Маврикийдаги Аҳмадий Мусулмонларнинг тарихий мулоқот учрашуви

Маврикийдаги Миллий Мажлиси Омила ва Ёрдамчи Уюшмалар Аҳмадия Мусулмон Жамоатининг Бутун жаҳон Раҳнамоси билан Виртуал Мулоқот қилиш шарафига муяссар бўлдилар

“Маврикийдаги ҳар бир Аҳмадий мусулмон жамият, ўз оила аъзолари ва умумий жамоатчилик учун бойлик бўлиши керак” – Ҳазрат Мирзо Масрур Аҳмад жаноблари

2020 йилнинг 25 октябрида Маврикийдаги Аҳмадия Мусулмон Жамоатининг Миллий Мажлиси Омиласи Аҳмадия Мусулмон Жамоатининг Бутунжаҳон Раҳнамоси, Бешинчи Халифа – Ҳазрат Мирзо Масрур Аҳмад жаноблари билан виртуал расмий мулоқот ва дийдорлашув саодатига эга бўлди.

Шунингдек, Мажлиси Ансоруллоҳ (оқсоқоллар уюшмаси), Мажлиси Худдомул Аҳмадия (ёшлар уюшмаси) ва Лажна Имоуллоҳ (аёллар уюшмаси) сингари ёрдамчи уюшмаларнниг Миллий Мажлиси Омиласи ҳам иштирок этди.

Ҳузур Тилфорддаги Исломободда жойлашган идораларидан йиғилишни олиб бордилар, Омила аъзолари Маврикийдаги Аҳмадия Мусулмон Жамоатининг Миллий штаби сифатида хизмат қилган Роз-Хиллдаги “Дорус-Салом” масжидидан қўшилишди.

Етмиш беш дақиқалик мулоқот мобайнида Миллий Омиланинг аъзолари ўзлариниг бўлимлари тўғрисида ҳисобот бериб, бир қатор масалалар бўйича Ҳузурнинг йўналишлари ва кўрсатмаларини олиш имкониятига эга бўлдилар.

Омиланинг турли аъзоларига мурожаат қилиб, Ҳузур маълумотларни янгилаш, шунингдек, олдига қўйилган мақсад ва вазифаларни белгилаб олиш муҳимлигини айтдилар.

Миллий Омиланинг бир аъзосига мурожаат қилиб, Ҳазрат Мирзо Масрур Аҳмад жаноблари шундай дедилар:

“Ҳеч қандай мақсадсиз қандай қилиб муваффақиятга эриша оласиз? Қандай ривожлана оласиз? Мақсадларингиз аниқ бўлиши зарур ва ўзингиз учун жавоб беришинигиз лозим. Акс ҳолда, сизда қандайдир мақсад бўлмаса, унда бу сусткашликдан бошқа ҳеч нарсага олиб келмайди”.

Ҳузур ёш Аҳмадий мусулмонлар учун Аҳмадия Мусулмон Жамоатининг миссиясига сидқи дилдан хизмат қилиб, Аллоҳ таоло учун чин ихлос билан хизмат қилиш муҳим эканлигини таъкидладилар.

Ҳазрат Мирзо Масрур Аҳмад жаноблари Мажлиси Худдомул Аҳмадиянинг Миллий Садрига (Президентига) мурожаат қилиб, шундай дедилар:

“Мажлиси Худдомул Аҳмадия Ислом таълимотларини тарқатишда ва Масийҳи Мавъуд ва Имом Маҳдий (алайҳиссалом) пайғомларини узоқларга ва кенгроқ етказишда олдинги қаторда туриши лозим. Ҳар бир муҳитда Аҳмадий мусулмон ёшлари олдинги ўринларга чиқиши керак, чунки сизлар Аҳмадия Мусулмон Жамоатининг келажаги бўлган ва катта масъулиятлар юкланган одамларсиз”.

Ҳузур Миллий Умури Омма бўлими ишга жойлаша олмай қийналаётган Аҳмадий мусулмонларга ёрдам бериши ва уларни етаклаши муҳимлиги ҳақида ҳам сўз юритдилар.

Ҳазрат Мирзо Масрур Аҳмад жаноблари шундай дедилар:

“Ишсиз қолган Аҳмадий мусулмонларга ёрдам бериш учун махсус режа тузилиши керак. Қийинчиликларга дуч келганларнинг иш топиб, оила аъзларини боқиш имкониятига эга бўлишлари учун уларни етаклашга ҳаракат қилишларингиз лозим. Маврикийдаги ҳар бир Аҳмадий мусулмон жамият, ўз оила аъзолари ва умумий жамоатчилик учун бойлик эканлигини исботлашини таъминлаш сизларнинг мақсадларингиз бўлиши керак”.

Ҳузур Миллий Умури Хорижа (Ташқи ишлар) бўлимининг вазифаси – ташқи алоқа-муносабатларни, сиёсатчилар билан бўлган алоқаларни ривожлантириш ва Исломнинг ҳақиқий таълимотларини жамиятга ёйилишини таъминлаш, шунингдек, турли эътиқоддаги инсонлар ўртасидаги қаршиликларни бартараф этиш ҳисобланади, дедилар.

Бундан ташқари, Ҳузур Мажлиси Омиланинг ҳар бир аъзоси, ҳар бир миқёсда, Муқаддас Қуръонни ўргатиш ёки бошқаларга Ислом дини пайғомини етказиш учун йил мобайнида икки ёки уч ҳафта вақт ажратиши лозимлигини айтдилар.

Мулоқот ниҳоясида, Ҳузур Маврикийдаги Аҳмадия Мусулмон Жамоати учун муваффақия тилаб, келгусида ёрдамчи уюшмалар билан алоҳида мулоқотлар олиб боришларини изҳор этдилар.

Ҳазрат Мирзо Масрур Аҳмад жаноблари шундай дедилар:

“Бугунги учрашувда кўпроқ вақт Маврикий Миллий Омиласи билан муҳокама қилиш билан ўтди. Шунинг учун Лажна Имоуллоҳ, Худдомул Аҳмадия ва Ансоруллоҳ сингари ёрдамчи уюшмалар, агар улар талаб этишса, мен билан алоҳида мулоқотларни уюштира олишади ва бу борада биринчи ҳуқуқ Лажна Имоуллоҳ аъзолариникидир. Шунга қарамасдан, бугунги муҳокама қилинган жиҳатларнинг аксарияти ёрдамчи уюшмаларга фойдали бўлади, шунинг учун улар ўз ишини бунга мувофиқ ривожлантиришга ҳаракат қилишлари лозим. Мажлиси Омиланинг барча аъзолари ҳар бир миқёсда ўз бўлимларининг мақсадларини билишлари ва ҳар бир мақсадни энг аъло даражада амалга оширишга интилишлари шарт. Аллоҳ таоло сизларга ёрдам берсин ва Аҳмадия Мусулмон Жамоатига энг яхши тарзда хизмат қилишга имконият ато этсин. Омин!”

Якуни

Қўшимча маълумот учун: press@ahmadiyya.org.uk

Манзил: 22 Deer Park Road, London, SW19 3TL UK

Tel/Fax: 020 8544 7613 Mob: 077954 90682

Email: press@ahmadiyya.org.uk

Бош саҳифа

Press Secretary AMJ International

(Халқаро Аҳмадия Мусулмон Жамоати редакцияси котиби)