Ҳазрат Мирзо Масрур Аҳмад Лондондан ўзининг сўнгги мурожаати билан чиқди.
Халқаро Аҳмадия Мусулмон Жамоатининг Раҳнамоси ва 5-халифаси Ҳазрат Мирзо Масрур Аҳмад 2013-йилнинг 29 декабрь якшанба куни Ҳиндистондаги Аҳмадия Мусулмон Жамоатининг 122-“Жалса Солона”сини имонни кучайтирувчи ва таъсирчан мурожаати билан якунлади.
Халифа Лондон шаҳрида жойлашган “Байт ул-Футуҳ” масжидидан спутник алоқаси орқали сўнгги сессияга мурожаат қилди. Қодиёнда 17000 дан ортиқ одам Жалса Солонада иштирок этдилар, Лондонда энг охирги сессияга иштирок этиш учун 5000 га яқин одам йиғилди.
Ҳазрат Мирзо Масрур Аҳмад ўзининг тахминан бир соатга яқин бўлган хитобида Аллоҳ таоло одамларни қандай қилиб Аҳмадият – ҳақиқий Исломга йўналтирганлиги ҳақида сўз юритди.
Ҳазрат Мирзо Масрур Аҳмад: “Аксарият мусулмонлар мусулмон дунёсининг ҳозирдаги ҳолатини кўриб “умидларини узиб қўйишди”, лекин фақат ўзларининг манфаатларини кўзлаган, номигагина “уламо” деб аталувчи чаламуллалардан қўрқиб, ўзларининг қаттиқ афсусда эканликларини билдира олмаяптилар.
Шундай бўлса ҳам, кўплаб теран фикрли мусулмонлар Масийҳ ва Маҳдийнинг келиши учун дуолар қилаётган эдилар ва Аллоҳ таоло уларни тўғри йўлга бошлаш билан уларнинг дуоларига жавоб қайтармоқда.
Ҳазрат Мирзо Масрур Аҳмад одамларнинг қандай қилиб Қодиён (Ҳиндистон)дан чиққан Масийҳи Мавъуд – Ҳазрат Мирзо Ғулом Аҳмадаснинг ҳақ эканлигини тасдиқловчи очиқ-равшан ва ҳаққоний тушларни кўрганларидан кейин Аҳмадия Мусулмон Жамоатига қўшилганлиги ҳақидаги воқеаларни охирги кунлардан ва тарихдан мисол қилиб келтирди. Шу каби “ҳайратомуз” воқеалар жуда ҳам кўп”, – дедилар.
Халифа Аҳмадия Мусулмон Жамоатининг мухолифлари ўзларининг иғволари ва зўравонликлари билан мазкур Жамоатнинг ўсиб-ривожланишини тўсиш учун тинимсиз ҳаракат қилаётганликларини қисқача айтиб берди. У киши: “Аҳмадия Мусулмон Жамоати Аллоҳ таоло томонидан қўллаб-қувватланиб келинаётганлиги учун уларнинг барча ҳаракати бесамар бўлади”, – дедилар.
Ҳазрат Мирзо Масрур Аҳмад:
“Аллоҳ таолонинг раҳнамолиги ва ёрдамига гувоҳ бўла туриб, мухолифатдошларнинг бизга кўрсатаётган зулму зўравонликларидан қўрқишимиз мумкинми? Йўқ, ҳеч қачон!”, – дедилар.
Яна бундай деб давом этдилар:
“Ўн тўрт аср аввал Ҳазрат Билолра ўзига қилинган ҳар қандай зулму зўравонлик ва қийинчиликларга бардош қилган ва “Аллоҳ – Ягона”, “Аллоҳ – Ягона” дея жавоб қайтарган. Бугун эса бу мисол – зулму зўравонлик, иғво ва қаршиликка дуч келган Аҳмадий мусулмонларга сабоқ вазифасини ўтамоқда.
У бизни қуйидагича ҳақиқий мақсад-муддаойимиз томон чақирмоқда: мазкур зулму зўравонликлар ва иғволарга қарамай биз Аллоҳ таолонинг Ягона эканлигини дунёнинг бурун-бурчакларигача етказамиз ҳамда уни қоим қилиш учун Масиҳи Мавъуд (Ҳазрат Мирзо Ғулом Аҳмад)га эргашиб, ўз фаолиятимизни тўхтатмаймиз ва ундан ҳеч қачон ортга чекинмаймиз”.
Мурожаат охирида Ҳазрат Мирзо Масрур Аҳмад Жалса Солонани дуо билан якунлади.