Ҳазрат Мирзо Масрур Аҳмад жаноблари намуна кўрсатиш ва Ислом пайғомини ёйишнинг аҳамияти ҳақида сўз юритдилар
2020 йилнинг 26 сентябрида Аҳмадия Мусулмон Жамоатининг Бутунжаҳон Раҳнамоси, Бешинчи Халифа – Ҳазрат Мирзо Масрур Аҳмад жаноблари Бельгиядаги Аҳмадия Мусулмон Жамоатининг Миллий Омиласи билан виртуал мулоқот ўтказдилар.
Ҳузур мулоқотни Тилфорддаги Исломободда жойлашган идораларидан олиб бордилар, Омила вакиллари эса Брюсселдаги “Байтул Мужийб” масжиди мажмуасида йиғилишди.
Мулоқот мобайнида Миллий Омила вакиллари ўз бўлимларига доир фаолиятларининг ҳисоботини тақдим этиб, келгуси иш-режаларини муҳокама қилишди.
Ҳузур Бельгияда яшаётган Аҳмадий мусулмонларнинг ахлоқий ва диний тарбияси, шунингдек, Исломнинг ҳақиқий ва тинчликсевар таълимотларини бутун мамлакатга тарқатиш бўйича атрофлича кўрсатмаларни тавсия этдилар.
Ҳузур намуна кўрсатиш ва тавсия қилган нарсани амалда бажариб кўрсатиш муҳимлигини таъкидладилар. Бошқаларни қизиқтириш учун Ҳузур бундай дедилар: Миллий Омила аъзолари Ислом пайғомини ўзгаларга етказиш ёки Қуръони Каримни ўргатиш ва Ислом динига хизмат қилиш учун (Вақфи Оразий) ўз ихтиёри билан вақтини тақдим этиши лозим.
Ҳазрат Мирзо Масрур Аҳмад жаноблари шундай дедилар:
“Агар Миллий Омила аъзолари Аҳмадия Мусулмон Жамоати учун ўз вақтини ва куч-қувватини фидо қилишда етакчилик фаолиятини юргизмаса, у ҳолда бошқалардан нимани кутиш мумкин?! Фақат сизларнинг уйингиз, оила аъзоларингиз яшаётган жойни эмас, балки ўз қишлоқ ва шаҳарларингизни ўз уйингиз деб ҳисоблаб, бошқа инсонларга Исломнинг ҳақиқий таълимотлари ҳақида маълумот бериш ва бошқалар учун ҳар доим ўз вақтингизни фидо қилишни бурчингиз деб ҳисоблашингиз керак. Бу Миллий Омиланинг ва тармоқли уюшмалар Омилаларининг вазифасидир. Фақат иш-қоғозлар билан машғул бўлиб туришингиз кифоя эмас, балки берган аҳду паймонларингизга вафо қилиш сизлардан амалий хатти-ҳаракатларингизни талаб қилади”.
Ҳузур Бельгиядаги Аҳмадия Мусулмон Жамоати томонидан ота-оналар билан болалар ўртасидаги чамбарчас муносабатларни мустаҳкамлаш учун ишлаб чиқилган схемага миннатдорчилик билдирдилар.
Схемага мувофиқ Аҳмадий мусулмон оила аъзолари кунда бир оила билан бирга ҳеч бўлмаса, бир маротаба овқатланишга таклиф этилган. Ота-оналар болалари билан очиқ мулоқот юргизиб, улар олдида турган муаммоларни яхшироқ тушунишга эришишди. Ҳузур схема доираси кенгайтирилиб, муттасил назоратга олиб турилиши зарурлигини билдирдилар.
Бошқа Жамоатлар билан муносабат ўрнатиш ва ўзаро ҳамфикрликни ривожлантиришнинг аҳамияти ҳақида миллий Умури Хорижа (ташқи ишлар) котибига Ҳазрат Мирзо Масрур Аҳмад жаноблари мурожаат қилиб, шундай дедилар:
“Сиёсатчилар, диний ташкилотлар, диний гуруҳлар, хайрия уюшмалари, ахборот воситалари ва бошқа гуруҳлар бўлишидан қатъий назар, кенг жамият билан алоқа ўрнатиш муҳим. Бу ҳам Ислом дини таълимотларини тарқатиш ва юзага келган нотўғри тушунчаларга барҳам бериш усулидир. Бизнинг Жамоатимиздан ташқари бошқа ташкилотлар ва одамлар Аҳмадия Мусулмон Жамоатини Исломнинг ҳақиқий таълимотларининг стандарт таржимони деб ҳисоблашлари зарур”.
Учрашув ниҳоясида Ҳузур тарғиботчиларга ҳамда ўз ҳаётини бағишлаб, Аҳмадия Мусулмон Жамоатига хизмат қилиб келаётганларга (Вақфи Зиндагиларга) ўз мақсад ва бурчингизни амалга оширишда куч-қувватларингизни аяманглар, дея кўрсатма бердилар.
Ҳазрат Мирзо Масрур Аҳмад жаноблари шундай дедилар:
“Тарғиботчиларга ва Вақфи Зиндагийлар (ўз ҳаётини бағишлаганлар)га қандайдир вазифа ва масъулият юкланса, у энг аъло даражада бажарилиши керак. Улар ўз вазифаларини садоқат билан адо этиб, Аҳмадия Мусулмон Жамоатига хизмат қилишда олдинги сафда бўлишлари лозим. Агар уларга бирдан ортиқ масъулият ёки вазифа юкланса, у ҳолда биттасига эътибор бермай, бошқаларини инобатга олмасдан, аксинча, улар ҳар бир вазифани бажаришга интилиб, ўзгаларга намуна кўрсатиши зарур. Аллоҳ таоло барчангизга Исломга қилаётган хизматингизни оширишга ва бурчингизни энг яхши тарзда бажаришга имконият ато этсин!”
Якуни
Қўшимча маълумот учун: press@ahmadiyya.org.uk
Манзил: 22 Deer Park Road, London, SW19 3TL UK
Tel/Fax: 020 8544 7613 Mob: 077954 90682
Email: press@ahmadiyya.org.uk
Press Secretary AMJ International
(Халқаро Аҳмадия Мусулмон Жамоати редакцияси котиби)