Аҳмадия Мусулмон Жамоатининг Бутун дунё Раҳнамоси Англиядаги Мажлиси Шурога мурожаат қилдилар

Ҳазрат Мирзо Масрур Аҳмад Ислом динини ёйиш учун билим, ҳикмат ва жосурлик керак дедилар

2018-йилнинг 23-июнида Аҳмадия Мусулмон Жамоатининг Бутун дунё Раҳнамоси, Масийҳи Мавъуд ва Имом Маҳдий – Ҳазрат Мирзо Ғулом Аҳмад (алайҳиссалом)нинг 5-Халифаси Ҳазрат Мирзо Масрур Аҳмад (Аллоҳ таоло у зотга Ёрдамчи бўлсин) Англиянинг Мажлиси Шуросида иймонларни кучайтирувчи мурожаат қилдилар.

Мажлиси Шуро институти – бу Исломнинг ҳақиқий ва тинчлик таълимотларини ёйишда Аҳмадия Мусулмон Жамоати амалга ошираётган ишларни яхшилаш ва ривожлантириш учун бериладиган таклифларни муҳокама қилиш учун Аҳмадия Мусулмон Жамоати томонидан тузилган асосий кенгаш органи бўлиб ҳисобланади. Деярли 500 делегат ва махсус чақирилганлар Шурода қатнашишди.

Лондон шаҳрида жойлашган “Байтул-Футуҳ” масжиди биносига ташриф буюргандан сўнг Ҳазрат Мирзо Масрур Аҳмад икки кунлик йиғилишда 40 дақиқа нутқ сўзладилар.

Лондон шаҳрида жойлашган “Байтул-Футуҳ” масжидида делегатларга мурожаат қилиб, Ҳазрат Мирзо Масрур Аҳмад шундай дедилар:

“Шуро аъзолари сифатида сизлар ўта мўминлик билан иш-фаолият юритишингиз керак ва бизнинг ўй-фикримиз ўзгаларникига нисбатан салмоқлироқ деб ҳеч қачон ўйламаслигингиз керак. Бундай мўминона руҳ Шуронинг ўзаро ҳурмат-эҳтиром тарзида ўтишига шароит яратади ва бу нарса ижобий ўй-фикр алмашинувга ва муҳокамани юқори даражада ўтказишга олиб келади”.

Ҳазрат Мирзо Масрур Аҳмад шундай деб давом этдилар:

“Шуронинг ҳар бир аъзоси тақвосиз ҳеч нарсага эришиш мумкин эмаслигини ва усиз муҳокама ёки талашиб-тортишувнинг ҳеч қачон самарали бўлмаслигини англаб етиши лозим. Тақводорлик Аллоҳ таоло ҳар бир ўй-фикримиз ва ўй-ниятимизни билади, деб ҳар доим чин дилдан Аллоҳ таолодан қўрқишингизни талаб этади. У сизларнинг ўй-ниятингиз ижтимоий фикрларга асослангани ёки шахсий манфаатлар аралашганлиги ҳақида билади”.

Ҳазрат Шурода йил мобайнида муҳокама қилинган масалалардан бири Аҳмадия Мусулмон Жамоатининг йиллик бюджети эканини айтдилар. Ҳазрат Жамоат хайриялари тўлиғи билан Аҳмадия Мусулмон Жамоатининг аъзолари қилган молиявий қурбонликлар асосида бўлганлиги туфайли бюджет “минимум ресурс”, “максимал фойда” деган асосда иқтисодий тамойилга асосланган бўлиши керак деб айтдилар. У зот молиявий қурбонликлар қанчалик ихлос билан қилинаётганини ҳеч қачон унутмаслик лозимлигини айтдилар.

Ҳазрат Мирзо Масрур Аҳмад шундай дедилар:

“Барча вазиятларда хизматчилар ёки Аҳмадия Мусулмон Жамоатининг мол-мулкларини тақсимлаш ёки сарф қилишга масъул ходимлар қандай руҳ билан хайриялар (чандалар) тўпланганини ёдда тутишлари лозим. Кўп ҳолларда Аҳмадийлар бизнинг Жамоатимизнинг эҳтиёжлари бажарилсин деб ўзларининг шахсий эҳтиёжлари ва заруриятларини бир четга суриб, ўзларини қийин аҳволга солишади”.

Ҳазрат Мирзо Масрур Аҳмад шундай деб давом этдилар:

“Агар Аҳмадий мусулмонлар шу қадар чин дилдан қурбонликларни амалга ошириб, Аллоҳ таоло Жамоати учун шахсий мушкулотларга учрашаётган бўлса, унда хизматчилар ва бюджет ундирувчилар ҳар бир тийинни ўта эҳтиётлик билан фойдаланиш ва ҳисобга олишни таъминлашга катта эътибор бериши зарур”.

Ҳазрат Аҳмадия Мусулмон Жамоати Ислом динининг тинчлик пайғомини дунёга ёйиш мақсадида тузилганини такрорладилар.

Ҳазрат Мирзо Масрур Аҳмад шундай дедилар:

“Мен ўз хутбаларимда кўп маротаба айтганимдек, Севимли Пайғамбаримиз Муҳаммад (саллаллоҳу алайҳи ва саллам) орқали тўлиқ ва абадий таълимот ҳамда мукаммал Шариат нозил бўлган. Шундан сўнг бу мукаммал таълимот Масийҳи Мавъуд ва Имом Маҳдий (алайҳиссалом) даврларида бўлган замонавий технологияларнинг чиқиши билан, шунингдек, медиа ва бугунги кундаги бошқа воситалар орқали ёйилиб, ўзининг юқори чўққисига етиши керак эди”.

Ҳазрат Мирзо Масрур Аҳмад шундай деб давом этдилар:

“Биз – Ислом, аниқроқ айтганда, ҳақиқий дин ўзининг юқори чўққисига етадиган баракали даврда яшаётган бахтли инсонлармиз, шунинг учун Ислом динининг тинчлик таълимотларини ёйишга қаратилган ҳаракатларимиз Аҳмадия Мусулмон Жамоатининг муваффақияти ва ўсиб-униши учун асос бўлади. Бу Аллоҳ таоло томонидан бизга юкланган миссия бўлиб ҳисобланади, шунинг учун ҳеч қачон унга лоқайд бўлиш мумкин эмас”.

Ҳазрат Исломнинг тинчлик таълимотларини ёйиш учун Аҳмадий мусулмонлар иродали ва қаршиликка туриб беришга тайёр бўлишлари керак деб айтдилар. Буюк Британияда сўнгги кунлари олиб борилган “Масийҳ келди” деган плакатдаги акцияга қаршиликлар бўлган, бу воқеадан сўз юритиб, Ҳазрат шундай дедилар: бундай қаршиликлар Аҳмадий мусулмонларнинг қатъий фикр-мулоҳазалилигини заифламаслиги лозим. У киши Ислом дини пайғомини муваффақиятли етказиш билим, донолик ва салоҳиятнинг мужассамланишини талаб қилади дедилар.

Ҳазрат Мирзо Масрур Аҳмад шундай дедилар:

“Нима бўлишидан қатъий назар, Аҳмадия Мусулмон Жамоатининг ёки Исломнинг баъзи мухолифлари биз амалга ошираётган ишларимизни сохталаштириб кўрсатишга ҳаракат қилишади, бироқ биз бундай одамлардан қўрқиб, ортга чекиниб ёки яшириниб олмаслигимиз керак. Аҳмадий мусулмонлар Покистон, Индонезия, Бангладеш, Ал-Жазоир, Ҳиндистоннинг баъзи минтақаларида ва баъзи бошқа давлатларда кўплаб синов ва қаттиқ тазйиқларга учраётганлари йўқми?… Аммо бундай тазйиққа, қаршиликка қарамай, бизнинг Аҳмадий мусулмонларимиз қочишмайди, аксинча, умуман қўрқмай, ўз эътиқодларига тўлиқ ишониб, олға қадам ташлашмоқда”.

Ҳазрат Мирзо Масрур Аҳмад яна шундай дедилар:

“Агар бироз қаршиликлар пайдо бўлса ҳам, қўрқманглар. Бу бизнинг пайғомимиз жамиятга кенг тарқалаётганининг бир белгиси бўлиб ҳисобланади. Агар амалга ошираётган ҳаракатларингизнинг муваффақиятли бўлишини хоҳласангиз, у ҳолда иродали бўлишингиз керак, донолигингизни кўрсатишингиз керак ва ўз эътиқодингизда яхши билишингиз керак. Бу Ислом пайғомини ёйишда асосий воситалар бўлиб ҳисобланади”.

Ҳазрат инсониятнинг одоб-ахлоқ ва руҳоний ривожланиши учун дуо қилиб, тақвога эътибор бериш каби тилак билан ўз мурожаатларини якунлааб, шундай дедилар:

“Бутун Аҳмадий мусулмонлар, айниқса, хизматчи ва Шуро аъзолари гуноҳларнинг барча турларидан халос бўлиб, ҳар доим ўз тақводорлигини оширишга ҳаракат қилишлари лозим. Ниҳоясида мен Аллоҳ таоло сизларга топширилган ишончларни бажариш учун тўлиқ куч-қувват берсин деб дуо қиламан”.

 

Якуни

 

Қўшимча маълумот учун: press@ahmadiyya.org.uk

Манзил: 22 Deer Park Road, London, SW19 3TL UK

Tel/Fax: 020 8544 7613 Mob: 077954 90682

Email: press@ahmadiyya.org.uk

Бош саҳифа

Press Secretary AMJ International

(Халқаро Аҳмадия Мусулмон Жамоати редакцияси котиби)