Ҳазрат Мирзо Масрур Аҳмад Голландия Жалса Солонасини очиб бердилар
2019-йилнинг 27-сентябрида Голландиядаги Аҳмадия Мусулмон Жамоатининг 39-Жалса Солонаси (Йиллик Йиғилиш) Аҳмадия Мусулмон Жамоатининг Бутун дунё Раҳнамоси, Масийҳи Мавъуд ва Имом Маҳдий – Ҳазрат Мирзо Ғулом Аҳмад (алайҳиссалом)нинг 5-Халифаси Ҳазрат Мирзо Масрур Аҳмад (Аллоҳ таоло у зотга Ёрдамчи бўлсин) Нанспит шаҳрида ўқиган жума хутбалари билан бошланди.
Хутбадан олдин Ҳазрат Аҳмадия Мусулмон Жамоати Байроғини (Ливо-э-Аҳмадият) ҳилпиратиб, расмий ҳолда уч кунлик тадбирни очиб бердилар, шунингдек, Голландиянинг Миллий Байроғи ҳам кўтарилган.
Ўз жума хутбаларида Ҳазрат Аҳмадий мусулмон сифатида юкланган бурчларни амалга ошириш борасида сўз юритиб, Жалса Солона Ислом таълимотларига эргашиб, инсонга қандай қилиб ўзини поклаш учун ҳаракат қилишга имконият беришини айтиб ўтдилар.
Ҳазрат Мирзо Масрур Аҳмад Голландиядаги Аҳмадия Мусулмон Жамоати ҳақида фикр юритиб, сўнгги кунларда унинг қандай ўсиб-ривожланганини айтиб бердилар.
Ҳазрат Мирзо Масрур Аҳмад шундай дедилар:
“Сўнгги бир неча йилларда Голландиядаги Аҳмадия Мусулмон Жамоати уч баробар кўпайиб кетди. Аксар одамлар Покистондан кўчиб келишди ва бир талай одамлар Аҳмадия Мусулмон Жамоатига янгитдан аъзо бўлиб киришди”.
Ҳазрат Мирзо Масрур Аҳмад шундай деб давом этдилар:
“Ёдингизда бўлсинки, Жамоат аъзоларининг ёки тарғибот марказларининг кўпайиши ёхуд масжидларнинг қурилиши уларнинг ҳақиқий мақсад-муддаолари адо этилгандагина ёрдам бера олади. Демак, бу ерда яшаган ҳар бир Аҳмадий мусулмон ўзини таҳлил қилиши керак ва биз Масийҳи Мавъуд ва Имом Маҳдий (алайҳиссалом)ни тан олган инсон сифатида адо этадиган ўша мақсад-муддаоларни синчиклаб, англаб етмоғи лозим”.
Ҳазрат кўп Аҳмадий мусулмонлар ўзларининг диний эркинлиги поймол этилгани боис Покистондан Ғарбга кўчиб келганлар, дея изоҳладилар. Ҳазрат Аҳмадий мусулмонлар фақатгина диний эркинликка эришиш билан чекланмаслиги лозим, аксинча “руҳоний, илмий ва одоб-ахлоқ жиҳатидан” ўзларининг ҳолатларини яхшилаштириш учун ҳаракат қилишлари керак, деб айтдилар.
Ҳазрат Мирзо Масрур Аҳмад шундай дедилар:
“Кўплаб Аҳмадий мусулмонлар, айниқса, Покистонда диний эркинлик йўқлиги боис бу ерга келганлар. Аҳмадий мусулмонлар Севимли Пайғамбаримиз Муҳаммад (саллаллоҳу алайҳи ва саллам) олдиндан айтган пешхабарлари ва кўрсатмалари асосида Замон Имомини қабул қилганлари учун дин номи билан тазйиқларга олиниб, уларнинг ҳақ-ҳуқуқлари поймол этилмоқда”.
Ҳазрат Мирзо Масрур Аҳмад шундай деб давом этдилар:
“Покистонда дуч келинган тазйиқлардан қутилиб, ҳозир эркин ҳаёт кечираётган ҳар бир Аҳмадий мусулмон илгаригидан-да кўпроқ Аллоҳга шукр қилгувчи бўлиб, бутунлай Масийҳи Мавъуд ва Имом Маҳдий (алайҳиссалом) Жамоатининг аъзоси бўлиш бурчларини адо этишга киришишлари лозим. Сизлар руҳоний, илмий ва одоб-ахлоқ жиҳатидан ўзингизни яхшилашга ҳаракат қилишларингиз керак. Биз диний тазйиқлардан озод бўлиб қолдик, дебгина розичилик билдирмаслигингиз керак”.
Ҳазрат турли вазифаларни бажариш ва Аллоҳ таолонинг ризосига муносиб бўлиш мақсадида ана шундай қилиш муҳим эканлигини такрорлаб ўтдилар.
Ҳазрат Мирзо Масрур Аҳмад шундай дедилар:
“Агар бизнинг амалларимиз Аллоҳ таолонинг буйруқларига мувофиқ бўлмаса, агар биз ўзимизда каттароқ ва яхшироқ ўзгаришларни яратишга ҳаракат қилмасак, шунингдек, Аллоҳ ва Унинг Пайғамбари (саллаллоҳу алайҳи ва саллам)га юксак муҳаббатни изҳор қилмасак, у ҳолда мана шундай эркинликнинг қандай фойдаси бор? Унда мана бундай йиғилишларда қатнашиш ва масжидларни қуришнинг нима ҳожати бор? Биз Масийҳи Мавъуд ва Имом Маҳдий (алайҳиссалом) Жамоатига кирганларга доир бурчларни адо этганимиздагина ушбу эркинликлар наф олиб келади”.
Ҳазрат Мирзо Масрур Аҳмад Масийҳи Мавъуд ва Имом Маҳдий (алайҳиссалом) Жалса Солона Аҳмадия Мусулмон Жамоати аъзоларининг одоб-ахлоқ ва руҳоний меъёрларини яхшилаштириш манбаи бўлишини истаганларини айтдилар.
Ҳазрат Мирзо Масрур Аҳмад шундай дедилар:
“Аллоҳ таоло томонидан келган буйруқлар асосида Масийҳи Мавъуд ва Имом Маҳдий (алайҳиссалом) бизда яхши ўзгаришлар пайдо бўлиши учун ушбу Жалсаларга асос солган эдилар. Диний ишларни дунёвий ишлардан устун қўйишимиз учун, ўз қалбларимизда Аллоҳ таолога бўлган муҳаббат ва Севимли Пайғамбаримиз Муҳаммад (саллаллоҳу алайҳи ва саллам)га бўлган муҳаббатни ҳосил қилиш учун Жалсалар уюштирилган. Бизнинг диний, одоб-ахлоқ ва интелектуал меъёрларимизни яхшилаш учун ва бу мақсадларга асосан ўсиб-ривожланиш учун барча саъй-ҳаракатларимизни сарфлаш учун ушбу Жалсалар бошланган”.
Ҳазрат Аҳмадий мусулмонлар ўз ҳаётларини мана шундай ўтказишлари керак деганларининг маъноси “Севимли Пайғамбаримиз Муҳаммад (саллаллоҳу алайҳи ва саллам) ва Аллоҳ таолога бўлган муҳаббатлари уларнинг қалбларини қамраб олиши керак”, деб изоҳладилар.
Масийҳи Мавъуд ва Имом Маҳдий (алайҳиссалом) ёзганларидан Севимли Пайғамбаримиз Муҳаммад (саллаллоҳу алайҳи ва саллам)га бўлган муҳаббатни ривожлантириш борасидаги бир иқтибосни келтириб, Ҳазрат Мирзо Масрур Аҳмад шундай дедилар:
“Севимли Пайғамбаримиз Муҳаммад (саллаллоҳу алайҳи ва саллам)га бўлган муҳаббатингиз бошқа барча одамларга бўлган муҳаббатингиздан юқорироқ бўлиши керак, чунки у орқалигина сизлар Аллоҳ таолога етишишингиз мумкин. У зот (саллаллоҳу алайҳи ва саллам) аҳкомларига бўйсуниб, у зот намуналарига тақлид қилиш йўли билангина инсон Худога етишиши мумкин. Энди Севимли Пайғамбаримиз Муҳаммад (саллаллоҳу алайҳи ва саллам) орқалигина бир инсоннинг дуолари қабул бўлиши мумкин ва ҳақиқий шафоатга эришиши мумкин”.
Хутбани якунлаётиб, Ҳазрат иштирокчиларни яна бир марта улар ўзларининг ҳаётий мақсадларига, шунингдек, Жалсага қатнашиш мақсад-муддаоларига эътибор беришлари лозим, дея огоҳлантирдилар.
Ҳазрат Мирзо Масрур Аҳмад шундай дедилар:
“Барчамиз бу ерда бўлиб ўтаётган уч кунлик йиғилишнинг мақсад-муддаосига эътибор беришимиз керак. Биз ушбу руҳоний муҳитдан фойда олиб, ўз амалларимизни яхшилашга, ёмонликларимиздан қутилишга ҳаракат қилишимиз керак, шунигдек, бу кунларда Аллоҳ таолони зикр этиб, ўз ибодатларимиз билан бирга тавба қилмоғимиз лозим. Агар ана шундай ўй-фикримиз бўлмаса, у ҳолда мана бундай йиғилишларга ташриф буюриш қуруқ-бефойда бўлиб ҳисобланади”.
Ниҳоясида Ҳазрат Мирзо Масрур Аҳмад шундай дедилар:
“Жалсанинг бу кунлари бизнинг ибодатимиз меъёрларини яхшилаш ва бундан буён уни мунтазам равишда сақлашга ёрдам берсин. Аллоҳ таоло ва Унинг Пайғамбари (саллаллоҳу алайҳи ва саллам)га бўлган муҳаббатимизни оширгувчи бўлайлик. Дунё осойишталиклари ва фаровонликлари ҳеч қачон бизни қамраб олмасин”.
Якуни
Қўшимча маълумот учун: press@ahmadiyya.org.uk
Манзил: 22 Deer Park Road, London, SW19 3TL UK
Tel/Fax: 020 8544 7613 Mob: 077954 90682
Email: press@ahmadiyya.org.uk
Press Secretary AMJ International
(Халқаро Аҳмадия Мусулмон Жамоати редакцияси котиби)