Ҳазрат Мирзо Масрур Аҳмад Тилфордда жойлашган “Муборак” масжидида тарихий жума хутбасини ўқидилар
Аҳмадия Мусулмон Жамоати жуда катта қувонч билан қуйидагиларни билдиради: 2019-йилнинг 17-майида Аҳмадия Мусулмон Жамоатининг Бутун дунё Раҳнамоси, Масийҳи Мавъуд ва Имом Маҳдий – Ҳазрат Мирзо Ғулом Аҳмад (алайҳиссалом)нинг 5-Халифаси Ҳазрат Мирзо Масрур Аҳмад (Аллоҳ таоло у зотга Ёрдамчи бўлсин) Англиянинг Тилфорд шаҳрига қарашли Исломободда янгитдан қурилиб, гўзал қилиб солинган “Муборак” масжидини, шунингдек, бошқарув ва турар-жой биносини очдилар.
Ҳазрат Мирзо Масрур Аҳмад МТА Халқаро телеканалидан дунё миқёсида бевосита эфир орқали намойиш этилган ўзларининг ҳафталик жума хутбасини “Муборак” масжидида ўқигач, Аҳмадия Мусулмон Жамоати тарихида янги давр бошланди.
Жума хутбасини ўқишдан олдин Ҳазрат масжид ташқарисида эсдалик тахтаси бетидаги пардани кўтариб, Аҳмадия Мусулмон Жамоатининг Иккинчи Халифаси бажарган бир амални тутиб, мен Аллоҳ таоло Аҳмадия Мусулмон Жамоатини янги марказ ва масжид билан таъминлагани учун Унга розичилик билдириш мақсадида сажда қиламан, деб эълон қилдилар. У ерда мавжуд бўлганлар ҳиссиётли туйғуга йўғрилишган, ер юзидаги Аҳмадий мусулмонлар эса МТА Халқаро телеканали орқали ўша ўзгача воқеликда иштирок этишди.
Ўзларининг жума хутбасида Ҳазрат Аҳмадия Мусулмон Жамоати марказини Лондон шаҳридан Исломободга кўчириш сабаблари ҳақида сўзлаб бердилар ва янги давр Аҳмадия Мусулмон Жамоати учун ажойиб файз-баракалар ва муваффақиятларни олиб келади, деб дуо қилганлар. Ҳазрат ушбу минтақада яшаган ёки зиёрат мақсадида келувчи Аҳмадий мусулмонларнинг бурчи доимо ўзларини яхшилаш ва янги марказ орқали дунёга Исломнинг ҳақиқий ва тинчлик таълимотларини кўрсатишдир, дея изҳор этдилар.
Ҳазрат бу янги масжид Аҳмадия Мусулмон Жамоатининг асосчиси, Масийҳи Мавъуд ва Имом Маҳдий (алайҳиссалом) томонидан Ҳиндистонга қарашли Қодиёнда солинган “Муборак” масжидининг бир намунаси сифатида бўлади, деб дуо қилдилар. Ҳазрат унинг номланиши қандай Масийҳи Мавъуд ва Имом Маҳдий (алайҳиссалом)га бир ваҳий орқали хабар берилганлигини ҳам тушунтириб ўтдилар.
Ҳазрат Мирзо Масрур Аҳмад шундай дедилар:
“Аллоҳ таолонинг қўллаб-қувватлаши билан ушбу масжид Қодиёндаги “Муборак” масжидининг кўзгуси бўлсин, у Аллоҳ таолонинг фазл-марҳаматларини ўзига тортсин ва ҳар томонлама баракали бўлсин. Бу масжидга ном таклиф қилиш бўйича муҳокамалар бўлаётганда, бир талай бошқа номлар ҳам ёдга келди ва баъзи бир номлар тавсия қилинган. Бироқ шундан сўнг кутилмаган жойдан Масийҳи Мавъуд ва Имом Маҳдий (алайҳиссалом)га нозил қилинган бир ваҳий менинг ёдимга келиб, сўнгра унга ҳозирги номни қўйишда менга йўналиш бўлди”.
Ҳазрат ўша ваҳийдаги арабча сўзларни тушунтириб, Масийҳи Мавъуд ва Имом Маҳдий (алайҳиссалом) ўзлари таржима қилган маъноларни айтиб ўтдилар.
Ҳазрат Мирзо Масрур Аҳмад шундай дедилар:
“Мазкур ваҳийнинг Масийҳи Мавъуд ва Имом Маҳдий (алайҳиссалом)нинг ўзлари қилган таржимаси қуйидагича: “Бу масжид файз-баракаларнинг манбаи, шунингдек, ўзи ҳам файзли ва ҳар бир файз-баракали иш-фаолият унда амалга оширилади”.
Ҳазрат Мирзо Масрур Аҳмад шундай дедилар:
“Аллоҳ таолонинг қўллаб-қувватлови билан Масийҳи Мавъуд ва Имом Маҳдий (алайҳиссалом) Қодиёндаги “Муборак” масжидида сўраган дуолари, шунингдек, Ислом динининг ер юзига тарқалиши ва ғалаба қозониши учун тилаган кучли хоҳишлари ушбу масжидга ҳам етсин. Бу масжид ва бу марказ абадий Буюк Британия, Европа ва ер юзининг барча давлатларига Аллоҳ таолонинг Ёлғизлиги ва Ислом дини пайғомини ёйиш манбаи бўлсин”.
Ҳазрат Мирзо Масрур Аҳмад баъзи давлатларда Аҳмадия Мусулмон Жамоати дуч келган оғир ва кескин таъқибга қарамай, мазкур Жамоат доимо муваффақиятли бўлиб келган ва ўша брча ўсиб-ривожланиш Яратган Аллоҳнинг мукофотлари ва мўъжизаси деб эслатдилар.
Ҳазрат Мирзо Масрур Аҳмад шундай дедилар:
“Давлат қонуни боис Аҳмадия Мусулмон Жамоатининг Халифати Покистондаги Рабваҳ шаҳридан (1984-йили Лондонга) кўчишга мажбур бўлган. Шундай бўлса ҳам, бизнинг эҳтиёжларимизни қондириш учун Аллоҳ таоло олдингисидан ҳам кўпроқ даражада биз учун тараққиёт эшикларини очди. Аллоҳ таоло бизнинг ривожланишларимизни узлуксиз давом эттираверсин. Аллоҳ таоло бу масжид ва марказ орқали душманларимиз биздан тортиб олмоқчи бўлган яна кўп ва катта ютуқларни, мукофотларни ва файз-баракаларни бизга берсин”.
Ҳазрат Мирзо Масрур Аҳмад шундай деб давом этдилар:
“Аҳмадия Мусулмон Жамоатининг тараққиёти фақат Аллоҳ таолонинг баракаси орқалигинадир. Дунёдаги ҳеч бир ҳукумат унинг омадлилигини тўхтата олмайди, шунингдек, Аҳмадия Мусулмон Жамоати ўзининг муваффақиятга эришиши учун ҳеч бир ҳукумат ёрдамига муҳтож эмас. Қачонгача биз Аллоҳ таолонинг буйруқларига итоат этиб турсак, Унинг розичилигига эришиш учун ҳаракат қилиб турсак, ўша пайтгача биз муваффақиятга эришаверамиз ва ўша файз-баракаларга муносиб бўлганлардан бўлаверамиз”.
Ҳазрат Мирзо Масрур Аҳмад Аҳмадий мусулмонларга улар Исломободга яқин яшовчи маҳаллий одамларга ўзларининг солиҳ-тақводор амаллари билан Исломнинг бебаҳо таълимотларини етказиш ва маҳаллий аҳоли ҳуқуқларини адо этишга ўзгача эътибор қаратиш лозимлигини таъкидладилар.
Ҳазрат Исломобод узоқ муддатдан бери қурилган бўлса ҳам, ҳозир янги штаб-марказ қурилиши билан бинолар анча-мунча аҳамиятли бўлиб қолди, шунинг учун Аҳмадий мусулмонлар ўзларининг қўшниларига осойишталикларни яратиш учун илгаригидан ҳам кўпроқ аҳамият беришлари лозим, деб айтдилар.
Ҳазрат Мирзо Масрур Аҳмад шундай дедилар:
“Сизлар ҳозир илгаригидан ҳам аълороқ намуналарингизни кўрсатишингиз лозим ҳамда қўшниларда яхши таассурот қолдиришингиз зарур. Агар бизнинг қўшниларимиз бизнинг шовқинимизни ёки йўл ҳаракатимизнинг тартибсизлиги боис ёки қандайдир бир бошқа сабаб туфайли озор чеккан бўлса, унда биз ушбу жойдаги маҳаллий яшовчиларга қандайдир бир нотўғри пайғом бераётган бўламиз. У ҳолда, аниқроқ айтганда, агар биз Ислом динининг тўғри пайғомини ёритаётган бўлсак, унда Аллоҳ таолога шукурчилик қилишимиз қандайдир бир аҳамиятсиз қуруқ сўзларгина бўлади. Аллоҳ таолога шукурчилик қилиш бизнинг айтганларимиз билан қилганларимизнинг, бизнинг таълимимиз билан ишларимизнинг бир хил ва бир-бирига мутаносиб бўлишини талаб қилади, айтганларимиз билан қилганларимиз ўртасида қарама-қаршилик бўлмаслиги лозим”.
“Муборак” масжиди унинг Халифат даврида муқаддас Рамазон ойида очилган биринчи масжид эканини айтиб, Ҳазрат амалда Аҳмадий мусулмонлар масжиднинг ҳақ-ҳуқуқларини адо этиш учун ўз ибодатига ва амалларига, шунингдек, Худога яқин бўлишга ўзгача куч-ғайратларини сарфлашлари лозим, деб огоҳлантирдилар.
Ҳазрат шундай дедилар:
“Сизлар масжидларнинг ҳақиқий ва тинчлик мақсад-муддаоларини адо этишингиз зарур, шундан кейингина сизлар Аллоҳ таолонинг мукофотларига лойиқ бўла оласизлар. Сизлар ўз ибодатларингизни биргина Аллоҳ таолонинг розичилигига бағишлашингиз лозим, шундагина сизлар Аллоҳ таолонинг ажрларини олувчилардан бўласизлар. Сизлар ўз қалбларингизни дунёвий хоҳишлар ва манфаатлардан поклашингиз лозим, шундагина Аллоҳнинг раҳми сизларнинг устингизга тушади. Ҳар куни беш маҳал ушбу иш-фаолият адо этилгандагина биз чин қалбдан ўзини Аллоҳ таолонинг розичилигига бағишлаган одамлардан бўлишимиз мумкин”.
Рамазон ойининг аҳамияти ва Аҳмадия Мусулмон Жамоатининг келгусида тинимсиз ўсиб-ривожланишларга эришиш учун дуо қилиш зарурлиги ҳақида сўз юритиб, Ҳазрат Мирзо Масрур Аҳмад бундай дедилар:
“Бу муборак ойдан фойда олиб, бу дуолар дарров Аллоҳ таоло томонидан қабул қилинадиган бир ой, биз Аҳмадия Мусулмон Жамоатининг ўсиб-ривожланиши ва Аҳмадия Мусулмон Жамоатининг янги маркази дунёнинг бу қисмида қандай мақсад-муддаолар билан қурилган бўлса, ўша мақсад-муддаоларнинг адо этилиши учун дуо қилишимиз лозим. Бунинг учун ялиниб-ёлвориб дуо қилиш керак”.
Ҳазрат Мирзо Масрур Аҳмад шундай деб давом этдилар:
“Илоҳим, Аҳмадия Мусулмон Жамоатининг бу янги маркази кенгаяверсин ва ушбу минтақанинг атроф-муҳитида Аҳмадий мусулмонлар аҳолиси кўпаяверсин. Илоҳим, биз инсонларнинг Ислом дини ҳимоясига кириб боришаётганини кўриб турайлик. Илоҳим, биз Аҳмадият мухолифлари томонидан Аҳмадия Мусулмон Жамоатига қарши уюштирилаётган барча ҳужумларнинг бартараф бўлишини кўрайлик”.
Ҳиссиётли туйғулар билан йўғрилган сўзларни айтиб, Ҳазрат Мирзо Масрур Аҳмад шундай дедилар:
“Илоҳим, Масийҳи Мавъуд ва Имом Маҳдий – Ҳазрат Мирзо Ғулом Аҳмад (алайҳиссалом)нинг турар-жойлари бўлган Рабваҳ ва Қодиёнга қайтиб бориш йўли биз учун очилсин. Илоҳим, Макка ва Мадинага бориш йўллари ҳам биз учун очилсин, чунки улар бизнинг Раҳнамомиз бўлган Севимли Пайғамбаримиз (саллаллоҳу алайҳи ва саллам)нинг шаҳарлари ва Ислом динининг абадий марказларидир”.
Янги масжиднинг ўзига хос жиҳатларини баён қилиб, Ҳазрат шундай дедилар: 500 кишидан зиёд одам унга сиғади, шунингдек, 1200 нафар ибодатчи турли мақсадларга мувофиқ солинган саройга ҳам жойлаша олишади, ибодатчилар учун ташқи ҳовли ҳам бор, шундай қилиб, бу масжид ва унинг атрофидаги ерлар 2000дан зиёд одамни жойлаштира олади.
Бундан ташқари, Масийҳи Мавъуд ва Имом Маҳдий Халифаси ва баъзи бошқа марказий бошқарув органларининг идоралари ҳам солинган, шунингдек, идоралар ходимлари учун турар-жой ҳам қурилган.
Якуни
Қўшимча маълумот учун: press@ahmadiyya.org.uk
Манзил: 22 Deer Park Road, London, SW19 3TL UK
Tel/Fax: 020 8544 7613 Mob: 077954 90682
Email: press@ahmadiyya.org.uk
Press Secretary AMJ International
(Халқаро Аҳмадия Мусулмон Жамоати редакцияси котиби)