Аҳмадия Мусулмон Жамоати Раҳнамоси “Байтул-Футуҳ” масжидининг янги Бошқарув Блогига тамал тошини қўйдилар

Аҳмадий Мусулмон Жамоати ёнғин сабаб ёниб кетган бошқарув блогини қайтадан қурмоқда

2018-йилнинг 4-мартида Аҳмадия Мусулмон Жамоатининг Бутун дунё Раҳнамоси, Масийҳи Мавъуд ва Имом Маҳдий – Ҳазрат Мирзо Ғулом Аҳмад (алайҳиссалом)нинг 5-Халифаси Ҳазрат Мирзо Масрур Аҳмад (Аллоҳ таоло у зотга Ёрдамчи бўлсин) Лондонга қарашли Морден номли жойдаги “Байтул-Футуҳ” масжиди биносида янги бошқарув блогига тамал тошини қўйдилар.

Турли мақсадда фойдаланиладиган саройлар, идоралар ва тунаб-яшаш хоналарини ўз ичига қамраган бошқарув блоги, 2015-йилнинг сентябрида ёнғин чиққанидан сўнг катта зарар келтирган жойлар қайтадан қурилмоқда.

Мазкур масжидда Аср намозига имомлик қилгандан сўнг Ҳазрат Мирзо Масрур Аҳмад у ерга тамал тошини қўйдилар.

Шундан сўнг Ҳазратнинг муҳтарама завжаси Ҳазрат Аматул Субуҳ хоним, шунингдек, Аҳмадия Мусулмон Жамоатининг марказий ва миллий вакиллари ҳам дастлабки тошларни қўйишди.

Мазкур тадбир Ҳазрат Мирзо Масрур Аҳмад олиб борган дуо билан якунланди.

2015-йилнинг октябрида ёнғин чиққанидан сўнг ўқиган жума хутбаларида Ҳазрат Мирзо Масрур Аҳмад шундай деб айтган эдилар:

“Сабр-бардошнинг ҳақиқий маъносини тушуниш ҳар бир оқил мўмин-мусулмон учун зарур. Сабр – бу кўрган зарарга инсон боласининг афсусланиши ёки қайғуриши ҳам мумкин эмас деган маънони билдирмайди. Аксинча, унинг маъноси шу – у қандайдир бир қийинчилик ёки зарар кўрганда, уларни ўзига ортиб, ўз эс-ҳуши ва умидини йўқотмаслиги лозим”.

Ҳазрат Мирзо Масрур Аҳмад шундай деб давом этадилар:

“Албатта, баъзи пайтларда, афсусланиш ҳам табиий ҳол, бироқ шу билан бирга, келажакда инсон улкан юксакликларга эришиш мақсадида ўзини қўлга олиши ва мустаҳкам қарорга келиш учун ҳаракат қилиши лозим. Шундай қилиб, бу синовга дуч келганимизда, биз сабр билан Аллоҳ таоло ҳузурида саждага йиқилиб, ушбу вазиятдан ўтишга аҳд қилишимиз  ва ўз амалларимиз билан исботлашимиз керак”.

Ҳазрат Мирзо Масрур Аҳмад шундай дедилар:

“Мен бунга қадар айтганимдек, ёнғин бўлган пайтда кўп зарар етган эди. Шундай бўлса ҳам, Худо хоҳласа, биз тез орада яхшироқ ва кўркамроқ бинони қуриб, чин дилдан “Субҳоноллоҳ” (Аллоҳ – Пок) ва “Мошоллоҳ” (Аллоҳ хоҳиши билан) деб айтувчи инсонлардан бўламиз”.

Қайта қурилиш ишлари бироз вақтдан сўнг бошланади ҳамда қурилиш бутунлай тамомланиб, икки йил ичида фаолият юритиши кутилмоқда.

Якуни

Қўшимча маълумот учун: press@ahmadiyya.org.uk

Манзил: 22 Deer Park Road, London, SW19 3TL UK

Tel/Fax: 020 8544 7613 Mob: 077954 90682

Email: press@ahmadiyya.org.uk

Бош саҳифа

Press Secretary AMJ International

(Халқаро Аҳмадия Мусулмон Жамоати редакцияси котиби)