Карлсруэ шаҳрида бўлиб ўтган уч кунлик йиғинга 99 мамлакатдан ташриф буюрган 30000дан зиёд одамлар қатнашишди
2018-йилнинг 9-сентябрида Германиядаги Аҳмадия Мусулмон Жамоатининг 43-Йиллик Йиғини (Жалса Солона) Аҳмадия Мусулмон Жамоатининг Бутун дунё Раҳнамоси, Масийҳи Мавъуд ва Имом Маҳдий – Ҳазрат Мирзо Ғулом Аҳмад (алайҳиссалом)нинг 5-Халифаси Ҳазрат Мирзо Масрур Аҳмад (Аллоҳ таоло у зотга Ёрдамчи бўлсин) қилган таъсирчан мурожаатлари билан якунланди.
Ўз мурожаатларида Ҳазрат Аҳмадия Мусулмон Жамоатининг Асосчиси, Ҳазрат Мирзо Ғулом Аҳмад (алайҳиссалом) Ислом Аҳмадиятнинг ёйилиши борасида айтиб берган пешхабарларининг узлуксиз амалга ошаётгани ҳақида сўз юритдилар.
Ҳазрат ер юзи бўйлаб ўтган йили ўз дуоларининг қабул бўлиши ёки кўрган тушларининг рўёбга чиқиши борасида Аллоҳ таоло томонидан кўрсатилган мўъжизаларни кўриб, Аҳмадия Мусулмон Жамоатига қўшилган инсонларнинг воқеаларини ҳам баён этдилар.
Ҳазрат Муқаддас Қуръон очиқчасига Севимли Пайғамбаримиз Муҳаммад (салаллоҳу алайҳи ва саллам) “Барча Пайғамбарларнинг муҳри” ва у зотдан сўнг янги шариат билан ҳеч бир пайғамбар келиши мумкин эмас, деб билдирганларини айтдилар.
Шундай қилиб, Муқаддас Қуръон ва Севимли Пайғамбаримиз Муҳаммад (салаллоҳу алайҳи ва саллам) айтиб кетган пешхабарларига мувофиқ Масийҳи Мавъуд ва Имом Маҳдийнинг келиши ҳал бўлган тақдир эди.
Ҳазрат Мирзо Масрур Аҳмад шундай дедилар:
“Аллоҳ таоло охирзамонда Масийҳи Мавъуд ва Имом Маҳдийни шариатсиз ва Севимли Пайғамбаримиз Муҳаммад (саллаллоҳу алайҳи ва саллам)га бутунлай тобе бўлган пайғамбар сифатида юборилишини ваъда қилган эди”.
Ҳазрат Мирзо Масрур Аҳмад ўша пешхабарга мувофиқ Аҳмадия Мусулмон Жамоатининг Асосчиси Ҳазрат Мирзо Ғулом Аҳмад (алайҳиссалом) Аллоҳ таоло томонидан Масийҳи Мавъуд ва Имом Маҳдий сифатида юборилган деб айтдилар.
Ҳазрат Мирзо Масрур Аҳмад шундай дедилар:
“Ҳазрат Мирзо Ғулом Аҳмад (алайҳиссалом) дунёга Муқаддас Қуръоннинг дастлабки ва ёрқин таълимотларини тавсия қилган ва у хабар дунёнинг чекка-чеккаларигача ёйилиб кетди. У зот (алайҳиссалом) дунёдан ўтгач Жамоатлари Аҳмадия Хилофати бошқаруви остида тарқалмоқда”.
Ҳазрат Мирзо Масрур Аҳмад шундай деб давом этдилар:
“Масийҳи Мавъуд ва Имом Маҳдий (алайҳиссалом) мақсади Исломнинг ҳақиқий ва асосий таълимотларини тиклаш ва Севимли Пайғамбаримиз Муҳаммад (саллаллоҳу алайҳи ва саллам)нинг энг аъло таълимотларини ер юзида барча минтақаларга ёйиш вазифасини амалга ошириш эди”.
Масийҳи Мавъуд ва Имом Маҳдий (алайҳиссалом) мусулмон дунёсига берган хабардан сўз юритиб, Ҳазрат Мирзо Масрур Аҳмад шундай дедилар:
“Масийҳи Мавъуд ва Имом Маҳдий (алайҳиссалом) бутун мусулмонларни Севимли Пайғамбаримиз Муҳаммад (саллаллоҳу алайҳи ва саллам) олиб келган хабарларига қулоқ солишга чорлаганлар. Афсуски, мусулмон дунёсининг аксарияти у зотнинг чорловига қулоқ солмай қўйишди ва улар одамларни Аллоҳ таоло ва Унинг Пайғамбари (саллаллоҳу алайҳи ва саллам)га томон чорлашдан кўра уларни адаштираётган номигагина диний уламоларга эргашмоқдалар”.
Шундай бўлса ҳам, у зот дуч келган қаршиликларга қарамасдан, Ҳазрат Мирзо Масрур Аҳмад Аҳмадия Мусулмон Жамоатининг тинимсиз кучайиб, мустаҳкамланиб бораётганини билдирдилар.
Унинг ўсиб-ривожланишини тўхтатиш учун амалга оширилаётган узлуксиз ҳаракатлардан қатъий назар, бутун дунёдан юзлаб-минглаб одамлар йил сайин Масийҳи Мавъуд ва Имом Маҳдий (алайҳиссалом) Жамоатига қўшилишмоқда.
Шундан сўнг Ҳазрат Мирзо Масрур Аҳмад Масийҳи Мавъуд ва Имом Маҳдий (алайҳиссалом)нинг ҳаққонийлигини қабул қилган одамларнинг иймонни кучайтирувчи бир талай воқеаларини айтиб бердилар.
Ҳазрат Ғонада бўлиб ўтган бир воқеа борасида сўз юритдилар, у ерда вояга етган бир аёл кўрган тушнинг рўёбга чиқанини кўриб, 90дан зиёд одам Аҳмадия Мусулмон Жамоатига аъзо бўлиб кирган.
Уч Аҳмадий мусулмон унинг қишлоғига бориб, маҳаллий халққа Ислом дини ҳақида айтиб берган ва қандай намоз ўқиш кераклигини уларга ўргатган. Мазкур аёл буни кўриб, етти йил илгари тушида Ислом дини ва намоз ўқишни ўргатиш учун уч нафар тарғиботчи одам келганлигини айтиб берди. Ўз тушининг рўёбга чиққанини кўриб, у, унинг оиласи ва унинг қишлоғидан бошқа ўнлаб одамлар Аҳмадия Мусулмон Жамоатига қўшилишган.
Ўша воқеа ҳақида сўз юритиб, Ҳазрат Мирзо Масрур Аҳмад шундай дедилар:
“Аллоҳ таолонинг марҳамати билан Жамоат ўша хонимнинг қишлоғида ташкил топди. Аллоҳ таоло мусулмон ҳам бўлмаган, Африканинг энг олис қишлоғида яшаб, вояга етган бир аёлга бир туш кўрсатади, ундан етти йилдан сўнг бу туш рўёбга чиқади, бу қайси бир инсоннинг қўлидан келади, деб ким айта олади?!”
Ҳазрат айтиб берган яна бир воқеа Буркино-Фасода бўлиб ўтди. Аҳмадия Мусулмон Жамоатининг бир тарғиботчиси Исломнинг тинчлик таълимотлари ҳақида айтиб бергани бир қишлоққа борган. Бироқ ўша пайт у яхши жавоб олган эмас. Шундай бўлса-да, мазкур тарғиботчи маҳаллий халққа қачонки менинг шаҳримга келганингизда, мен билан учрашинглар, деб айтган.
Кейинчалик ўша қишлоқдан бир инсон тарғиботчини зиёрат қилди ва у Халқаро МТАдан Аҳмадия Мусулмон Жамоатининг Асосчисини кўриб, Ҳазратни у тушида илгари кўрганини эслаб, ўша заҳотиёқ Аҳмадия Мусулмон Жамоатига аъзо бўлиб киришга қарор қилди.
Ўз мурожаатининг ниҳоясида Ҳазрат Мирзо Масрур Аҳмад шундай дедилар:
“Аллоҳ таоло йил сайин Масийҳи Мавъуд ва Имом Маҳдий (алайҳиссалом)нинг юзлаб-минглаб ҳақиқий аломатларини кўрсатиб келмоқда. Бунга қарамасдан, бизнинг мухолифларимиз бизни ақлсиз деб айтиб, мен Масийҳи Мавъуд ва Имом Маҳдийман деб даъво қилган инсонни инкор этишга чорламоқдалар. Бироқ ҳақиқатда, Аллоҳ таолодан қўрқишдан кўра, Ислом таълимотларини ўзгартираётган диний пешволардан қўрқадиган номигагина уламолар ва одамлар ақлсиздирлар”.
Ҳазрат Мирзо Масрур Аҳмад шундай деб давом этдилар:
“Биз – Аҳмадий мусулмонлар, бутун дунёга Исломнинг ҳақиқий ва тинчлик таълимотларини ёйиш фаолиятларимиздан ҳеч қачон воз кечмаймиз. Бу бизнинг бурчимиз, бу бизнинг мақсадимиз ва ҳар бир Аҳмадий мусулмон бунинг учун ҳаракат қилиши лозим ҳамда Аллоҳ таолодан ёрдам сўраб, намозда эгилишлари лозим. Ҳаммасидан ҳам муҳими, Исломнинг гўзаллигини энг юксак ахлоқий намуналар орқали дунёга кўрсатиш бизнинг вазифамиздир. Аллоҳ таоло шундай қилиш учун сизларга ёрдам берсин. Омин!”
Ўша куниёқ Карлсруэ шаҳрида бўлиб ўтган тадбирда иштирок этган 39000дан зиёд Аҳмадий мусулмонлар Масийҳи Мавъуд ва Имом Маҳдий (алайҳиссалом) 5-Халифасининг қўлларига ҳиссиётли Байъат қилишди. Бу маросимда бир талай одамлар биринчи маротаба байъат қилишди.
Ўша пайтдаёқ ер юзидаги Аҳмадий мусулмонлар ҳам МТА халқаро телеканали орқали бевосита эфирда у дастурни кўриш билан иштирок этишди.
Якуни
Қўшимча маълумот учун: press@ahmadiyya.org.uk
Манзил: 22 Deer Park Road, London, SW19 3TL UK
Tel/Fax: 020 8544 7613 Mob: 077954 90682
Email: press@ahmadiyya.org.uk
Press Secretary AMJ International
(Халқаро Аҳмадия Мусулмон Жамоати редакцияси котиби)