Ҳазрат Мирзо Масрур Аҳмад жаноблари “Лажна Имоиллоҳ”ни ўз фаолияти доирасини оширишга ва Исломнинг ҳақиқий таълимотларини тарқатиш борасидаги хатти-ҳаракатларини кенгайтиришга чорладилар
2020 йилнинг 16 августида Канададаги “Лажна Имоиллоҳ”нинг Миллий Омиласига Аҳмадия Мусулмон Жамоатининг Бутун жаҳон Раҳнамоси, 5-Халифа – Ҳазрат Мирзо Масрур Аҳмад жаноблари билан виртуал расмий мажлис ўтказиш имконияти насиб этди.
Ҳузур мажлисга Тилфорддаги Исломободда жойлашган идораларидан раислик қилдилар, “Лажна Имоиллоҳ” аъзолари эса Онтарио штатининг Вон шаҳрида жойлашган Канада Жомия Аҳмадияси аудиториясидан иштирок этишди.
Бир соат давом этган мажлис мобайнида Омила аъзолари ўз бўлимлари тўғрисида ҳисобот беришди ва бир қатор муаммолар бўйича Ҳузур томонидан кўрсатмаларни олиш имкониятига эга бўлдилар.
Аҳмадия Мусулмон Жамоатига янги қўшилганлар билан кўпроқ мулоқотда бўлиш учун Ҳузур янги қўшилганларни мажлис ва тадбирларда фаол қатнашишга чорлашни тайинладилар. Бундан ташқари, Аҳмадия Мусулмон Жамоатининг бошқа аъзолари томонидан янги қабул қилганларни сезиларли ва эътибор қаратиш билан қўллаб-қувватлаш лозим.
Бундан ташқари, Ҳузур турли тадбирлар ва алоҳида алоқаларни ривожлантириш йўли орқали Исломнинг ҳақиқий ва тинчлик таълимотларини тарқатиш учун кўп фаолиятларни амалга ошириш лозимлигини таъкидладилар.
Шунингдек, Ҳузур Аҳмадий мусулмонларнинг одоб-ахлоқ ва диний таълим-тарбияси бўйича атрофлича кўрсатмалар бердилар ҳамда “Лажна Имоиллоҳ” бу жиҳатдан муҳим роль ўйнаши лозимлиги айтилди. У зот “Лажна” бошқаруви аъзолари барча Жамоат аъзоларига меҳрибонлик, ҳурмат-эҳтиром билан муомала қилиб, “Лажна Имоиллоҳ”нинг ёш аъзолари билан дўстлашишга ҳаракат қилишлари лозимлигини таъкидлаб ўтдилар.
Ҳазрат Мирзо Масрур Аҳмад жаноблари шундай дедилар:
“Аҳмадий мусулмон оналар фарзандлари билан ҳақиқий дўстликни ривожлантиришга ҳаракат қилишлари керак, чунки бу уларга болаларни яхши йўналтириш имконини беради. Бундан ташқари, Омила аъзолари Аҳмадий мусулмон қизлар билан дўстлашиб, уларни етаклаши лозим. Уларга истаган билимни олишга маслаҳат беринглар, шунингдек, айни дамда бутун дунёвий ишлардан ўзларининг динини устун тутишга берган ваъдасини уларга эслатиб туринглар. Аллоҳ таоло ато этган яхшиликлари учун У Зотга миннатдорчилик билдиришнинг энг яхши усули – бу ўз эътиқодида қатъий туришдир”.
Ҳузур Канададаги “Лажна Имоиллоҳ”га Аҳмадий мусулмон қизлари ва келин-жувонлари ўз эътиқоди ва динига боғлиқ барча саволларни осонлик билан йўллай оладиган семинар ва форумлар ўтказишга кўрсатмалар бердилар.
Учрашув ниҳоясида “Лажна Имоиллоҳ” Миллий Президенти Аматус-Салом хоним шундай деди:
“Миллий Мажлиси Омила ушбу Учрашув учун 2020 йилнинг 27 мартида Лондонга бориши лозим эди, бироқ COVID-19 чекловлари туфайли бу режа амалга ошмай қолган ва биз норози бўлдик, аммо вазият тушунарли бўлди. Шундай бўлса ҳам, Ҳазрат Халифатул-Масийҳ V (Аллоҳ таоло у зотни азиз ғалабаси ила қўллаб-қувватласин!) буни унутмаганларини ва бизга виртуал Учрашувни амалга ошириш имконини берганларини билганимиздан сўнг, биз хурсандчилик ва миннатдорчилик туйғусига эга бўлдик. Ҳузур бизнинг Учрашув илтимосимизни инобатга олганлари учун жуда ҳам миннатдормиз ва Буюк Аллоҳ таолонинг инояти билан бу ҳеч ким олдиндан кўра олмаган ҳақиқатга айланди, Алҳамдулиллоҳ! Бу вертуал ташриф биз кутгандан-да зиёда бўлди ва ҳақиқатда Севимли Имомимиз биз билан бирга ўтиргандек туюлди. Миллий Мажлиси Омиланинг барча аъзолари мана шундай қувончли имконият учун миннатдорчилик билдирадилар.
Якуни
Қўшимча маълумот учун: press@ahmadiyya.org.uk
Манзил: 22 Deer Park Road, London, SW19 3TL UK
Tel/Fax: 020 8544 7613 Mob: 077954 90682
Email: press@ahmadiyya.org.uk
Press Secretary AMJ International
(Халқаро Аҳмадия Мусулмон Жамоати редакцияси котиби)