Ҳазрат Мирзо Масрур Аҳмад жаноблари меҳр-мурувват руҳи билан хизмат қилиш ва эҳтиёжмандларга кўмак кўрсатиш Омила аъзоларининг бурчи эканлигини таъкидладилар
2020 йилнинг 3 октябрида Канада Аҳмадия Мусулмон Жамоатининг Миллий Омиласига (Бошқарув органи) Аҳмадия Мусулмон Жамоатининг Бутунжаҳон Раҳнамоси, Бешинчи Халифа – Ҳазрат Мирзо Масрур Аҳмад жаноблари билан виртуал расмий мулоқот ва дийдорлашишга сазовор бўлди.
Ҳузур мулоқотни Тилфорддаги Исломободда жойлашган идораларидан олиб бордилар, Миллий Омила аъзолари эса Канада Аҳмадия Мусулмон Жамоатининг Миллий штаби сифатида хизмат кўрсатиб келаётган “Байтус Салом” масжиди мажмуасининг “Тоҳир” саройидан иштирок этишди.
Етмиш беш дақиқалик мулоқот давомида Омила аъзолари ўз бўлимлари ҳақида ҳисоботни тақдим этиб, бир қатор масалалар бўйича Ҳузур йўналишлари ва кўрсатмаларини олиш имкониятига эга бўлишди.
Ҳузур Канадада хизмат қилган барча тарғиботчиларнинг Таблиғ (даъват қилиш) ва Тарбият (ахлоқий тарбия) иш-фаолиятларига тўла қонли машғул бўлишини таъминлаш учун Канадада хизмат қилаётган тарғиботчилар раисига кўрсатмалар бердилар. Ҳузур барча тарғиботчилар Исломнинг ҳақиқий таълимотларини атрофлича жамоатчиликка етказишда асосий роль ўйнаши зарурлигини таъкидладилар. Ҳузур COVID-19 чекловлари мавжуд ҳолатда Таблиғ ва Тарбият дастурларини онлайн тарзида ўтказиш зарурлигини билдирдилар.
“Васият” тизими ҳақида Ҳузур шундай дедилар: тизим аъзолари биргина молиявий қурбонлик етарли эмаслигини билишлари лозим. Аксинча, Масийҳи Мавъуд ва Имом Маҳдий (алайҳиссалом) таълимотларига мувофиқ мазкур тизим аъзолари ўз ҳаётининг ҳар бир жабҳасида энг юксак ахлоқий ва диний меъёрларни кўрсатишга интилишлари лозим. Улар Ислом таълимотларининг ҳақиқий акси бўлиб, уни кенг миқёсда тарқатишга интилишлари керак. Ва улар ўз яқинлари – Аҳмадий мусулмонларнинг ва кенг жамиятнинг барча аъзоларининг ҳақ-ҳуқуқларини муҳофаза қилишлари керак.
Мулоқот асносида Ҳузур Миллий Омила аъзоларига Канададаги Аҳмадия Мусулмон Жамоатининг умумий аъзолларига доимо хайрихоҳлик билан муомала қилишга кўрсатма бердилар. Бундан ташқари, турли йўллар билан курашаётган ёки ишсизлик сингари шахсий қийинчиликларга дучор бўлган Аҳмадий мусулмонларга ёрдам бериш ҳам Омила вазифаси бўлиб ҳисобланади.
Ҳазрат Мирзо Масрур Аҳмад жаноблари шундай дедилар:
“Аксарият Аҳмадий мусулмонлар COVID-19 чекловлари туфайли кўпинча уйда қолишган, бу нарса кўнгилни чўктириб, тушкунлик сингари руҳий касалликларга олиб келиши мумкин. Улар билан боғланиб, уларнинг кўнглини кўтаришга ва уларни қўллаб-қувватлашга ҳаракат қилиш сизларнинг бурчингиз бўлиб саналади. Бундан ташқари, Миллий Омила аъзолари маҳаллий ва минтақавий миқёсда Омила аъзолари билан шахсий алоқада бўлиши лозим. Уларни йиғилишга чақириш ёки ҳисобот олиш учунгина уларга қўнғироқ қилмасдан, улар билан алоҳида дўстлик алоқасини ўрнатишларингиз лозим. Агар улар сизларнинг сидқи дилдан ғамхўрлик қилаётганларингизни ҳис қилишса, бу уларнинг амалга ошираётган хизматини юксалтириш ва ўз бурчларини аъло даражада бажаришга туртки бўлади”.
Ҳузур Миллий Омила аъзоларини бир-бири билан ва Аҳмадия Мусулмон Жамоатининг ёрдамчи уюшмалари маъмуриятлари билан ҳамкорлик қилишга ундадилар. Бундан ташқари, у зотнинг сўзларига кўра, ҳар бир бўлим ўз ишларига оид долзарб маълумотларга эга бўлиши керак, шунда муаммолар ёки масалаларни осонгина аниқлаш ва ҳал қилиш мумкин.
Ҳазрат Мирзо Масрур Аҳмад жаноблари шундай дедилар:
“Омиланинг ҳар бир аъзоси ўз бўлимининг вазифаларини тушуниб, ғайратли ва самарали ишлаши лозим. Низоми Жамоат (ташкилий тузилма) ҳақиқатан ҳам ажойиб, агар унга тўғри эргашилса, бизнинг ишимиз кўлами тобора ошиб боради. “Фавқулодда вазият” ёки “қисқа муддатли” лойиҳалар бўйича бошқа ҳеч ким аъзоларимизнинг моҳирлиги ва самарадорлигига тенг кела олмайди, бироқ изчил шаклда ишлаш жиҳатидан узоқ муддатли ишларга эътибор қаратишда ҳам такомиллаштириш имконияти мавжуд”.
“Вақфи Нав” лойҳаси борасида Ҳузур Канадада лойҳанинг фаолияти тўғрисида янгиланган маълумотни талаб қилдилар, у ерда у зот 2016 йил октябрь ойида “Вақфи Нав” аъзоларининг масъулиятлари ва вазифалари ҳақида батафсил жума хутбасини ўқиган эдилар.
Ҳазрат Мирзо Масрур Аҳмад жаноблари шундай дедилар:
“Вақфи Нав” лойҳасидан бўлган ўғил болаларни Жомия Аҳмадияга киришга ундаш лозим. Бундан ташқари, биз “Вақфи Нав”дан шифохоналаримиз ва мактабларимизга хизмат қила оладиган шифокорларни, ўқитувчиларни ва бошқа малакали касбларни талаб қилиб туришимиз керак. Бизга “Вақфи Нав” унвонинигина олиб, ҳақиқий хизмат ва ўз аҳдларига вафо қилишга интилмайдиган “Вақфи Нав”нинг кераги йўқ. Бундай одамларнинг исмлари “Вақфи Нав” рўйхатидан олиб ташланиши керак, шунда бу ҳаракатнинг ҳақиқий сонлари ва кўриниши яққол ошкор бўлади. Қандай бўлмасин, “Вақфи Нав” бўлими “Вақфи Нав” болаларига ёшлигидан ҳақиқий хизмат руҳини сингдириб, салоҳиятларини Аллоҳ таолонинг розилиги учун сарфлашга етаклаши керак”.
Якуни
Қўшимча маълумот учун: press@ahmadiyya.org.uk
Манзил: 22 Deer Park Road, London, SW19 3TL UK
Tel/Fax: 020 8544 7613 Mob: 077954 90682
Email: press@ahmadiyya.org.uk
Press Secretary AMJ International
(Халқаро Аҳмадия Мусулмон Жамоати редакцияси котиби)