Халифа Ҳазратлари билан Архиепископ дунё минтақасида дин эркинлигининг зарурияти ҳақида сўзлашди
2017-йилниг 10-октябрида Кантербери Архиепископи улуғ муҳтарам жаноб Жастин Уэлби Лондон шаҳридаги энг кўҳна масжид – “Фазл” масжидини зиёрат қилиб, Аҳмадия Мусулмон Жамоатининг Бутун дунё Раҳнамоси, Масийҳи Мавъуд ва Имом Маҳдий – Ҳазрат Мирзо Ғулом Аҳмад (алайҳиссалом)нинг 5-Халифаси Ҳазрат Мирзо Масрур Аҳмад (Аллоҳ таоло у зотга Ёрдамчи бўлсин) билан учрашди.
Бунга қадар Архиепископ Ғарбий Европадаги энг муҳташам – “Байтул-Футуҳ” масжидини ҳам зиёрат қилди.
Учрашув мобайнида Халифа Ҳазратлари билан Архиепископ дунёнинг ҳар қайси жойларида диний озчиликларга кўрсатилаётган тазйиқларни муҳокама қилишди.
Ҳазрат Аҳмадия Мусулмон Жамоатининг Раҳнамоси сифатида сайланишдан олдин 1999-йили Покистонда ноҳақ қамоққа олинганларини Архиепископга сўзлаб бердилар.
Учрашув мобайнида Ҳазрат Мирзо Масрур Аҳмад “сабрлилик” лозимлиги, шунингдек, барча одамлар ва жамоатлар томонидан “ўзаро ҳурмат-эҳтиром” кўрсатилиши зарурлигини айтдилар. У зот инсонлар ўз динига эркин ва қандайдир мажбурлашсиз амал қилиш ҳуқуқига эга эканлигининг муҳимлигини таъкидладилар.
Учрашув якунида Ҳазрат Қуръони Каримнинг арабча матни мавжуд бўлган инглиз тилидаги таржимасини Архиепископга совға сифатида тақдим этдилар.
Учрашувдан сўнг Кентербери Архиепископи улуғ муҳтарам жаноб Жастин Уэлби МТАнинг янгиликлар бўлимига берган интервьюсида шундай деди:
“Бу Ҳазрат (Мирзо Масрур Аҳмад) билан учрашув мен учун ўзгача бир ифтихордир. Бу гўзал учрашув меҳмондўстларча ва илиқ учрашув бўлди…
Биз асосан Аҳмадия Мусулмон Жамоати яхши тушунган таъқиб масалалари тўғрисида сўзлашдик, шунингдек, дунё юзи бўйича турли эътиқодларда бўлаётган диний экстремизм ҳақида ва Буюк Британиядаги диний жамоатларнинг давлатнинг яхшилиги учун ва бир-бирини қўллаб-қувватлашда бирга туришлари муҳимлиги ҳақида ҳам тўхталдик”.
Ўз иш-сафари давомида Архиепископга Морденда жойлашган “Байтул-Футуҳ” ва Саутфильдзда жойлашган “Фазл” масжиди ҳам кўрсатилди.
Якуни
Қўшимча маълумот учун: press@ahmadiyya.org.uk
Манзил: 22 Deer Park Road, London, SW19 3TL UK
Tel/Fax: 020 8544 7613 Mob: 077954 90682
Email: press@ahmadiyya.org.uk
Press Secretary AMJ International
(Халқаро Аҳмадия Мусулмон Жамоати редакцияси котиби)