Канададаги Мажлиси Атфолул Аҳмадиянинг 220дан зиёд аъзолари Ҳазрат Мирзо Масрур Аҳмад жаноблари билан учрашиш имкониятига эга бўлдилар
2020-йилнинг 15-августида Аҳмадия Мусулмон Жамоати тарихида янги саҳифа очилиб, илк марта Аҳмадия Мусулмон Жамоатининг Бутун жаҳон Раҳнамоси, 5-Халифа –Ҳазрат Мирзо Масрур Аҳмад жаноблари Канада Мажлиси Атфолул Аҳмадиясининг 12–15 ёшлардаги 220дан зиёд аъзолари билан виртуал онлайн учрашувни ўзказдилар.
Шундай қилиб, Аҳмадий мусулмонларга ўзларининг руҳоний ва диний раҳнамолари билан учрашиб, у зотдан кўрсатма олиш ва оқ фотиҳаларига эга бўлишнинг бир янги тонги отди.
Мажлиси Атфолул Аҳмадия аъзолари Ҳузур билан учрашиш мақсадида жорий йил аввалида Буюк Британияга келишлари лозим эди, бироқ COVID-19 пандемияси туфайли уларнинг иш-сафари бекор қилинган. Хуллас, Ҳузур унинг муқобилида виртуал онлайн учрашув ўтказишга рухсат бердилар.
Ҳузур мазкур учрашувгаТилфорд Исломободида жойлашган идораларидан раислик қилдилар, Мажлиси Атфолул Аҳмадия аъзолари эса “Ижтимоий масофа сақлаш” қоидаларига мувофиқ Канаданинг “Тинчлик Қишлоғи”да жойлашган “Байтус Салом” масжиди мажмуасидан иштирок этишди.
Мазкур дастур Муқаддас Қуръон оятларини тиловат қилиш ва таржимасини ўқиш билан бошланди, сўнгра бир назм ҳам айтилган. Шундан кейин Канададаги Мажлиси Атфолул Аҳмадиянинг Миллий котиби бир лавҳани ўқиб эшиттирди. У киши Канададаги Мажлиси Худдамул Аҳмадия уюшмаси COVID-19 пандемияси мобайнида Аҳмадий мусулмон ёшларини турли онлайн ташаббусларга йўналтириш борасида олиб борган фаолияти тўғрисида сўзлади.
Ҳузур ўсиб-ривожланиш борасидаги ютуқларни тан олган ҳолда уни юқори баҳоладилар, бироқ қанчалик ютуқлар бўлмасин, уларни давом эттириш ва мустаҳкамлаш зарурлигини таъкидладилар. У зотнинг фикрларига кўра, Аҳмадий мусулмон ёшларнинг мунтазам диний ривожланиш-тараққиётини таъминлаш учун бутун куч-ғайратларни ишга солиш лозим.
Шундай қилиб, Мажлиси Атфолул Аҳмадия аъзолари бир соат давом этган учрашувдан сўнг ўз эътиқодлари ва динига боғлиқ бир қатор саволлар бериш имкониятига эга бўлдилар.
Дунё COVID-19 пандемиясининг зарарли таъсирлари ва хавф-хатарларидан халос бўлгандан кейин Ҳузур Канадага борадими ёки йўқми, деган саволга Ҳазрат Мирзо Масрур Аҳмад жаноблари шундай жавоб бердилар:
“Жаҳоннинг тез орада COVID-19 хавф-хатарларидан халос бўлиши учун дуо қилиш сизларнинг ва бутун дунёдаги Аҳмадий мусулмонларнинг бурчидир. Барчамиз астойдил ялиниб-ёлвориб, Аллоҳ таолонинг Раҳми ва Меҳрибонлигини тилашимиз зарур. Бу муддат ўтгандан кейин, Худо хоҳласа, бошқа мамлакатлардаги Аҳмадий мусулмонлар билан учрашиш учун ташрифим ва иш-сафаримни давом эттираман. Шундай бўлса ҳам, ушбу учрашув шарофати билан ўзимни Канадада юргандек ҳис этмоқдаман. Мен масжидни ва канадалик бир журналист билан суҳбат олиб борилган жойни кўрмоқдаман. Мен кўпчилигингиз ўтирган саройни кўриб турибман. Бу орқали мен сизлар билан ўтиргандекман!”
Болалар Ҳузурга бир талай саволлар йўллашди. Масалан, бир бола болалар Аллоҳ таоло билан бўлган муомаласи ва алоқасини қандай кучайтира олишади, деб сўради. Бошқалар эса ўлимдан кейинги ҳаёт, тана аъзоларини донорликка бериш ҳамда ўзга сайёралардаги ҳаёт тарзи ҳақида савол бердилар.
Барчасидан муҳими, иштирок этган ҳар бир киши Ҳузур билан учрашувдан ва бундай томошабинларнинг энг аввалги гуруҳи бўлганидан хурсандлик ва шод-хуррамликни ҳис этди.
Учрашув ниҳоясида Канада гуруҳи номидан Канада Аҳмадий Мусулмон Ёшлари Уюшмаси раиси Зубайр Афзал соҳиб шундай деди:
“Ҳақиқатан ҳам, бу пандемия мобайнида бизнинг Атфолларимиз ва Канададаги бутун Худдамлар учун нур шуъласидек нурафшон бўлган, динни қувватлантирган ва ҳаётни ўзгартириб юборган воқеа бўлди. Ҳузур бизнинг Атфолларимиз билан сўзлашишга, биз билан бирга бўлишга шунчалик кўп вақт ажратганлари биз учун шу қадар туртки бўлдики, Атфолларнинг барчаси жуда ҳам севиниб, хурсанд бўлишди. Бу бизнинг Атфолларимиз учун умр давомида бир маротаба берилган имкониятнинг қанчалик аҳамиятли бўлганига ҳеч қандай шубҳа йўқ. Уларниг барчаси Ҳузур бизнинг рўпарамизда ўтириб, бизнинг орамизда бўлгандек эдилар, дедилар. Дунёда бўлаётган воқеаларнинг барчаси, айниқса, сафарга чиқишга чекловлар киргизилганлигини ҳисобга олганда, бу ундан ҳам ўзига хос бўлди ва мазкур учрашув хурсандчилигини янада оширди. Худодан келган ушбу файз-барака учун биз ҳеч қачон шукр адо этолмаймиз ва Хилофат деган инъом учун ҳам Аллоҳга етарлича миннатдорчилик билдира олмаймиз”.
Якуни
Қўшимча маълумот учун: press@ahmadiyya.org.uk
Манзил: 22 Deer Park Road, London, SW19 3TL UK
Tel/Fax: 020 8544 7613 Mob: 077954 90682
Email: press@ahmadiyya.org.uk
Press Secretary AMJ International
(Халқаро Аҳмадия Мусулмон Жамоати редакцияси котиби)