Аҳмадия Мусулмон Жамоатининг Раҳнамоси иймонларни кучайтирувчи мурожаат қилиб, барча мамлакатларни тинчликни ўрнатишга чорлади
Канададаги Аҳмадия Мусулмон Жамоатининг 40-Жалса Солонаси (Йиллик Йиғилиш) 2016-йилнинг 9-октябрида якшанба куни Аҳмадия Мусулмон Жамоатининг Бутун дунё Раҳнамоси, Масийҳи Мавъуд ва Имом Маҳдий – Ҳазрат Мирзо Ғулом Аҳмад (алайҳиссалом)нинг 5-Халифаси Ҳазрат Мирзо Масрур Аҳмад (Аллоҳ таоло унга Ёрдамчи бўлсин) қилган иймонларни кучайтирувчи мурожаати билан ниҳоясига етди.
Миссиссогада жойлашган Халқаро Марказда бўлиб ўтган Жалса Солонага 32 давлатдан келган 25.000дан зиёд одамлар иштирок этди.
Унга қатнашган минглаб Аҳмадий мусулмонлардан ташқари кўплаб ғайриаҳмадий мусулмонлар ва ғайримусулмон меҳмонлар ҳам иштирок этишди. Аталган тадбирнинг барчаси Халқаро МТА ва интернетдан бевосита эфир орқали ҳам намойиш этилди.
Ўзининг сўнгги мурожаатида Ҳазрат Мирзо Масрур Аҳмад шундай деди: Ислом дини барча инсонлар ва миллатлар орасидаги тенг ҳуқуқлиликни ривожлантириш йўли билан тинчликка асосланади.
У киши шундай деди: Ислом динининг мухолифлари уни экстремист дини сифатида кўрсатиб келишмоқда, ҳақиқатда эса, Ислом динининг таълимотлари халқаро тинчлик ва сабрлиликнинг манбаи бўлиб, барча инсонлар учун дин танлаш ва ўй-фикр эркинлигига кафолат беради.
Замонавий дунёда дин қандай кузатилаётганлиги ҳақида сўзлаб, Ҳазрат Мирзо Масрур Аҳмад шундай деди:
“Бугунги кунда кўпчилик одамлар динни ўзгача бир аҳамияти йўқ нарса деб ўйлашади ва ўсиб-ривожланиш учун диний эътиқод ҳамда амаллардан узоқ юриш керак деб ишонишади. Ҳақиқатда, ривожланган давлатлар орасида яшаган одамлар динни аста-секинлик билан бугунги кунда биз кўриб турган тўс-тўполон ва бебошликнинг туб сабаби сифатида қарашади. Шундай бўлса ҳам, улар инсон боласи асосий одоб-ахлоқ ва қадриятларни дин орқалигина ўрганган деб тан олишади”.
Ҳазрат Мирзо Масрур Аҳмад шундай деб давом этди:
“Дунёда одоб-ахлоқларнинг йўқолиши ва динга бўлган қизиқишнинг сусайиши қуйидагича ҳақиқатни билдиради: давлатлар раҳбарлари ва уларнинг диний уламолари ўзларининг шахсий манфаатларини диний таълимотлардан устун қўйишади. Ҳақиқий диний таълимот ва қадриятлар бузилиб кетди ва бу нарса инсонларни диндан узоқлаштириб юборган”.
У киши шундай деди: Аллоҳ таолони ўрганиш ва Унинг бандаларига хизмат қилиш зарурияти – бу Ислом дини таълимотларининг пойдеворидир.
Ҳазрат Мирзо Масрур Аҳмад шундай деди:
“Масийҳи Мавъуд ва Маҳдий – Ҳазрат Мирзо Ғулом Аҳмад (алайҳиссалом) Ислом дини таълимотларини қуйидагича икки қатор билангина хулосалаган: Ислом дини мусулмонлардан Аллоҳ таолонинг ҳақ-ҳуқуқларини адо этиб, ўзларини Унга топширишни ва Аллоҳ таоло бандаларининг ҳақ-ҳуқуқларини адо этиб, ўзгаларга севги ва меҳрибонлик билан муомала қилишни талаб қилади. Албатта, ҳар бир дин ўзининг туб кўриниши бўйича ана шуларнигина ўргатган. Демак, дин дунёда бебошлик ва тўс-тўполонни тарқатишнинг сабабчиси, деб айтиш мумкинми?!”
Ҳазрат Мирзо Масрур Аҳмад шундай деб давом эттирди:
“XX асрда бўлган икки Жаҳон Уруши сабабчиси дин эдими? Ёки ўша ёвуз урушлар қудратли бўлишга, ер тортиб олишга, гео-сиёсий манфаатларга эришишга ва очкўзликка асосланган эмасмиди?!”
У киши шундай деди: мусулмон жамоатлар ҳам, йирик кучлар ҳам дунё тинчлигини остин-устин қилишда роль ўйнаган. У киши қурол-яроқларни сотиш бунга очиқ-ойдин мисол эканини айтди.
Ҳазрат Мирзо Масрур Аҳмад шундай деди:
“Битта ҳам мусулмон жамоат улар эгаллаган чиройли қуролларни яратиш салоҳияти мавжуд мамлакат эмас. Аксинча, ривожланган жамоатлар ва иқтисодий кучлар хавфли қуролларни ишлаб чиқиб, мусулмон жамоатларга сотишмоқда. Баъзи бир давлатлар ҳокимиятларга сотишади ва баъзи бир давлатлар эса ана шу жамоатлар ичидан чиққан элементларга сотишади. Масалан, Саудия Арабистони Ғарбдан сотиб олган қурол-яроғларни Яман номли кичик ва ночор жамоатни остин-устин қилиш учун фойдаланмоқда”.
Ҳазрат Мирзо Масрур Аҳмад шундай деб давом этди:
“Баъзи бир ғайримусулмон кучлар ўзларининг шахсий манфаатларига эргашиб, мақсад-муддаосини кўзлаб, адолатсизлик билан ҳам иш юритаётган бўлади ва бу нарса турли давлатларда бебошлик ва нотинчликни пайдо қилиши мумкин. Демак, бугунги кундаги тўс-тўполон ва урушларнинг туб ва ҳақиқий сабаби – бу адолатсизликдир”.
Жалса Солона Замон Халифаси олиб борган дуо билан якунланди.
Шундан сўнг Замон Халифаси Канададаги Аҳмадия Мусулмон Жамоати томонидан Жалса Солонага қатнашган ҳурматли меҳмонлар учун уюштирилган зиёфатга келиб қўшилди.
У киши Жалса Солонага унинг дастлабки икки кунида ҳам мурожаат қилди. Жума куни у киши Ливо-э-Аҳмадиятни (Аҳмадият байроғи) ҳилпиратиш билан Жалса Солонани очди, сўнгра ўз ҳафталик жума хутбасини ўқиди.
Шанба куни Замон Халифаси Лажна Имоиллоҳнинг (Аёлларнинг тармоқли уюшмаси) аъзоларига Ислом динида аёлларнинг роли тўғрисида мурожаат қилди. У киши шундай деди: ҳеч бир Аҳмадий мусулмон аёл ҳижобга кирганда, ўксинмаслиги ёки тортинмаслиги лозим. У киши ҳижоб мусулмон аёлнинг ор-номуси ва ҳурмат-эҳтиром белгиси эканини айтди.
Жалса Солонада Аҳмадия Мусулмон Жамоатининг турли аъзолари томонидан бир талай бошқа маърузалар ҳам уюштирилди.
Бир тўп меҳмонлар, улар қаторида Торонто шаҳрининг мэри Жон Торе ҳам аталган тадбирда чиқиш қилишди.
Якуни
Қўшимча маълумот учун: press@ahmadiyya.org.uk
Манзил: 22 Deer Park Road, London, SW19 3TL UK
Tel/Fax: 020 8544 7613 Mob: 077954 90682
Email: press@ahmadiyya.org.uk
Press Secretary AMJ International
(Халқаро Аҳмадия Мусулмон Жамоати редакцияси котиби)