Якшанба куни “Лажна Имоиллоҳ” талабалари ва янги аъзо бўлганлар гуруҳи Ҳузур билан учрашиш имкониятига эга бўлдилар
Аҳмадия Мусулмон Жамоатининг Бутун жаҳон Раҳнамоси, 5-Халифа – Ҳазрат Мирзо Масрур Аҳмад жаноблари 2020 йилнинг 22 август ҳамда 23 август якшанба кунлари Голландиядаги “Лажна Имоиллоҳ” аъзолари билан виртуал онлайн учрашувларни ўтказдилар.
Шанба куни Голландиядаги “Лажна Имоиллоҳ” Миллий Омиласи аъзолари Ҳузур билан учрашиш имкониятига эга бўлдилар, якшанба куни эса 30дан зиёд “Лажна Имоуллоҳ” талабалари ва Аҳмадия Мусулмон Жамоатига янги аъзо бўлганлар Ҳузур билан учрашиб, у зотга саволлар йўллаб, турли диний ва замонавий масалалар бўйича йўналиш олиш имконига эга бўлдилар.
Ҳузур Тилфорд Исломободида жойлашган идораларидан иккала учрашувга раислик қилдилар, “Лажна Имоуллоҳ” аъзолари эса Голландиянинг Нанспит шаҳрида жойлашган “Байтун Нур” масжиди мажмуасидаги “Лажна” саройида йиғилдилар.
Голландиядаги “Лажна Имоуллоҳ” Миллий Омиласи билан учрашиш мобайнида “Лажна” вакиллари ўз бўлимларидаги фаолиятлари ҳисоботини тақдим этиб, келгуси иш-режалари билан ўртоқлашдилар.
Ҳузур Аҳмадий мусулмонларнинг ахлоқий ва диний таълим-тарбиясига боғлиқ батафсил кўрсатмалар бердилар.
Ҳижоб тўғрисида Ҳазрат Мирзо Масрур Аҳмад жаноблари шундай дедилар:
Ҳижоб “Лажна” аъзоларига Аҳмадия Мусулмон Жамоатининг ташаббуси билан эмас, Қуръони Каримда ёзилган ва Ислом Пайғамбари Ҳазрат Муҳаммад Мустафо саллаллоҳу алайҳи ва саллам кўрсатмаларига мувофиқ берилган фармон эканлигини очиқ-ойдин зикр этиш жуда муҳим. … Таъкидлаш керак бўлган энг муҳим нарса шундаки – Севимли Пайғамбаримиз Муҳаммад Мустафо саллаллоҳу алайҳи ва саллам мусулмон сифатида камтарлик инсон иймонининг асосий қисми эканлигини ўргатганлар”.
Ҳузур “Лажна Имоуллоҳ” аъзоларини Ислом таълимотлари фазилатларини ва хусусиятларини акс эттирадиган мақолалар ёзишга, шунингдек, умуман Исломга қўйилган айбловлар, айниқса, аёллар ҳақ-ҳуқуқларига оид айбловларни рад этишга қизиқувчи ёки ёзиш қобилиятига эга кишиларни бунга чорладилар.
Ҳазрат Мирзо Масрур Аҳмад жаноблари шундай дедилар:
“Ҳатто битта одам ҳам ижобий томонга ҳақиқий ўзгаришларни амалга ошириши мумкин, шунинг учун сизлар Исломни муҳофаза қилиб ёзадиган бир неча аъзодан бошласангиз ҳам, асло умидсизланманг! Агар сизларнинг жамоангиз астойдил ва собитқадамлик билан ишласа, у ҳолда бу ўзгаларга динимизнинг ҳақиқий ва тинчлик таълимотларини ҳимоялаш учун ҳаракат қилишга туртки бўлади”.
Ҳузур Голландиядаги “Лажна Имоуллоҳ”ни инсониятга бўлган хизматини оширишга ва Африканинг қашшоқ қишлоқларидаги инсонпарварлик лойиҳаларни молиялаштиришга чақирдидилар. Масалан, у сув насосларини ўрнатиш ёки қайта тиклаш орқали дунёнинг чекка ҳудудларини сув билан таъминлаш бўйича баъзи лойиҳаларни молиялаштиришни таклиф қилдилар. Ҳузур ўзгаларга ва эҳтиёжмандларга хизмат кўрсатиш Ислом таълимотларининг асосий мақсади эканини зикр этдилар.
Шунингдек, Ҳузур “Лажна Имоуллоҳ” аъзоларини коронавирус пандемияси мобайнида одамларни қўллаб-қувватлаш мақсадида маҳаллий хайрия ташкилотларига бериладиган минглаб юз ниқобларини ишлаб чиқаришга ундадилар.
Мулоқот якунланаётган пайтда Ҳазрат Мирзо Масрур Аҳмад жаноблари шундай дедилар:
“Доимо муомалангизда адолатли бўлишга ва диний ишларни дунёвий ишлардан устун қўйишга оид ваъдаларингизни бажаришга интилинглар. Агар сизлар охиратга иймон келтирсангиз ва Аллоҳ таоло бизни доимо кузатиб турувчи эканига ишонсангиз, у ҳолда сиз керакли руҳ ва ғайрат билан ишлай оласизлар. Аллоҳ таоло сизларга мана шундай имкониятни ато этсин!”
Аҳмадия Мусулмон Жамоатини янги қабул қилганлар ва талабалар билан мулоқот мобайнида Ҳузурдан Аҳмадия Мусулмон Жамоатини ҳақоратлаб, унга қарши бўҳтон сўзларни айтган кишиларга Аҳмадий мусулмонлар тарғиб қилишни давом эттириши жоизми, деб сўралди.
Бу борада Ҳазрат Мирзо Масрур Аҳмад жаноблари шундай дедилар:
“Биргина талашиб-тортишиш мақсадида баҳс-мунозара қиладиган ёки динимизни ҳақоратлайдиган одамларга тарғибот олиб боришнинг ҳеч қандай фойдаси йўқ. Бундай одамлар билан банд бўлиш – бу вақтни беҳуда ўтказиш демакдир. Аксинча, бизнинг тарғибот фаолиятимиз маданиятли ва самимий муносабат ўрнатишни хоҳлайдиганларга ва жиддий саволлари мавжуд одамларга нисбатан юритилиши лозим. Яхши инсонлар ҳам кўп, шунинг учун бизнинг динимизни ҳақоратламоқчи ёки қўпол хулқ-атворга эга бўлганларга вақтингизни ва куч-қувватингизни беҳуда сарфламанглар”.
Ўз жинсини ўзгартирганлар ҳақ-ҳуқуқлари борасида Ҳазрат Мирзо Масрур Аҳмад жаноблари шундай дедилар:
“Жамият ёшларни ўз биологик жинсини ёки жинсни ўзгартиришга ундаши асло маънавий жиҳатдан тўғри бўла олмайди. Бу бутунлай Ислом таълимотларига зиддир. Шунга қарамай, баъзи бир одамлар трансгендер бўлиб туғилади ва жамият уларга имкони борича ўз ҳаётларини энг яхши тарзда яшашлари учун қўллаб-қувватлаб, ёрдам беришлари лозим. Улар камситилишдан ёки инсон ҳуқуқлари поймол этилишидан ҳимояланган бўлишлари зарур”.
Якуни
Қўшимча маълумот учун: press@ahmadiyya.org.uk
Манзил: 22 Deer Park Road, London, SW19 3TL UK
Tel/Fax: 020 8544 7613 Mob: 077954 90682
Email: press@ahmadiyya.org.uk
https://www.ahmadiyya-islam.org/uz/
Press Secretary AMJ International
(Халқаро Аҳмадия Мусулмон Жамоати редакцияси котиби)