Аҳмадия Мусулмон Жамоатининг Раҳнамоси Германияга ташриф буюрдилар

Ҳазрат Мирзо Масрур Аҳмад Германиядаги Аҳмадия Мусулмон Жамоатининг 43-Йиллик Йиғинида иштирок этиш учун йўл олдилар

Аҳмадия Мусулмон Жамоатининг Бутун дунё Раҳнамоси, Масийҳи Мавъуд ва Имом Маҳдий – Ҳазрат Мирзо Ғулом Аҳмад (алайҳиссалом)нинг 5-Халифаси Ҳазрат Мирзо Масрур Аҳмад (Аллоҳ таоло у зотга Ёрдамчи бўлсин) 2018-йилнинг 1-сентябрида Франкфурт шаҳрида жойлашган “Байтус-Субуҳ” масжидига ташриф буюрдилар.

Замон Халифаси Лондон шаҳридан енгил машина билан Германия бўйлаб йўл олдилар ва Европа қитъасини кесиб ўтиб, Германиядаги Аҳмадия Мусулмон Жамоатининг Миллий Президенти (Амири) – жаноб Абдулла Вагишаузер ҳамда бир гуруҳ бошқа хизматларда ишлайдиган инсонлар томонидан қарши олиндилар.

Ҳазрат ўз сафарларини шундан сўнг Франкфуртда давом эттириб, маҳаллий вақт бўйича соат 19:00да “Байтус-Субуҳ” масжидига етиб келдилар, у ерга келган минглаб Аҳмадий мусулмон эркаклар, аёллар ва ёш болалар ўзларининг руҳоний Раҳнамосини яна бир бора кўриб, жуда хурсанд бўлишди. Ташрифдан бироз сўнг Ҳазрат шом ва хуфтон намозларига имомчилик қилдилар.

У зот Карлсруэ номли жойда бўладиган Германиядаги Аҳмадия Мусулмон Жамоатининг 43-Жалса Солонасида (Йиллик Йиғин) иштирок этиш мақсадида йўл олдилар, унга турли ўлкалардан 35000дан зиёд иштирокчилар келиши кутилмоқда.

Уч кунлик тадбирда (7-9-сентябрь кунлари) Ҳазрат Ислом динининг ҳаққоний ва тинчлик таълимотлари тўғрисида Аҳмадий мусулмонлар ва ғайриаҳмадий меҳмонларга мурожаат қиладилар. Бундан ташқари, Ҳазрат Аҳмадий мусулмон ўғил ва қиз талабаларга олий маълумот олишдаги муваффақиятлари муносабати билан фахрий ёрлиқларни топширадилар.

 

Якуни

 Қўшимча маълумот учун: press@ahmadiyya.org.uk

Манзил: 22 Deer Park Road, London, SW19 3TL UK

Tel/Fax: 020 8544 7613 Mob: 077954 90682

Email: press@ahmadiyya.org.uk

https://www.ahmadiyya-islam.org/uz/

Press Secretary AMJ International

(Халқаро Аҳмадия Мусулмон Жамоати редакцияси котиби)