Англиядаги 50-Жалса Солона Ҳазрат Мирзо Масрур Аҳмаднинг мурожаати билан якунланди
2016-йилнинг 14-августида Англиядаги Аҳмадия Мусулмон Жамоатининг 50-Жалса Солонаси (Йиллик Йиғилиш) Аҳмадия Мусулмон Жамоатининг Бутун дунё Раҳнамоси, Масийҳи Мавъуд ва Имом Маҳдий – Ҳазрат Мирзо Ғулом Аҳмад (алайҳиссалом)нинг 5-Халифаси Ҳазрат Мирзо Масрур Аҳмад (Аллоҳ таоло унга Ёрдамчи бўлсин)нингкучли ва иймонларни кучайтирувчи мурожаати билан якунланди.
Ўзининг мурожаатида у киши Ислом динини танқид қилганларни террористларнинг арзимас бир гуруҳи амалга оширган нафратланиш фаолиятларига эътибор қаратишнинг ўрнига Ислом дини ҳақида унинг ҳақиқий таълимотлари асосида ўзига хос бир қарор чиқаришга чорлади.
Алтон, Ҳэмпширдаги “Ҳадийқатул-Маҳдий” (“Маҳдий бўстони”) номли жойда бўлиб ўтган Жалса Солонага 38000дан ортиқ инсонлар қатнашди.
Унга қатнашган минглаб Аҳмадий мусулмонлардан ташқари кўплаб ғайриаҳмадий ва ғайримусулмон меҳмонлар ҳам иштирок этишди. Мазкур тадбирнинг барчаси МТА Интернейшнал (Халқаро Аҳмадия Мусулмонлар Телевидениеси)дан бевосита эфир орқали намойиш этилди.
Уч кунлик Жалса Солонанинг ўзига хос воқеаларидан бири – бу якшанба куни бўлиб ўтган Байъат деб аталувчи аҳду паймон тадбири бўлиб, унда иштирок этганлар Масийҳи Мавъуд ва Маҳдий – Ҳазрат Мирзо Ғулом Аҳмад (алайҳиссалом)нинг 5-Халифаси Ҳазрат Мирзо Масрур Аҳмад (Аллоҳ таоло унга Ёрдамчи бўлсин)нинг қўлига Байъат (аҳду паймон) қилишди.
Қатнашганлар Халифагача инсонлардан иборат занжирни тузиб, аҳду паймон сўзларини биргаликда такрорлашди.
Маросим бошида у киши ўтган бир йил ичида ер юзидан 584000дан ортиқ одам Аҳмадия Мусулмон Жамоатига аъзо бўлиб кирди, деб эълон қилди. У киши ҳозир Аҳмадия Мусулмон Жамоати дунёдаги 209 давлатда тузилган, деб ҳам эълон билдирди.
Ўзининг хулосавий баёнотида Ҳазрат Мирзо Масрур Аҳмад шундай деди: Ислом динини танқид қилганлар мунтазам Ислом динига қарши ноҳақ ва мутлақо асоссиз айбловларни ёпиштириб келишмоқда.
Ҳазрат Мирзо Масрур Аҳмад шундай деди:
“Бугунги кундаги бебошлик ва терроризм – бу одамлар фақат дин таълимотларини ўзгартиришларининг натижаси ва уларнинг нафратга тўла ёмон амалларининг албатта, Ислом динининг ҳақиқий таълимотлари билан ҳеч қандай алоқаси йўқ”.
У киши шундай деди: Ислом дини инсонлар билан миллатлар ўртасидаги ҳақиқий тенг ҳуқуқлиликни ривожлантириш йўли билан тинчликка асосланган. Ислом дини ҳеч бир миллат ёки инсонлар бошқалардан юқори эмас, деб ўргатган.
У киши шундай деди: Ислом дини жамоатчиликнинг ҳар бир даражасида тинчликни ҳосил қилишни хоҳлайди ва жамоатчиликдаги тинчлик пойдеворлари инсоннинг ўз уйидан бошланади. У киши шундай деди: Ислом дини ота-оанларнинг ҳақ-ҳуқуқларига ўзгача эътибор қаратади.
У киши шундай деди: бунга қарши, мунтазам Исломни қандайдир бир зулмлилик дини сифатида тавсия қилаётган ривожланган миллатлардаги одамлар ўзларининг ота-оналарининг асосий бурчларини ёддан чиқариб қўйишган.
Ҳазрат Мирзо Масрур Аҳмад шундай деди:
“Ривожланган дунёда кўпчилик одамлар ота-онасига хизмат қилиб, кексалигида уларга эътибор қаратиш у ёқда турсин, улар билан мунтазам учрашишга вақт йўқлигини айтишади. Улар ўзларини ривожланган деб ўйлашлари билан ўзларининг дастлабки бурчларини бажаришдан йироқлашиб кетишди”.
У киши Аллоҳ таоло билан алоқа-воситани тузмай туриб, ҳақиқий тинчлик ўрнатилмайди, деб таъкидлаб ўтди.
Ҳазрат Мирзо Масрур Аҳмад шундай деди:
“Аллоҳ таоло ибодатининг ҳақ-ҳуқуқларини ўрганмай ва бажармай туриб, адолат ўрнатилмайди, шунингдек, инсон меҳрибонлик ва одамгарчиликка ҳам эътибор бера олмайди. Ўзларини мусулмон деб атаб, сўнгра мунтазам Ислом динининг таълимотларига қарши ишларни амалга ошириб келаётганларининг сабаби, улар Аллоҳ таолони чиндан таниган ҳам эмас ва ўзларининг Унга нисбатан бурчларини ҳам бажаришмайди”.
У киши ота-оналарнинг ўз болаларига нисбатан бурчларига ҳам тўхталди ва Қуръони Каримдаги “ва қашшоқликдан қўрқиб, болаларингизни ўлдирманглар” деган оятни ҳам келтирди.
У киши шундай деди: ушбу оят ўз болаларига одоб-ахлоқ тарбиясини бера олмаган одамларга ҳам тааллуқли.
Ҳазрат Мирзо Масрур Аҳмад шундай деди:
“Ота-оналар томонидан ўз болаларига эътиборва одоб-ахлоқ тарбияси берилмаганлиги сабабли ҳам болалари экстремизмга йўлиқиб, Ислом дини номидан зулмлар қилишади. Мана шундай ота-оналар бойликнинг орқасидан югуриб юришиб, болаларига нисбатан ўз бурчларини бажаришга лоқайд бўлишади, натижада уларнинг болалари умумий диний билимдан ҳам маҳрум бўлиб қолишади. Бунинг барчаси болаларни қатл этиш бўлиб саналади”.
У киши мусулмонларни бошқаларни мазахлашдан қайтарадиган Қуръони Каримнинг 49-сураси 12-оятини ҳам мисол сифатида келтирди.
Ҳазрат Мирзо Масрур Аҳмад шундай деди:
“Бугунги кунда ва даврда дин ҳам мазах қилинмоқда, унга ҳақорат қилинади ва бу жабҳада Ислом дини айниқса,нишонга олинади. Инсонларнинг Ислом дини ёки Севимли Пайғамбаримиз Муҳаммад (саллаллоҳу алайҳи ва саллам)га қарши ҳақорат сўзларини сўзлаши ёки одобсиз карикатураларни чиқариши мусулмон дунёсига қаттиқ ботади. Албатта, ғазабли реакция Ислом таълимотларига бутунлай зид келади, бироқ жамоатчиликнинг тинчлигига хавф туғдирадиган карикатураларни яратишда ўзгача бир фаҳм-фаросат борми?!”
У киши шундай деб давом эттирди:
“Ҳақиқатда, мана шундай гуруҳлар ёки алоҳида одамлар Ислом таълимотларига қарши қилаётган ишлари ғайримусулмонларнинг қўлига Ислом динининг тинчлик таълимотларини ёйишда энг олдинда турган Аҳмадий мусулмонлар билан бирга барча мусулмонларга қарши фитначилик қилиш ва ҳис-туйғуларига тегиниш шаҳодатномасини ушлатиб қўяди”.
Ўзаро бир-бирини ҳурмат қилиш ва динлараро сўзлашувга боғлиқ Ислом таълимотларини тафсирлаётиб, Ҳазрат Мирзо Масрур Аҳмад шундай деб айтди:
“Ислом дини бебошликни қўллаб, унга ҳаво беришнинг ўрнига уни жиловлаш керак деб ўргатади”.
Заифлашиб бораётган дунё тинчлиги ҳақида фикр қилиб, Ҳазрат Мирзо Масрур Аҳмад шундай деб айтди:
“Кичик даражадаги майда-чуйда тўс-тўполонлар энди халқаро ғалаёнларга айланиб бормоқда. Илгари мен дунёдаги адолатсизлик бизни ядровий урушни кўзлаб туртмоқда деб айтганимда, кўплаб давлатларнинг расмийлари, кузатувчилари ва сиёсатчилари бу киши ўта йироқ нарсаларни айтмоқда ва умидсизлантирмоқда деб айтишган. Шундай бўлса ҳам, ҳозир улар ўзлари ядровий уруш яқинлашиб, қандайдир бир нарса бўлиши мумкин деб айтишмоқда”.
У киши шундай деди: мусулмон жамиятлари ҳам, йирик кучлар ҳам дунёнинг тинчлигини сақлаш учун ўзгача бир роль ўйнаши керак эди.
У киши медиадаги нима учун баъзи бир давлатлар бегуноҳ инсонлар ўлдиририлаётган урушлар билан шуғулланаётган миллатларга қурол-яроқ сотишмоқда деган савол берилган мухбир хабарларини мисол қилди.
Ҳазрат Мирзо Масрур Аҳмад шундай деди:
“Бир ёқдан мусулмон жамиятлари адолат қила олмай қолган, иккинчи ёқдан баъзи бир ривожланган давлатлар қурол-яроқ сотиш савдосини тинчликни ўрнатишдан юқори қўйишган. Агар улар адолат ва ростгўйлик билан иш тутганда, бугунги кунда дунё дуч келган хавфли вазият ўзгариб кетган бўларди. Ачинарлиси, шахсий манфаатлар икки томонни сўқир қилиб қўйган”.
У киши қуйидагича сўзлар билан ўз фикрини якунлади:
“Ислом динининг ҳақиқий ва тинчлик таълимотларининг фойдаларидан дунёни огоҳлантириш – бу Аҳмадий мусулмонларнинг бурч ва вазифаси. Бунинг учун Аллоҳ таоло бизга куч-қувват берсин ва дунёга ҳам ақл-фаросат ато этсин”.
Якуни
Қўшимча маълумот учун: press@ahmadiyya.org.uk
Манзил: 22 Deer Park Road, London, SW19 3TL UK
Tel/Fax: 020 8544 7613 Mob: 077954 90682
Email: press@ahmadiyya.org.uk
Press Secretary AMJ International
(Халқаро Аҳмадия Мусулмон Жамоати редакцияси котиби)