“Бизнинг динимиз одамларни ҳеч қачон куч қўллаб ёки қўрқитиш билан эмас, аксинча, меҳрибонлик ва муросалар орқали бирлаштиришга чорлайди”, – Ҳазрат Мирзо Масрур Аҳмад.
Аҳмадия Мусулмон Жамоати жуда катта қувонч билан қуйидагиларни билдиради: 2018-йилнинг 12-майида Аҳмадия Мусулмон Жамоатининг Бутун дунё Раҳнамоси, Масийҳи Мавъуд ва Имом Маҳдий – Ҳазрат Мирзо Ғулом Аҳмад (алайҳиссалом)нинг 5-Халифаси Ҳазрат Мирзо Масрур Аҳмад (Аллоҳ таоло у зотга Ёрдамчи бўлсин) Англиянинг Уэст-Мидлендс минтақасига қарашли Уолсолл шаҳрида “Байтул-Муқийт” (Энг Кучли Аллоҳнинг Уйи) масжидини очдилар.
Муҳтарам Халифа келиб, эсдалик тахтасини очиш билан расмий турда масжидни очдилар ва Аллоҳ таолога розилик билдириб, қўл кўтариб дуо қилдилар. Шундан сўнг маҳаллий Аҳмадий мусулмонларга мурожаат этишдан олдин мазкур масжидда пешин ва аср намозларига имомлик қилдилар.
Кейинчалик мазкур масжиднинг очилишини нишонлаш мақсадида ўзгача бир мажлис ўтказилиб, мажлисга бир гуруҳ мартабали меҳмонлар иштирок этишди.
Мазкур тадбирнинг асосий қисми Ҳазрат Мирзо Масрур Аҳмад қилган тарихий мурожаат бўлиб, унда у киши кескин турда Ислом дини турли йўсиндаги терроризм ва экстремизмни ёқламайди деб айтдилар.
У киши Аҳмадия Мусулмон Жамоатига масжид қуриш учун рухсат берганлиги учун маҳаллий аҳолининг
“очиқ кўнгил ва кенг дунёқараш соҳиби”
эканлигига баҳо бердилар. Бу диний эркинликка қарши баъзи бир бошқа давлатларда Аҳмадий мусулмонлар тазйиққа учрашмоқда, улар очиқ ва эркинлик билан ўз динига ҳам амал қила олишмайди.
Ҳазрат янги масжид очилиши ҳақида маҳаллий аҳолининг онгида бўлиши мумкин бўлган хавотирларни бартараф этиш билан ўз мурожаатларини бошладилар.
Ҳазрат Мирзо Масрур Аҳмад шундай дедилар:
“Сизларнинг орангиздан айрим одамлар, хоҳ қўшниларимиздан бўлсин ёки бошқа меҳмонлар орасидан бўлсин, бу масжид борасида бироз қўрқув ва хавортирланиш ҳиссига эга бўлиши мумкин. Сизлар бу жамиятда бўлиниш уруғини сепиш ёки турли гуруҳлар ўртасида тўқнашувларни кучайтиришга қўлланилади деб ўйлашингиз мумкин”.
Ҳазрат Мирзо Масрур Аҳмад шундай деб давом этдилар:
“Албатта, мен юқори баҳолайман ва бундай хавотирланишларни тушунаман, чунки биз барча инсонлар ушбу фожиали асосга гувоҳ бўлганмиз, охирги пайтларда баъзи бир номигагина мусулмон деб аталганлар бу ерда – Буюк Британияда ҳам, хорижий давлатларда ҳам, ваҳший террорчилик ишларини юргизишмоқда. Бундай ёмон қарорлар ғайримусулмонлар орасида қўрқув муҳитини яратган, айни дамда Ислом динини бадном қилишга ҳам хизмат қилмоқда”.
Ҳазрат баъзи мусулмон ёшларнинг экстремистик гуруҳларга қўшилиш учун Уолсоллдан хорижга кетишганлиги ҳақида ҳам айтилади, дедилар.
Экстремистик гуруҳларга қўшилиш мақсадида хорижга кетган мусулмонларга ишора қилиб, Ҳазрат Мирзо Масрур Аҳмад шундай дедилар:
“Балки, улар биз Ислом динини ҳимоя қилиш мақсадида жанг қилгани кетмоқдамиз деб ўйлаган бўлишлари мумкин, бироқ ҳақиқатда улар қилаётган хоинликлар ва бадкирдорликлари Ислом динининг покиза таълимотларини бутунлай бадном қилишда ҳамда улар вакилимиз деб атаган динидан бутунлай бехабар эканини далилламоқда”.
Ҳазрат Севимли Пайғамбаримиз Муҳаммад (саллаллоҳу алайҳи ва саллам) даврида мусулмонлар қилган жанглар “агрессив ёки ерларни фатх қилиш” учун қилинмаганлиги, аксинча, “диний эркинлик” деган халқаро тамойилни ҳимоя қилиш учун охирги чора сифатида қилинган мудофаа жанглари эканини тушунтирдилар.
Ҳазрат Мирзо Масрур Аҳмад шундай дедилар:
“Қуръони Карим очиқ-ойдин барча эътиқодлар ва барча динлардаги инсонларни ҳимоялаш, шунингдек, барча ибодат қилинадиган жойларнинг муқаддаслигини сақлаб қолиш мусулмонларнинг бурчи эканини айтганлар. У эътиқод эркинлигини Исломнинг ажралмас ва муҳим тамойили деб тасдиқлайди”.
Ҳазрат Мирзо Масрур Аҳмад шундай деб давом этдилар:
“Агар орангиздан кимдир биров ушбу масжид раҳмсизлик ва бағри тош одамлар билан тўлган экстремизм маркази бўлади, деб қўрқаётган бўлса, унда мен бошидаёқ сизларни ишонтириб кетайин. Бизнинг динимиз одамларни ҳеч қачон куч қўллаш ёки қўрқитиш билан эмас, аксинча, меҳрибонлик ва муроса (диалог) орқали бирлаштиришга ундайди. Ислом дини бутунлай экстремизм ва терроризмнинг барча кўринишларини рад этади. Бу масалада ҳеч қандай ноаниқлик ёки шак-шубҳа йўқ”.
Ҳазрат Қуръони Карим Аллоҳ таолони бутун жонзотга ризқ берувчи “Бутун оламларнинг Эгаси” эканини айтганини тушунтирдилар. Шунинг учун ҳақиқий мусулмонлар ғайримусулмонларга нисбатан ҳеч қандай хоинлик ёки адолатсизлик қилиши мумкин эмас.
Ҳазрат масжидларнинг барча тинчликсевар одамлар учун очиқ эканини, шунингдек, тинчлик ва бирдамлик белгиси сифатидаги фаолият эканини ҳам айтдилар.
Ҳазрат Мирзо Масрур Аҳмад шундай дедилар:
“Масжидлар инсоният учун очиқ эканлиги Ислом динининг асосий тамойили бўлиб ҳисобланади ва Аллоҳ таоло инсонларни масжидга киришдан ман этиш бераҳмлик ва адолатсизлик эканини айтган”.
Ҳазрат Мирзо Масрур Аҳмад бундай деб қўшимчаладилар:
“Мен ҳақиқий масжидлар Худога сиғиниш учун барча одамлар учун очиқ, шунинг учун Аҳмадия Мусулмон Жамоати томонидан қурилган ҳар бир масжид эшиклари, дунёнинг қайси жойида бўлишидан қатъий назар, барча динлардаги ва эътиқодлардаги одамлар учун очиқ эканини ҳам бир карра таъкидлаб ўтаман”.
Севимли Пайғамбаримиз Муҳаммад (саллаллоҳу алайҳи ва саллам) намуналарини тавсия қилиб, Ҳазрат Мирзо Масрур Аҳмад шундай дедилар:
“Севимли Пайғамбаримиз Муҳаммад (саллаллоҳу алайҳи ва саллам) умр бўйи инсониятни бирлаштириш ва турли жамоатлар ҳамда эътиқоддаги одамлар ўртасида кўприк қуришга ундаганлар. У эътиқодлараро диалогни истаганлар ва доимо бошқа одамларнинг ҳиссиётларини ҳеч қачон унутган эмаслар”.
Ҳазрат шундай дедилар: Севимли Пайғамбаримиз Муҳаммад (саллаллоҳу алайҳи ва саллам) ўз масжидларида ибодат қилиш учун Нажрон шаҳридан келган насроний вакилларига ўзларининг урф-одатлари ва эътиқодларига яраша рухсат берганларида, “бутун мусулмонларга итоат учун диний сабрлиликнинг абадий намунасини” қолдирганлар.
Кейинчалик Ҳазрат Аҳмадий мусулмонларнинг интеграцияга эришиш ва ўзлари яшаган жамиятларига ҳисса қўшганлари тўғрисида сўзлаб бердилар.
Ҳазрат Мирзо Масрур Аҳмад шундай дедилар:
“Аҳмадия Мусулмон Жамоати тарихи қуйидаги ҳақиқатни тасдиқлайди: яқинда маҳаллий инсонлар, биз қайси жойда масжид қуришимиздан қатъий назар, Аҳмадий мусулмонлар ибодат учун йиғилишган жойда тинчликни ёйиш учун, шунингдек, ўзларининг қўшни жамоатлари ва барча қавмларига хизмат қилиш учун ҳам йиғилишаётганини ўзлари кўриб олишади”.
Ҳазрат Мирзо Масрур Аҳмад яна шундай дейдилар:
“Бизнинг ушбу жойда бу масжидни қуриш имкониятига эга бўлишимиз бу шаҳар ва унинг аҳолисининг катта қўллови деб ўйлаймиз… Биз бу қўлловни унутмаймиз, бу ёқда яшаган инсонларга ғамхўрлик қилиш, бу аҳолига ишончли бўлиш, сизларга хизмат қилишга ҳар доим тайёр бўлиш ва керакли жойда ёрдамимиз ва кўмагимизни тавсия қилиш бизнинг диний бурчимиз деб ўйлаймиз”.
Шундан сўнг Ҳазрат шундай дедилар: Ислом динига иймон келтиргани учун Аҳмадий мусулмонлар дунё бўйлаб инсонпарварлик лойиҳалари билан шуғулланишмоқда. У зот Аҳмадия Мусулмон Жамоати Африкада мактаблар ва шифохоналар очганлигини, шунингдек, узоқ ва жуда ортда қолган қишлоқларда электр энергияси ва сув билан таъминлаётганлигини сўзлаб бердилар. У зот Аҳмадий мусулмонлар ўзларининг амалга ошираётган иш-ҳаракатлари учун ҳеч қандай мукофот ва олқишни кутмайдилар, деб айтдилар.
Ҳазрат Мирзо Масрур Аҳмад шундай дедилар:
“Ўзгаларга ёрдам бериш ва инсониятнинг жисмоний ва руҳий азоб-уқубатларини бартараф этиш бизнинг мақсадимиз ҳамда ишончимизнинг ажралмас қисми бўлиб ҳисобланади… Биз уларга яхшилик қилмоқдамиз деб ўйлаймиз, аксинча, ўзгаларга хизмат қилиш деган бурчларимизни амалга оширишимиз учун уларга ёрдам бермоқдамиз”.
Ҳазрат Мирзо Масрур Аҳмад шундай деб давом этдилар:
“Бу – ҳақиқий Ислом дини. У меҳрибонлик ва раҳм-шафқат дини, у севги-муҳаббат инсонпарварлик кучи билан бизни парчалаётган адолатсизлик деворларини қулатади”.
Ўз мурожаатларининг якунида Ҳазрат Мирзо Масрур Аҳмад шундай деб дуо қилдилар:
“Мен чин қалбдан бу масжид бутун жамоатчилик учун ёруғ минора бўлиб далиллансин, шунингдек, иттифоқ, бирдамлик ва тинчлик рамзи сифатида хизмат қилсин, деб дуо қиламан”.
Бунга қадар турли нутқловчи меҳмонлар масжид очилиши билан Аҳмадия Мусулмон Жамоатини қутлаб, саҳнага чиқишди.
Уэст-Мидлендс учун Войс Лорд-лейтенант, доктор Беверли, ОБЕ ОД шундай деди:
“Бугунги кун ҳамма қатори узлуксиз яхлитлигимизни кўрсатмоқда. Аҳмадия Мусулмон Жамоати, “Севги барчага, нафрат ҳеч кимга эмас” деган шиорингиз ҳар бир амлингизда сезилиб турмоқда”.
Бирмингемга қарашли Селли Оак минтақаси депутати Стив Мак Кейб шундай деди:
“Мен бундай фурсатдан фойдаланиб, тинчликни ривожлантириш ва йўқсилларга ёрдам кўрсатиш бўйича қилаётган намунали ишингизга баҳо бермоқчиман… Сизлар Покистонда тазйиқ ва таҳдидларга дучор бўлгансиз, бундай вазиятда ортга тисарилиш ўй-фикри пайдо бўлади, аммо Аҳмадия Мусулмон Жамоати инсонларни чорлаётган “Севги барчага, нафрат ҳеч кимга эмас” деган шиорни амалда бажариб келмоқда”.
Жануби-Ғарбий Вувергемптон депутати Элеонор Смит шундай деди:
“Аҳмадий мусулмонлар яхшилик ва ғамхўрлик ҳақида сўзлашади, мен сизларнинг Уолсолл шаҳрида бу табаррук янги масжидни очиш имкониятига эга бўлганингиздан жуда миннатдорман. Менинг шахсий кўз-қарашим бўйича Худога ишониш одамлар учун ҳам, жамият учун ҳам яхшидир”.
Уэст-Мидлендс учун бўлган депутат Билл Этеридж шундай деди:
“Аҳмадия Мусулмон Жамоати Уэст-Мидлендс аҳолиси учун кредит бўлиб ҳисобланади. Мен маҳаллий Аҳмадий мусулмонлардан яхшироқ инсонлар йўқ деб ўйлайман… Мен узоқ муддат бўйи ушбу кунни эслаб тураман ва абадул-абад Аҳмадий мусулмонларни ҳурмат қиламан”.
Расмий сессия Ҳазрат олиб борган дуо билан якунланди.
Бунга қадар маҳаллий Аҳмадий мусулмонларга қарата қилган мурожаатларида Ҳазрат Мирзо Масрур Аҳмад маҳаллий Аҳмадий мусулмонлар “Ислом динининг ҳақиқий элчилари” бўлиб, улар жамоатчиликда мавжуд Ислом дини тўғрисида нотўғри тушунчаларни бартараф этишади деган ишонч билдирдилар.
Якуни
Қўшимча маълумот учун: press@ahmadiyya.org.uk
Манзил: 22 Deer Park Road, London, SW19 3TL UK
Tel/Fax: 020 8544 7613 Mob: 077954 90682
Email: press@ahmadiyya.org.uk
Press Secretary AMJ International
(Халқаро Аҳмадия Мусулмон Жамоати редакцияси котиби)