Ҳазрат Мирзо Масрур Аҳмад Жалса Солонада хизмат кўрсатадиган кўнгиллиларга мурожаат қилдилар
2018-йилнинг 6-сентябрь куни Аҳмадия Мусулмон Жамоатининг Бутун дунё Раҳнамоси, Масийҳи Мавъуд ва Имом Маҳдий – Ҳазрат Мирзо Ғулом Аҳмад (алайҳиссалом)нинг 5-Халифаси Ҳазрат Мирзо Масрур Аҳмад (Аллоҳ таоло у зотга Ёрдамчи бўлсин) Германиядаги Аҳмадия Мусулмон Жамоатининг 43-Йиллик Йиғилишига (Жалса Солона) кўрилган тайёргарликларни кўздан кечирмоқдалар.
Назорат жараёнлари мобайнида, Ҳазрат Мирзо Масрур Аҳмад мазкур тадбирни ташкил этиш ва олиб бориш вазифалари юкланган турли бўлимларни кўздан кечирдилар. Ҳазрат Мессе Карлсруэ минтақасидаги тайёргарликларни кўриш мобайнида у зотга ўша бўлимлар ҳақида қисқача маълумот берилди.
Сўнгра Ҳазрат ушбу Жалсада турли хизматларни бепул бажарадиган минглаб кўнгиллиларга мурожаат этиб, Жалса Солонанинг олиб борувчилари сифатида уларга юкланган вазифаларни эслатиб ўтдилар.
Ҳазрат Жалса ишларини ташкиллаштиришни йилдан-йилга яхшилаш зарурлигини таъкидладилар. Шунингдек, у зот хизмат қиладиган кўнгиллилар томонидан ҳар доим хушмуомалалик ҳамда адоб-акхлоқ кўрсатилгани ниҳоятда аҳамиятли бўлганини айтдилар.
Ҳазрат Мирзо Масрур Аҳмад шундай дедилар:
“Сизларнинг кўпчилигингиз ҳозир маълум вазифалар бўйича яхши моҳирсизлар, бироқ мен сизларга ҳар доим табассумли юзингиз билан бу вазифаларни адо этишингиз лозим, дея яна бир бора таъкидлаб ўтмоқчиман. Илгари, баъзи бир одамлар Германияда бу жиҳатдан бироз камчиликлар мавжуд эди, деб ўз фикр-мулоҳазаларини менга билдиришган, шунинг учун бу сафар мана шундай шикоятлар тушмаслигига ишонтириш учун ўзгача эътибор қаратиш лозим. Қандай вазият бўлишидан қатъий назар, доимо мулойимликни намоён этиб, меҳрибонлик ва матонат билан ўзгаларга муомала қилиш керак”.
Ҳазрат Мирзо Масрур Аҳмад шундай деб давом этдилар:
“Бу йил Англиядаги Жалса Солона бошланмасдан бурун мен ўз ихтиёри билан хизмат қиладиган кўнгиллилардан ҳар доим мулойимликни намоён этиб, энг аъло одоб-ахлоқларни кўрсатишни илтимос қилган эдим, шундан сўнг мен кўплаб меҳмонлардан Буюк Британия кўнгиллилари менинг кўрсатмаларимни ёдга олишганини билдирганларини эшитган эдим. Мен бу ерда, Германияда ҳам ана шундай бўлади деган умиддаман”.
Ҳазрат ўтган йили Покистондан келган Аҳмадий мусулмонлар бу йилги Жалса Солонада ғайрат ва шижоат билан ўз бурчларини бажаришганлари маълум қилинганини ҳам айтдилар.
Ҳазрат улар қилган иш-фаолиятлари учун уларга миннатдорлик билдириб, Аллоҳ таоло барча жиҳатдан улар адо этган иш-фаолиятларига барака қўшсин, деб бутун кўнгиллилар учун дуо қилдилар.
Мазкур Жалса Солона Германиянинг Карлсруэ шаҳрида бугун бошланиб, дам олиш кунига қадар (7-9-сентябрь кунлари) давом этади.
Якуни
Қўшимча маълумот учун: press@ahmadiyya.org.uk
Манзил: 22 Deer Park Road, London, SW19 3TL UK
Tel/Fax: 020 8544 7613 Mob: 077954 90682
Email: press@ahmadiyya.org.uk
Press Secretary AMJ International
(Халқаро Аҳмадия Мусулмон Жамоати редакцияси котиби)