жамоати томонидан тузилган халқаро хайрия фонди “Инсоният – Биринчи” номли ташкилот томонидан очилган йирик масштабли инсонпарварлик лойиҳасини очиш учун махсус ташриф буюрдилар.
Техас штатидаги Ҳьюстон шаҳридан учиб келиб, Гватемала шаҳрига қўнгандандан сўнг Ҳазрат Гватемаланинг Миллий конгресси хоними Илияна Каллес томонидан аэропортда қабул қилиндилар. Ҳазрат билан учрашув мобайнида конгрессмен хоним “Носир” шифохонаси лойиҳалари муносабати билан Аҳмадия Мусулмон Жамоатига ўзининг чуқур миннатдорчилигини билдирди. У жуда муҳим ва инсониятга, айниқса, аҳволи оғир инсонларга хизмат қилишга сабабчи бўлади, деб айтди.
Конгрессмен хоним шундай деди:
“Сизнинг (Ҳазрат Мирзо Масрур Аҳмад) шунчалик олис йўлдан ташриф буюрганингиз бизнинг миллатимиз учун ўзгача файз-барака ва ифтихор бўлиб ҳисобланади. Мен Сизнинг иш-сафарингиз бизнинг халқимиз учун файз-барака манбаи бўлади, деб ишонаман”.
Роппа-роса 13:10да Ҳазрат аэропортдан чиқиб, Антигуа шаҳрига йўл орқали боришдан олдин Марказий Америкага ўзининг дастлабки қадамларини босдилар.
Ўша тарихий қадамлар билан Аҳмадия Мусулмон Жамоатнинг буюк тарихида бир янги саҳифа очилди.
Илк бора Ҳазрат Марказий Америкадаги Аҳмадия Мусулмон Жамоати аъзолари билан учрашувга ва тўғридан-тўғри Ислом динининг тинчлик, адолат ва инсониятга покиза таълимотларни етказиш учун якка ўзлари йўлга отланиш имкониятига эга бўлдилар.
Ўша куниёқ Ҳазрат ўзларидан олдин Аҳмадия Мусулмон Жамоатининг Тўртинчи Халифаси бўлган Ҳазрат Мирзо Тоҳир Аҳмад 1989-йили очган “Байтул-Аввал” масжидига ташриф буюрдилар.
Ҳазрат Гватемала, Белиз, Парагвай ва ҳоказо Марказий ва Жанубий Америка давлатларидан келган юзлаб Аҳмадий мусулмонлар билан учрашишдан олдин масжидни кўздан кечирдилар.
Учрашув жуда ҳам ҳиссиётли бўлди, турли Аҳмадий мусулмонлар ниҳоят ўз руҳоний раҳнамолари билан учрашиб, у зотни меҳмон қилишга фурсат топганлари учун ўз хурсандчиликларини билдирдилар.
Улар иймон кучайтирувчи ўша сессия мобайнида Ҳазратга турли саволлар бериш имконига эга бўлдилар.
Мазкур масжидда шом ва хуфтон намозини ўқитгандан сўнг Ҳазрат Байъат олиш маросимини ўтказдилар, унда юзлаб Аҳмадий мусулмонлар биринчи марта Ҳазрат қўлларига Байъат (аҳду паймон) қилиш имконига эга бўлдилар. Ўша маросим мобайнида Ислом динига ўтган кўплаб инсонлар ўз кўз ёшларини тутолмай қолдилар.
Энди Ҳазрат бугун кечга яқин “Носир” шифохонасини очадилар. Аҳмадий мусулмонлар бу тарихий тадбирда иштирок этиш учун турли давлатлардан ташриф буюришган.
Якуни
Қўшимча маълумот учун: press@ahmadiyya.org.uk
Манзил: 22 Deer Park Road, London, SW19 3TL UK
Tel/Fax: 020 8544 7613 Mob: 077954 90682
Email: press@ahmadiyya.org.uk
Press Secretary AMJ International
(Халқаро Аҳмадия Мусулмон Жамоати редакцияси котиби)