Англия, Германия ва Канададаги Жомия Аҳмадиянинг қўшма диплом топшириш маросими бўлиб ўтди

43 нафар битирувчи Аҳмадия Мусулмон Жамоати Раҳнамоси қўлларидан “Шоҳид” номли дипломни қабул қилишди.

Аҳмадия Мусулмон Жамоати жуда катта қувонч билан қуйидагиларни билдиради: 2018-йилнинг 25-мартида Англиядаги Жомия Аҳмадиянинг 6-диплом топшириш маросими, Канададаги Жомия Аҳмадиянинг 7-диплом топшириш маросими ва Германиядаги Жомия Аҳмадиянинг 3-диплом топшириш маросими Суррейга қарашли Ҳейзлмирда жойлашган Англия колледжи биносида бўлиб ўтди.

Аҳмадия Мусулмон Жамоатининг Бутун дунё Раҳнамоси, Масийҳи Мавъуд ва Имом Маҳдий – Ҳазрат Мирзо Ғулом Аҳмад (алайҳиссалом)нинг 5-Халифаси Ҳазрат Мирзо Масрур Аҳмад (Аллоҳ таоло у зотга Ёрдамчи бўлсин) мазкур маросимга раислик ва тарихий мурожаат қилдилар.

Мазкур маросимда Англиядаги Жомия Аҳмадиянинг 18 битирувчисига, Канададаги Жомия Аҳмадиянинг 14 битирувчисига ва Германиядаги Жомия Аҳмадиянинг 11 битирувчисига “Шоҳид даражали” гувоҳномаси Ҳазрат Мирзо Масрур Аҳмад томонидан топширилди, шунингдек, улар расмий турда Аҳмадия Мусулмон Жамоатининг тарғиботчи ва имомлари бўлиб қолишди.

Дипломларни топширгандан сўнг Ҳазрат Мирзо Масрур Аҳмад иймонларни кучайтирувчи мурожаат қилиб, у зот ёш имомларга улар Ислом динига хизмат қилиш мақсадида ўз ҳаётларини бағишлаш каби ваъдасини бажаришлари лозим, деб огоҳлантирдилар.

Ҳазрат Мирзо Масрур Аҳмад шундай дедилар:

“Сизлар ўз динингизга хизмат қилиш учун динга бағишлаган ҳаётингизнинг мақсади нима? Бу – Масийҳи Мавъуд ва Имом Маҳдий (алайҳиссалом)нинг миссиясини адо этиш учун имкони борича ҳаракат қилишларингиздир. Демак, ҳаётингизнинг ҳар бир лаҳзасида бунга эришиш учун қаттиқ ҳаракат қилишларингиз зарур. Ёдингизда бўлсин, Ислом динининг ҳақиқий таълимотларини қайтадан жонлантириш, Аллоҳ таоло Тавҳидини (Ёлғизлигини) ўрнатиш ва Севимли Пайғамбаримиз (саллаллоҳу алайҳи ва саллам)нинг ҳаққоний пайғомини бутун дунёга тарқатиш Масийҳи Мавъуд ва Имом Маҳдий (алайҳиссалом)нинг миссияси бўлган”.

Ҳазрат шундай дедилар: жамоатчилик материализм ва даҳрийликни кўзлаб кетиб бормоқда. У зот шундай дедилар: ушбу вазиятни ортга қайтариш ёш имомлар учун замоннинг ўта долзарб муаммосидир.

Ҳазрат Мирзо Масрур Аҳмад шундай дедилар:

“Инсонларни қайтадан Аллоҳ таоло томон олиб бориш билан уларни сақлаб қолиш сизларнинг бурчингиз бўлиб ҳисобланади. Бу мақсадга эришиш учун ҳаётингизни динга бағишлаган эдингиз, бунинг учун барча имкониятингиз ва куч-қувватингизни ишга солишингиз лозим. Ёдингизда бўлсин, бу қандайдир бир осон иш эмас, шунинг учун астойдил ҳаракатланишингиз керак ва ўз фаолиятингизда қоқилмаслигингиз лозим”.

Ҳазрат шундай дедилар: энг биринчи ва энг асосий нарса, имомлар Аллоҳ таоло билан бўлган шахсий алоқаларини тинимсиз ривожлантириб туришлари зарур.

Ҳазрат Мирзо Масрур Аҳмад шундай дедилар:

“Масийҳи Мавъуд ва Имом Маҳдий (алайҳиссалом) бизнинг ишларимиз дуолар билангина амалга ошади, деб очиқ-ойдин айтганлар ва Аллоҳ таоло билан алоқа-восита бўлгандан сўнггина инсон ҳаққоний дуо қила олади. Демак, ўзингизни ислоҳ қилиб-тузатиб ва ривожлантириш учун ўзгача бир алоҳида жиҳод қилишларингиз зарур”.

Ҳазрат янги битирувчиларнинг эътиборини инсоннинг айтгани билан амали ўртасидаги мутаносибликнинг муҳимлигига қаратиб, сизларнинг айтганларингиз сизларнинг амалларингизга мувофиқ келиши зарур, деб айтдилар.

Ҳазрат Қуръони Каримнинг 61-сураси 4-оятини ўқиб, ўз фикрларига изоҳ бердилар, у оят қуйидагича:

“Ўзларингиз қилмайдиган нарсаларингизни гапиришларингиз Аллоҳ таоло наздида жуда катта гуноҳдир”.

Ҳазрат шундай дедилар: ўзларининг шахсий ҳаётларида энг аъло одоб-ахлоқларни намоён этиш имом-хатибларнинг бурчи бўлиб ҳисобланади.

Ҳазрат Мирзо Масрур Аҳмад шундай дедилар:

“Оила аъзоларингиз билан муомала қилаётганингизда, одоб-ахлоқларнинг энг олий намунасини кўрсатишингиз лозим. Агар сизлар оилавий муаммоларни қандай ҳал қилишимиз керак, шунингдек, аёллар ўртасида ва болалар билан яхши алоқа-воситани қандай ўрнатишимиз лозим, деб мурожаат қилаётган бўлсангиз, бироқ айни дамда ўзингиз айтаётганингизга амал қилмасангиз, у ҳолда айтганингиз зое кетади ва у умуман ўз таъсирини кўрсатмайди. Шунинг учун имом-хатиб бўлиш сизларга ўзгача бир муҳим юк ва ўзгача бир катта масъулият юклайди”.

Дуоларнинг қанчалик муҳим эканини айтиб, Ҳазрат Мирзо Масрур Аҳмад шундай дедилар:

“Бугунги кунда дунё Аллоҳ таоло билан жонли мулоқотда бўлганларга ва Унинг яратганига ғамхўр бўлган одамларга муҳтож бўлмоқда. Дунё инсонларни материализм жарига қулаб тушишдан сақлайдиган одамларга муҳтож. Бунга эришиш учун биз ялиниб-ёлвориш ҳолатида бўлган дуоларнинг кучига таянишимиз лозим”.

Ҳазрат раҳм-шавқат ва меҳрибонликнинг аҳамиятини изоҳлаб, барча инсонларга яхшилик тилаш Ислом динининг ажралмас бир қисми эканини айтдилар.

Ҳазрат Мирзо Масрур Аҳмад шундай дедилар:

“Кўплаб ёмонликлар ва фалокатлар одамларнинг бошқалар ҳақида ёмон ўйга боришидан келиб чиқади. Гарчи бошқалар сизлар ҳақингизда ёмон ўйга боришса ҳам, сизлар уларга ана шундай ҳолатда жавоб қайтармаслигингиз лозим. Унинг ўрнига сизлар улар ҳақида тўғри ўйгагина боришингиз керак ва ҳикмат билан уларга йўл кўрсатишингиз зарур, натижада улар ўз ҳолатларининг нотўғри эканлигини сезиб, ўз қалбларидаги бор нарсанинг ёмон ўй эканини билиб олишсин. Сизларнинг ўз қалбларингиз бошқалар ҳақида яхши ўйларга тўлгандан сўнггина мана шундай бўлиши мумкин”.

Ўз мурожаатларини якунлаётиб, Ҳазрат шундай деб дуо қилдилар:

“Аллоҳ таоло сизларга чин дилдан ва ихлос билан Ислом дини учун бағишлаган ҳаётингиз мақсадларини адо этишга куч-қувват берсин. Аллоҳ таоло сизларни ўз эътиқодларини барча дунёвий ишлардан устун қўядиганларнинг тирик мисолига айлантирсин”.

Яна биргаликда тушган суратлар

 

Якуни

 

Қўшимча маълумот учун: press@ahmadiyya.org.uk

Манзил: 22 Deer Park Road, London, SW19 3TL UK

Tel/Fax: 020 8544 7613 Mob: 077954 90682

Email: press@ahmadiyya.org.uk

Бош саҳифа

Press Secretary AMJ International

(Халқаро Аҳмадия Мусулмон Жамоати редакцияси котиби)