647,000дан зиёд одам Аҳмадия Мусулмон Жамоатига қўшилди

Англиянинг 52-Жалса Солонаси Ҳазрат Мирзо Масрур Аҳмад мурожаатлари билан якунланди

2018-йилнинг 5-август дам олиш куни Англиядаги Аҳмадия Мусулмон Жамоатининг 52-Жалса Солонаси (Йиллик Йиғин) Аҳмадия Мусулмон Жамоатининг Бутун дунё Раҳнамоси, Масийҳи Мавъуд ва Имом Маҳдий – Ҳазрат Мирзо Ғулом Аҳмад (алайҳиссалом)нинг 5-Халифаси Ҳазрат Мирзо Масрур Аҳмад (Аллоҳ таоло у зотга Ёрдамчи бўлсин) қилган кучли ва иймонларни кучайтирувчи мурожаатлари билан ниҳоясига етди.

Алтон, Ҳэмпширдаги “Ҳадийқатул-Маҳдий” (Маҳдий боғи) номли жойда бўлиб ўтган Жалса Солонага 115 давлатдан 38,500дан зиёд инсон иштирок этди.

Унга иштирок этган минглаб Аҳмадий мусулмонлардан ташқари кўплаб ғайриаҳмадий ва ғайримусулмон меҳмонлар ҳам қатнашишди. Мазкур тадбир МТА Интернейшналдан (Халқаро Аҳмадия Мусулмон Телевидениеси) бевосита эфир орқали тўлиқ намойиш этилди.

Уч кунлик Жалса Солонанинг ўзига хос воқеаларидан бири бу – дам олиш куни бўлиб ўтган “Байъат” деб номланган аҳду паймон қилиш тадбири, унда қатнашганлар Масийҳи Мавъуд ва Имом Маҳдий – Ҳазрат Мирзо Ғулом Аҳмад (алайҳиссалом)нинг 5-Халифаси Ҳазрат Мирзо Масрур Аҳмад (Аллоҳ таоло у зотга Ёрдамчи бўлсин) қўлларига Байъат (аҳду паймон) қилдилар.

Иштирокчилар Халифа билан инсонлардан иборат бўлган занжирни тузиб, аҳду паймон сўзларини биргаликда такрорлашди. Тадбир аввалида Ҳазрат ўтган бир йил ичида ер юзидан 647,000дан зиёд одам Аҳмадия Мусулмон Жамоатига аъзо бўлиб кирди, деб эълон қилдилар. Ҳазрат ҳозир Аҳмадия Мусулмон Жамоати дунёнинг 212 давлатида тузилган деб ҳам эълон билдирдилар. Бу йил Аҳмадия Мусулмон Жамоати Шарқий Тимор ва Грузияда биринчи марта очилди.

Ўз хулосавий мурожаатларида Ҳазрат Мирзо Масрур Аҳмад ҳақиқий мусулмон инсон ўзлаштириши керак бўлган олий одоб-ахлоқлар ҳақида сўзлаб, мусулмонлар Аллоҳ таоло буйруқларига мувофиқ ҳаёт кечириш ўз вазифалари эканини тасдиқлашлари лозим деб изоҳлаб ўтдилар.

Ҳазрат хоксорлик, мардлик ва Аллоҳ таоло розилиги учун молиявий қурбонликларни адо этишга тайёр бўлиш каби ҳақиқий мусулмонлар эга бўлиши керак бўлган турли одоб-ахлоқлар ва хулқ-атворлар тўғрисида сўзлаб бердилар.

Аллоҳ таоло розилиги учун хайрия ишларига маблағ ажратишнинг аҳамияти ҳақида сўз юритиб, Ҳазрат Мирзо Масрур Аҳмад шундай дедилар:

“Аллоҳ таоло Аллоҳнинг марҳамати билан Унинг йўлида маблағ сарфлаш билан бир инсон Унинг неъмат-мукофотларига эга бўлади деб башорат берган ва Аҳмадия Мусулмон Жамоатининг кўплаб аъзолари бу борада шахсий тажрибага эга. Аллоҳ таоло йўлида сарф қилиш бир инсонни ночор аҳволдан чиқарибгина қолмай, аксинча, Унинг йўлида сарф қилганларга Аллоҳ таоло ҳаловат ва фаровонлик ато этади”.

Ҳазрат барча ҳолатларда шахсий бузилган одоб-ахлоқлар ва нуқсон-камчиликлардан сақланиш зарурлигини таъкидлаб ўтдилар. Ҳазрат бундай нуқсон-камчиликлар инсоннинг ўзига ҳам, бутун жамиятга ҳам зарар эканини айтдилар.

Ҳазрат Мирзо Масрур Аҳмад шундай дедилар:

“Агар ахлоқий заифликлар ва гуноҳлар дарҳол бартараф этилмаса, у ҳолда улар катта зиён келтириб, жамиятни издан чиқаради. Масалан, баъзи инсонлар ёлғон баҳонага ёпиниб, ҳукуматдан ижтимоий ёрдамларни олмоқчи бўлишади. Бу фақат ўзгаларга зиён келтириб, жамиятнинг ўзини заифлаштиради. Бундай ёлғончилик ва одобсизлик бутунлай Ислом динига хилофдир”.

Руҳоний ва одоб-ахлоқ жиҳатдан ислоҳ қилиш тўғрисида сўз юритиб, Ҳазрат Мирзо Масрур Аҳмад шундай дедилар:

“Мўмин-мусулмон инсоннинг ўзига хос хусусияти: у бошқаларни ёмон ва ножўя сўзлардан қайтаради. Аммо бошқаларни қайтаришдан олдин у яхшиликка томон ўзгаларга таъсир этгудек даражада ўзини шунчалик поклаб олиши лозим. Эркак киши бўладими ёки аёл, у ўзгаларни яхшиликка чорлашдан олдин ўзининг одоб-ахлоқий ҳолатини яхшилаши шарт. Бир инсон яхши намуна орқалигина ўзгаларга таъсир кўрсата олади”.

Ҳазрат Мирзо Масрур Аҳмад шундай деб давом этдилар:

“Ўзгаларни зулм ва гуноҳдан қайтариш учун бир инсон муносиб вақт, ўрин ва йўлни танлаши керак. Албатта, ўзгаларни ёмонликдан қайтариш бу – яхшилик ва агар ўша иш тўғри амалга оширилса, у ҳолда бу катта қўллов бўлиб ҳисобланади. Ўзгаларни камситиш тўғри эмас. Масалан, бир инсон бошқа инсонларнинг гуноҳларини эл орасида ошкор қилишдан йироқ бўлиши зарур”.

Ҳазрат мўминлик дуоларнинг қабул бўлиш калити эканини айтдилар.

Ҳазрат Мирзо Масрур Аҳмад шундай дедилар:

“Дуоларнинг Аллоҳ таоло томонидан қабул бўлиши учун хоксорликни ихтиёр қилиб, ўзини ҳеч нарсага арзимас нарса деб, мўминликнинг юқори чўққисига етиш лозим”.

Ҳазрат Мирзо Масрур Аҳмад шундай деб давом этдилар:

“Биз баъзи инсонларни намоз ўқиб, бироқ айни дамда узлуксиз ножўя ишларни қилаётганини ҳам кузатмоқдамиз. Бу уларнинг намозларида ялиниб-ёлвориш ва ҳақиқий руҳ йўқ эканини кўрсатади. Улар муваффақиятга эришиш учун зарур бўлган руҳ билан тўғри ялиниб-ёлвормайдилар. Улар фақат одат каби бошларини ерга теккизишади”.

Ҳазрат Жалса Солона иштирокчиларини чин дилдан дуо қилишга эътибор беришга чорлаб, Жалса Солонанинг уч кунга мўлжалланган руҳоний муҳитидан узоқ муддатли фойда олишга интилишларини ҳам таъкидлаб ўтдилар.

Уч кунлик йиғилиш мобайнида Ҳазрат Аҳмадия Мусулмон Жамоатининг йиллик ҳисоботлари билан бирга беш марта мурожаат қилдилар.

Уч кунлик муддат мобайнида бир талай бошқа маърузалар ва мурожаатлар ҳам амалга оширилди. Бундан ташқари, турли хил кўргазмалар, масалан, “Турин Кафани”, “Тинчликка олиб борувчи Йўл” кўргазмалари ва “Ислом дини Шарқда” кўргазмаси ҳам намойиш этилди.

Жалса Солона Ҳазрат Мирзо Масрур Аҳмад қўл кўтариб олиб борган дуолари билан ниҳоясига етди.

 

Якуни

 

Қўшимча маълумот учун: press@ahmadiyya.org.uk

Манзил: 22 Deer Park Road, London, SW19 3TL UK

Tel/Fax: 020 8544 7613 Mob: 077954 90682

Email: press@ahmadiyya.org.uk

https://www.ahmadiyya-islam.org/uz/

Press Secretary AMJ International

(Халқаро Аҳмадия Мусулмон Жамоати редакцияси котиби)