Ҳазрат Мирзо Масрур Аҳмад таъқиб ва қаршиликлар Аҳмадий мусулмонларнинг иймонини ҳеч қачон сусайтира олмайди, деб айтдилар
Ҳиндистонда жойлашган Қодиёндаги Аҳмадия Мусулмон Жамоатининг 123-Йиллик Йиғини (Жалса Солона) 2017-йилнинг 31-декабрида Аҳмадия Мусулмон Жамоатининг Бутун дунё Раҳнамоси, Масийҳи Мавъуд ва Имом Маҳдий – Ҳазрат Мирзо Ғулом Аҳмад (алайҳиссалом)нинг 5-Халифаси Ҳазрат Мирзо Масрур Аҳмад (Аллоҳ таоло у зотга Ёрдамчи бўлсин) қилган иймонларни кучайтирувчи мурожаатлари билан якунланди.
Ҳазрат спутник орқали Лондонда жойлашган “Байтул-Футуҳ” масжидидан сўнгги сессияга мурожаат қилдилар. Қодиёндаги мазкур Йиғинга 44 давлатдан 20.000дан зиёд одам иштирок этишган бўлиб, 5.000дан зиёдроқ одам эса сессия учун Лондонда йиғилишган.
Ўз мурожаатларида Ҳазрат Қуръони Каримда Севимли Пайғамбаримиз Муҳаммад (саллаллоҳу алайҳи ва саллам)га берилган “Пайғамбарлар муҳри” деган мақомнинг ҳақиқий маъносини изоҳлаб бердилар.
Ҳазрат шундай дедилар: мусулмон уламолар Аҳмадий мусулмонлар Севимли Пайғамбаримиз Муҳаммад (саллаллоҳу алайҳи ва саллам)нинг ушбу мақомини инкор этишади, деб тинмай танқид қилиб келишмоқда, бу ҳақиқат эмас. Ҳазрат шундай дедилар: аксинча, Аҳмадий мусулмонлар ҳар доим Севимли Пайғамбаримиз Муҳаммад (саллаллоҳу алайҳи ва саллам)нинг ҳақиқий мақомини тушунишган ва унга тўлақонли ишонишади.
Бундан ташқари, Ҳазрат дедилар: жуда ҳам ачинарлиси, номигагина уламо деб аталувчи мусулмон диндорлар халқни Аҳмадия Мусулмон Жамоатига қарши оёқлантириш учун катта ёлғонларни айтиб, ёлғон иддаолар қилишади.
Ҳазрат Мирзо Масрур Аҳмад шундай дедилар:
“Ўз тузилишидан бошлаб Аҳмадия Мусулмон Жамоати бу ҳақиқатни тинмай такрорлаб ва исботлаб келмоқда: мусулмон диндорлар билан Жамоат мухолифларининг “Аҳмадий мусулмонлар Севимли Пайғамбаримиз Муҳаммад (саллаллоҳу алайҳи ва саллам)нинг “Пайғамбарлар муҳри” эканларига ишонишмайди” деган баёнотлари бутунлай янглишлик. Уларнинг баёнотлари ҳақиқатга асосланмай, фақатгина ёлғонларга асосланади”.
Ҳазрат Мирзо Масрур Аҳмад шундай деб давом этдилар:
“Диний уламоларнинг тинмай халқни алдаб ва бизга қарши нафрат уруғларини сепиб келаётганига қарамай, холислик билан ҳақиқатга назар солганлар ҳақиқатни сезишмоқда. Улар Қуръони Карим ва Севимли Пайғамбаримиз Муҳаммад (саллаллоҳу алайҳи ва саллам) ҳадислари Аҳмадий мусулмонларнинггина ҳақиқий мусулмон эканларини тасдиқлайди деган нарсани тушуниб етишган. Улар Севимли Пайғамбаримиз Муҳаммад (саллаллоҳу алайҳи ва саллам)нинг ҳақиқий олий мақом-мартабасини Аҳмадия Мусулмон Жамоатининг Асосчиси, Масийҳи Мавъуд ва Имом Маҳдий, шунингдек, Севимли Пайғамбаримиз Муҳаммад (саллаллоҳу алайҳи ва саллам)нинг ҳаққоний қули – Ҳазрат Мирзо Ғулом Аҳмад (алайҳиссалом)ни қабул қилган инсонгина тушуна олади деб билишади”.
Ҳазрат шундай деди: Аҳмадия Мусулмон Жамоатининг мухолифлари Аҳмадиятнинг тарқалишини тўхтатиш ҳаракатларида ҳар доим умидсизликка тушишади.
Ҳазрат Мирзо Масрур Аҳмад шундай дедилар:
“Аҳмадия Мусулмон Жамоатининг мухолифлари халқни бизга қарши оёқлантиришни хоҳлашади, аммо улар Аллоҳ таолонинг иш-режалари қаршисида ўзларининг инсоний фаолиятлари ва чора-тадбирларининг зое кетиб, беҳуда бўлишини билиб қўйишлари лозим. Бу Аллоҳ таолонинг тақдири, бир куни Масийҳи Мавъуд ва Имом Маҳдий (алайҳиссалом)нинг ҳамроҳлари кўпчиликка айланиб кетишади”.
Ҳазрат Мирзо Масрур Аҳмад шундай деб давом этдилар:
“Аллоҳ таоло Масийҳи Мавъуд ва Имом Маҳдий (алайҳиссалом)га: Мен сенга ҳурмат-эътибор ато этаман ва сенинг Жамоатингни кўпайтираман, деб ваҳий нозил қилган ва биз ҳар куни ушбу пешхабарнинг амалга ошаётганини кўрамиз. Мухолифларимизнинг “Пайғамбарлар муҳри” ҳақидаги эътиқодимиз борасида ёлғон ташвиқот юргизиб, бизни тўхтатиш учун имкони борича барча хатти-ҳаракатларни амалга ошираётганларига қарамай, юз минглаб одамлар ҳар йили бизга қўшилишмоқда, уларнинг кўпчилиги бошқа мусулмонлардан чиқиб, бизга келишмоқда”.
Ҳазрат Мирзо Масрур Аҳмад йиғинга иштирок этган инсонларнинг эътиборини уларнинг шахсий бурчларига қаратиб, уларга ўз эътиқодингизнинг ҳаққонийлиги ва Аллоҳ таоло Севимли Пайғамбаримиз Муҳаммад (саллаллоҳу алайҳи ва саллам)га тақдим этган “Пайғамбарлар муҳри”нинг ҳақиқий мазмун-моҳиятини одамларга тушунтиринглар, деб насиҳат қилдилар.
Севимли Пайғамбаримиз Муҳаммад (саллаллоҳу алайҳи ва саллам)нинг мақом-мартабаси ҳақида Ҳазрат Аҳмадия Мусулмон Жамоатининг Асосчиси, Масийҳи Мавъуд ва Имом Маҳдий – Ҳазрат Мирзо Ғулом Аҳмад (алайҳиссалом)нинг баъзи бир сўзларини ўқиб бердилар.
Масийҳи Мавъуд ва Имом Маҳдий (алайҳиссалом) шундай деб айтадилар:
“Кимдир биров Севимли Пайғамбаримиз Муҳаммад (саллаллоҳу алайҳи ва саллам)ни “Пайғамбарлар муҳри” деб қабул қилмагунча ҳақиқий мусулмон ҳам бўлолмайди, у зот (саллаллоҳу алайҳи ва саллам)га эргашган ҳам ҳисобланмайди”.
Севимли Пайғамбаримиз Муҳаммад (саллаллоҳу алайҳи ва саллам)нинг ҳақиқий мақом-мартабаси ҳақида тушунтираётиб, Ҳазрат Мирзо Масрур Аҳмад шундай дедилар:
“Одамларга очиқ-ойдин айтиб қўяй: Масийҳи Мавъуд ва Имом Маҳдий – Ҳазрат Мирзо Ғулом Аҳмад (алайҳиссалом) ўзгача янги бир шариатни ҳам олиб келганлари йўқ ва қандайдир бир янги шариат ҳеч қачон келмайди. Бундан ташқари, Севимли Пайғамбаримиз Муҳаммад (саллаллоҳу алайҳи ва саллам) олий мақом-мартабасининг орқасидангина Аллоҳ таоло Масийҳи Мавъуд ва Имом Маҳий (алайҳисаллом)га пайғамбарлик даражасини тақдим этди. У зот (алайҳиссалом) ўз Раҳнамоси, Севимли Пайғамбаримиз Муҳаммад (саллаллоҳу алайҳи ва саллам)га бутунлай бўйсуниб, у зот (саллаллоҳу алайҳи ва саллам)га қул бўлганлари учун бу даражага эга бўлдилар”.
Ҳазрат Мирзо Масрур Аҳмад Ҳазрат Масийҳи Мавъуд ва Имом Маҳдий (алайҳиссалом)нинг келиш заруриятини ҳам таъкидлаб, шундай дедилар:
“Аллоҳ таоло Масийҳи Мавъуд ва Имом Маҳдий (алайҳиссалом)ни Аллоҳ таолонинг Энг Севимлиси бўлган Севимли Пайғамбаримиз Муҳаммад (саллаллоҳу алайҳи ва саллам) орқали ўрнатилган дин – ҳақиқий Ислом динини қайтадан жонлантириш ва ёйиш учун юборган. Масийҳи Мавъуд ва Имом Маҳдий (алайҳиссалом) Аллоҳ таолонинг “сенга ғалаба ато этаман” деган ваъдасига мувофиқ юборилган. Шундай бўлса, дунёвий кучларнинг қаршиликлари ва номигагина уламо деб аталган одамларнинг адолатсизлик ва шафқатсизликлари у зот (алайҳиссалом) Жамоатининг ўсиб-унишига рахна солиши мумкинми?!”
Умуман, Ислом дини дуч келаётган қаршилик ҳақида сўз юритиб, Ҳазрат Мирзо Масрур Аҳмад шундай дедилар:
“Чаласавод мусулмон уламолар Ислом динини бадном қилаётган бу даврда биз ер юзининг барча минтақаларида дунёвий ҳамда модда параст инсонларнинг Ислом динига қарши чиқиб, уни йўқ қилишга ҳаракат қилишаётганини ҳам кўрмоқдамиз. Улар минтақавий ва сиёсий кучга эга бўлиш ҳамда мусулмон давлатларнинг бойлигини тортиб олиш нияти билан Ислом динига осилишмоқда. Бошқача сўзлар билан айтганда, мусулмонлар диний ва моддий – ҳар иккала томондан тазйиқ остига олинмоқда”.
Ер юзидаги Аҳмадий мусулмонларга ўзгача бир ҳиссиётли ва иймонларни кучайтирадиган сўзлар билан мурожаат қилиб, Ҳазрат Мирзо Масрур Аҳмад шундай дедилар:
“Аҳмадий мусулмонлар Муҳаммад Пайғамбар (саллаллоҳу алайҳи ва саллам)нинг “Пайғамбарлар муҳри” ёки “Муҳаммад Пайғамбар (саллаллоҳу алайҳи ва саллам) охирги шариат олиб келган Пайғамбар” эканларига ишонишмайди деган ёлғон сўзларни тарқатиб, барча мусулмонларни бизга қарши қайраб, бизни қатл қилишга чақираётган номигагина уламо деб аталган мусулмон муллалар ва бизга қарши қонунларни чиқарган ҳокимиятларга мен очиқ-ойдин айтиб қўяй: улар нимани айтишмасин ёки қандай баёнот қилишмасин, Севимли Пайғамбаримиз Муҳаммад (саллаллоҳу алайҳи ва саллам) биздан истаган эътиқодимизни ҳеч қачон заифлаштира олишмайди. Биз Аллоҳ таоло ва Унинг Пайғамбари Муҳаммад (саллаллоҳу алайҳи ва саллам)ни севиш тамойилларини Масийҳи Мавъуд ва Имом Маҳдий (алайҳиссалом) орқали ўрганганмиз”.
Ҳазрат Мирзо Масрур Аҳмад шундай деб давом этдилар:
“Қаршилик ва нафрат қаршисида тинимсиз руҳоний ва ахлоқий ривожланишга ҳамда Аллоҳ таолога яқин бўлишга интилиш билан ўзини юксалтириш – бу ҳар бир Аҳмадий мусулмоннинг бурчи бўлиб ҳисобланади”.
Мазкур сессия дуо билан якунланиб, ундан сўнг Қодиёндаги Жалсага иштирок этганлар томонидан спутник орқали бир талай диний назмлар ўқилди.
Якуни
Қўшимча маълумот учун: press@ahmadiyya.org.uk
Манзил: 22 Deer Park Road, London, SW19 3TL UK
Tel/Fax: 020 8544 7613 Mob: 077954 90682
Email: press@ahmadiyya.org.uk
Press Secretary AMJ International
(Халқаро Аҳмадия Мусулмон Жамоати редакцияси котиби)