Аҳмадия Мусулмон Жамоатининг Раҳнамоси Филадельфияда илк қурилган масжидни очдилар

Ҳазрат Мирзо Масрур Аҳмад “Байтул-Офият” масжидида жума хутбасини ўқидилар

Аҳмадия Мусулмон Жамоати жуда катта қувонч билан қуйидагиларни билдиради: 2018-йилнинг 19-октябрида Аҳмадия Мусулмон Жамоатининг Бутун дунё Раҳнамоси, Масийҳи Мавъуд ва Имом Маҳдий – Ҳазрат Мирзо Ғулом Аҳмад (алайҳиссалом)нинг 5-Халифаси Ҳазрат Мирзо Масрур Аҳмад (Аллоҳ таоло у зотга Ёрдамчи бўлсин) АҚШнинг Филадельфия минтақасида “Байтул-Офият” масжидини очдилар.

Ҳазрат ўз жума хутбаларини мазкур масжидда ўқидилар, ушбу хутба Халқаро МТАдан ер юзи бўйлаб бевосита эфир орқали намойиш этилди.

Ўз хутбаларида Ҳазрат ибодат қилгувчиларга янги масжид очилишини нишонлашгина етарли эмас, аксинча, Аллоҳ таолонинг ибодати учун жамоат намозига келиш билан масжидларнинг ҳақиқий мақсад-муддаоларини адо этиш ва бошқаларни Исломнинг ҳақиқий тинчлик таълимотларига чорлаш Аҳмадий мусулмонларнинг бурчи эканидан огоҳлантирдилар.

Ҳазрат ибодат қилгувчиларнинг масжидлар ҳақ-ҳуқуқларини адо этаётганларини текшириб, таҳлил қилишга чорладилар.

Ҳазрат Мирзо Масрур Аҳмад шундай дедилар:

“Энди бу масжид очилгандан сўнг ўзларини унга бириктирувчиларнинг Аллоҳ таоло ҳақ-ҳуқуқлари ва Аллоҳ таоло бандаларининг ҳақ-ҳуқуқларини адо этишга нисбатан бурчлари ҳам янада ошиб кетди. Сизлар мана шу икки вазифани адо этганингиздагина Аллоҳ таолонинг доимий муҳаббатига эга бўлганлар сафига қўшиласизлар”.

Ҳазрат Мирзо Масрур Аҳмад шундай деб давом этдилар:

“Биз ихлос билан масжид қуришнинг ҳақиқий мақсадларини адо этишга ҳаракат қилганимизда, бу дунёвий ҳаётдаёқ масжиднинг файз-баракалари ва фойдаларини кўра оламиз. Бизнинг фарзандларимиз ва келажак авлодларимиз ўз эътиқодларига мустаҳкам боғланган ҳолатда бўлишади ва биз Исломнинг ҳақиқий ва тинчлик пайғоми билан маҳаллий халқни нурлантирганлардан бўлиб қоламиз. Биз Аллоҳ таолонинг Тавҳидини ўрнатадиган ва бутун дунё бўйича Севимли Пайғамбаримиз Муҳаммад (саллаллоҳу алайҳи ва саллам) пайғомларини етказадиган инсонлардан бўлиб қоламиз”.

Ҳазрат Исломнинг тинчлик таълимотларини тарқатиш муҳим эканлигини таъкидлаб, Аҳмадия Мусулмон Жамоатининг Асосчиси Масийҳи Мавъуд ва Имом Маҳдий (алайҳиссалом) Исломни ёйишни хоҳлаган минтақангизда бир масжид қуриб қўйинглар, деб айтганларини баён этдилар.

Ҳазрат Мирзо Масрур Аҳмад турли исломий фирқалар томонидан солинган намоз марказларининг кўплигига қарамай, “Байтул-Офият” масжиди Филадельфияда махсус масжид қуриш мақсади билан қурилган илк масжид бўлди, деб айтдилар.

Бу асос ҳақида сўз юритиб, Ҳазрат Мирзо Масрур Аҳмад шундай дедилар:

“Бу бино Филадельфияда масжид солиш мақсади билан қурилган илк масжид, деб аталади. Бу масжид маҳаллий халққа бир масжиднинг зоҳирий хусусиятлари қандай эканини айтиш учун қурилган эмас, аксинча, бутун дунё кўриб-билиши учун Ислом таълимотларининг ҳақиқий, гўзал ва тинчлик хусусиятларини кўрсатишга асосланади”.

Ҳазрат Мирзо Масрур Аҳмад шундай деб давом этдилар:

“Биз – Аҳмадий мусулмонлар, дуолар ва ибодат билан ер юзи бўйича Исломнинг тинчлик таълимотларини тарқатувчи инсонлар бўлиб ҳисобланамиз ва биз ҳозир аъло одоб-ахлоқ намуналарини кўрсатиш билан илгаригидан ҳам кўпроқ ҳаракат қилмоғимиз лозим”.

Шундан сўнг Ҳазрат Америка Қўшма Штатларига биринчи Аҳмадий мусулмон тарғиботчи Муҳаммад Содиқ жанобларининг 1920-йили Америкага келиб, Филадельфия бандаргоҳига тушганини сўзлаб бердилар. Икки ой унга Америкага киришга рухсат берилмаган ва айбсиз бир уйда қамаб қўйилган. У тутқунликда шунчалик юксак одоб-ахлоқ ва тақводорликни кўрсатганки, у орқали ўн беш нафар инсон Ислом динини қабул қилган. Кейинроқ, 5000дан зиёд одамлар у орқали Аҳмадия Мусулмон Жамоатининг таълимотларини қабул қилганлар.

Ҳазрат Масийҳи Мавъуд ва Имом Маҳдий (алайҳиссалом) пайғомлари у зотнинг ҳаётлик пайтларидаёқ “Ривю оф Релиженз” орқали Америкага етиб борган эди ва Масийҳи Мавъуд ва Имом Маҳдий (алайҳиссалом) таълимотларини ўқиш натижасида доктор А. Жорж Бейкер номли бир инсон Ислом динини қабул қилган эди, деб ҳам айтдилар. Ҳазрат Доктор Бейкер янги масжид ёнидаги қабристонга қўйилган, деб айтдилар.

Филадельфия ҳамда Америкада Аҳмадия Мусулмон Жамоатининг бой тарихи ҳақида сўз юритиб, Ҳазрат Мирзо Масрур Аҳмад шундай дедилар:

“Аҳмадия Мусулмон Жамоати бир асрдан ошиқ вақтдан бери бу минтақада тузилган. Энди Аллоҳ таоло бу минтақада чиройли масжидни ато этди, Исломнинг гўзал пайғомини узоққа кенг ёйиш учун кучли ва қатъий ирода билан маҳаллий халққа етиб бориши маҳаллий Аҳмадий мусулмонлар ва маҳаллий имомнинг бурчи бўлиб ҳисобланади”.

Ҳазрат Мирзо Масрур Аҳмад шундай дедилар:

“Масжиднинг атрофи шундай тинч жой бўлиши керакки, одамлар келиб, бу ерда яшаш учун бир жой топишга ҳаракат қилишсин. Аҳоли сони жиҳатидан бу шаҳар Американинг олтинчи йирик шаҳридир. Агар Исломнинг тинчлик пайғоми ушбу минтақада ёйилиб кетса, унда бу шаҳар аҳолиси орасида, Аллоҳ таолодан қўрқадиган, тўғри йўлга йўналтирилган, тинимсиз масжидларга қатнаб, Аллоҳ таолонинг ҳақиқий ибодат қилгувчи бандалари бўлиб қолган инсонлар туғилишига гувоҳ бўламиз”.

Ҳазрат Мирзо Масрур Аҳмад Аҳмадий мусулмонлар олдида муҳим вазифалар турганини ҳам тушунтириб, шундай дедилар:

“Биз қураётган ҳар бир масжид бизга ўзгача бир масъулиятни юклайди ва у масъулият шу: биз ўзимизни ислоҳ қилиб, Аллоҳ таоло билан бўлган алоқа-воситаларимизни ривожлантириб, одоб-ахлоқий юриш-туришда бўлишимиз лозим. Шунингдек, Исломнинг ҳақиқий пайғомини маҳаллий халққа етказиш учун муносиб куч-ҳаракатларимизни кўпайтиришимиз керак”.

Севимли Пайғамбаримиз Ҳазрат Муҳаммад (саллаллоҳу алайҳи ва саллам)нинг қуйидаги сўзларини баён қилдилар:

“Бизнинг масжидимизга яхши нарсани ўрганиб олиш нияти билан кирган инсон Аллоҳ таоло йўлида жиҳод қилгувчи инсон сингаридир”.

Бу ҳадисга изоҳ бериб, Ҳазрат Мирзо Масрур Аҳмад шундай дедилар:

“Бугунги кунда Ислом дини зўрлик-зўравонлик жиҳодига чақиради, деб ёмонотлиқ қилинмоқда ва баъзи бир мусулмонлар ҳам ўзларининг жирканч амаллари орқали бу кўринишга жавобгар бўлиб ҳисобланишади. Бироқ ўзи яхшиликни ўрганиб, унга амал қилиб, уни жамият орасида тарқатувчи инсон ҳақиқий мўмин-мусулмон бўлиб ҳисобланади. Шундай қилиб, ҳақиқий мўмин-мусулмон одам тинчлик, севги ва меҳрибонлик каби ҳақиқий жиҳод билан шуғулланган бўлади. Бу биз – Аҳмадий мусулмонлар ушбу кунда ва бу даврда юргизиб келаётган ҳақиқий жиҳоддир”.

Ҳазрат иштирок этувчилар учун дуо қилиш билан ўз жума хутбаларини якунлаб, шундай дедилар:

“Аллоҳ таоло қўллаб-қувватлаб, масжиднинг ҳақиқий мақсад-муддаоларини адо этиш учун Аҳмадий мусулмонларга имконият берсин ва бу масжид ушбу минтақада Исломнинг тинчлик пайғомини тарқатишда муҳим ўрин бўлиб қолсин”.

Масжид майдони 2007-йили сотиб олинган ва у ер тўрт гектар қисмдан иборат. Бу бино эркаклар ва аёллар учун намоз саройларидан иборат бир масжидни қамрайди. Шунингдек, 700га яқин одамни ўз ичига олади, турли нарсалар учун саройлар, тарғиботчи учун бир уй бор, турли идоралар, бир ошхона ва машина тўхтатувчи жойлар билан бирга келгусида қурилиш учун кенг майдон мавжуд.

Якуни

Қўшимча маълумот учун: press@ahmadiyya.org.uk

Манзил: 22 Deer Park Road, London, SW19 3TL UK

Tel/Fax: 020 8544 7613 Mob: 077954 90682

Email: press@ahmadiyya.org.uk

Бош саҳифа

Press Secretary AMJ International

(Халқаро Аҳмадия Мусулмон Жамоати редакцияси котиби)