Ҳазрат Мирзо Масрур Аҳмад бу масжид “ёруғлик маёғи эканини далиллайди ва тинчликни севган инсонлар учун бир умид бўлади” деб айтдилар
2018-йилнинг 19-октябри кечасида Аҳмадия Мусулмон Жамоатининг Бутун дунё Раҳнамоси, Масийҳи Мавъуд ва Имом Маҳдий – Ҳазрат Мирзо Ғулом Аҳмад (алайҳиссалом)нинг 5-Халифаси Ҳазрат Мирзо Масрур Аҳмад (Аллоҳ таоло у зотга Ёрдамчи бўлсин) АҚШ, Филадельфияда солинган “Байтул-Офият” масжиди очилишини нишонлаш учун ўтказилган махсус кечада тарихий мурожаат қилдилар.
Филадельфияда илк махсус қурилган масжид расмий турда илгари куни Ҳазрат ўқиган жума хутбасида очилган. Янги масжидда бўлиб ўтган кечага 175дан зиёд жаноблар ва меҳмонлар иштирок этишди.
Бу кечанинг ўзига хос воқеаси – бу Ҳазрат Мирзо Масрур Аҳмад қилган тарихий мурожаат бўлган, унда у зот масжидларнинг ҳақиқий мақсад-муддаолари ҳақида сўз юритдилар ва дин тутиш эркинлиги Ислом таълимотларининг асосий бўлаги эканини айтдилар.
Ўз мурожаатларида Ҳазрат жамиятдаги бирдамлик ва сабрлиликни ривожлантириш муҳим эканини таъкидладилар.
Ҳазрат Мирзо Масрур Аҳмад шундай дедилар:
“Ирқий, диний ёки қаерда туғилганлигимизга қарамай, биз инсон сифатида бир хилмиз, шунинг учун биз ўзимиз бўлинмай ёки ўз Жамоатимиз аъзолари билангина аралашмай, аксинча, бошқа одамлар билан алоқа-муносабатларни ўрнатишимиз шарт… Жамиятнинг ўсиб-ривожланиши ва эволюцияси учун, шунингдек, инсонлар орасида ва турли жамоатлар орасида тинчлик ва бирдамлик, ҳурмат-эҳтиром билан бўлган борди-келди ва муҳокама қилиш ўта муҳим ҳисобланади”.
Аҳмадия Мусулмон Жамоатининг “Севги барчага, нафрат ҳеч кимга эмас” деган шиори тўғрисида сўз юритиб, Ҳазрат Мирзо Масрур Аҳмад шундай дедилар: бу қандайдир бир янги шиор эмас, аксинча, у тўғридан-тўғри Қуръони Карим ва Севимли Пайғамбаримиз Муҳаммад (саллаллоҳу алайҳи ва саллам) таълимотларига асосланган. У Ислом дини мусулмонларга барча эътиқод ва диндаги инсонларга ҳурмат-эҳтиром кўрсатишни ўргатган.
Ҳазрат Мирзо Масрур Аҳмад шундай дедилар:
“Кўпинча мусулмонлар бошқа динларни ёки уларнинг диний арбобларини ҳурмат қилмайдилар деган айб қўйилади, бунга ҳеч қандай асос йўқ… Биз барча пайғамбарларнинг ҳаққонийлигига ишониб, улар инсониятни Аллоҳ таолога олиб келиши ва одоб-ахлоқларни ўргатиши, шунингдек, ўй-фикр эркинлиги, адолат ва инсонларга ғамхўр бўлиш сингари умумий инсоний қадриятларни ўрнатиш учун юборилган деб ишонамиз. Буни назарда тутган ҳолда, бошқа динларни ёки уларнинг раҳнамоларини ҳақоратлаб-ҳурматсиз қилишимиз мумкинми?! Шунинг учун биз – Аҳмадий мусулмонлар, биз ҳеч кимдан нафратланмаймиз деган эълонимизда чин қалбимиз билан қатъий турамиз”.
Ҳазрат Аҳмадия Мусулмон Жамоати
“Бошқаларга дўстлик қўлини чўзишга доимо тайёр”,
эканини айтдилар.
У яҳудийларнинг яқиндаги қабристонига бўлган ҳужумдан сўнг яҳудий жамоати аъзоларига ўз ёрдамини тавсия қилган Филадельфияда яшаган Аҳмадий мусулмонларни мисол келтирдилар.
Ҳазрат Мирзо Масрур Аҳмад шундай дедилар:
“Биз шундай нарсалар учун мукофот ёки миннатдорчиликни талаб қилмаймиз, чунки биз биргина ўз динимизнинг: “Бошқа диндаги ва эътиқоддаги одамларнинг муҳтож ёки қийналиб турган пайтида улар билан елкадош бўлиб туриш”, – деб ўргатганлигига эргашамиз. Биз барча инсонлар ҳақ-ҳуқуқларининг поймол этилиши ёки хорланишидан эркин яшаши учун ҳуқуқларини ҳимоя қиламиз”.
Ҳазрат Ислом тарихи кўрсатганидек
“Кўп фикрлилик ва кенг мулоҳазалик” ҳар доим Исломнинг асосий тамойили бўлиб келганини ва Севимли Пайғамбаримиз Муҳаммад (саллаллоҳу алайҳи ва саллам) тузган давлатга ишора қилиб, диний хилма-хилликка эга бўлган Мадина шаҳрида ҳар бир инсон ўз динини эркин тутишга эга бўлгани тўғрисида айтдилар.
У келишувни тушунтириб, Ҳазрат Мирзо Масрур Аҳмад шундай дедилар:
“Мазкур келишув тинчликни ўрнатган ва сабр-тоқатли жамият ҳукмронлик қилишига имконият яратган. Шундай қилиб, 1400 йилдан кўпроқ муддат илгари, хилма-хил маданиятли, қайнаган қозон сингари жамоатчилик Мадина шаҳрида муваффақиятли бошқарилган ва амалга оширилган”.
Қуръони Каримнинг дин ёки эътиқод масалаларида ҳеч бир зўрлик-зўравонлик йўқ деган таълимотини тафсир қилиб, Ҳазрат Мирзо Масрур Аҳмад шундай дедилар:
“Ҳар бир инсон, у эркак ёки аёл эканлигига қарамай, ўзи хоҳлаган йўлни танлаб, ундан юриш ҳуқуқига эга бўлиши лозим. Эътиқод ҳар доим инсон юраги ва ақлининг танлови бўлиши керак. Ўша вақтнинг ўзида Ислом дини динлар ва эътиқодлар тафовутларига қарамай, ҳар бир фуқаро тинчликни муҳофаза қилиб, у жамиятнинг яхши яшашига хавф туғдирадиган қандайдир бир иш-фаолиятга қатнашмаслиги лозим, деб ўргатади”.
Ҳазрат масжидларнинг ҳақиқий, асосий мақсади – бу мусулмонлар биргаликда Ёлғиз Аллоҳга ибодат қилиши эканини айтдилар. Иккинчидан, Ҳазрат масжиднинг асосий мақсади “Инсониятга хизмат қилиш маркази” сифатида иш олиб боришини айтдилар.
Ҳазрат Мирзо Масрур Аҳмад шундай дедилар:
“Бизнинг масжидларимиз тинчликни ёйишга бўлган қатъийлигимизни кучайтиради ва ҳаётда барча гуруҳлар ўртасида биродарлик ва иноқлик алоқаларини тиклайди, шунингдек, жамиятда нафратланиш, нодонлик ва парокандаликнинг барча турларини бартараф этади”.
Ҳазрат Мирзо Масрур Аҳмад шундай дедилар:
“Бу шаҳар “биродарлик севгиси шаҳри” деб аталади ва албатта, бизнинг янги масжидимиз ўзгача бир аломат ва бу ерда севги, биродарлик ва яхшиликни тарқатиш ҳаракатларини фаоллаштиришига ваъда берамиз”.
Ҳазрат Муқаддас Қуръондаги 4-сурасининг 37-оятини мисол сифатида келтирдилар:
“Аллоҳга ибодат қилинглар ва ҳеч бир нарсани Унга шерик қилманглар, шунингдек, ота-оналарга ҳам, яқин қариндошларга ҳам, етимларга ҳам, мискинларга ҳам, қариндош қўшниларга ҳам, қариндош эмас қўшниларга ҳам, ўз аҳли оилангизга ҳам, мусофирларга ҳам, қўл остингиздагиларга ҳам яхшилик қилинглар”.
Бу оятни тафсирлаб, Ҳазрат Мирзо Масрур Аҳмад шундай дедилар:
“Қуръоннинг ушбу оятининг ўзи одоб-ахлоқ ва инсон ҳуқуқларининг бир мўъжизали тавсифи бўлиб ҳисобланади. Бу тинчликнинг олтин йўли ва биродарчилик муҳаббатини ифодалайди. Бу оятда, Унга ибодат қилишдан ташқари, Аллоҳ таоло мусулмонларга ўзларининг ота-онаси ва биродарларига севги ва меҳрибончилик билан муомала қилишга буюради. У жамиятнинг заиф аъзолари, масалан, етимлар ёки ўзгача бир йўл билан айрилган одамларга қўллов кўрсатиш ва енгилликлар яратишга буюрган. Шунингдек, қўшниларнинг ҳақ-ҳуқуқларини адо этишга ўзгача эътибор қаратилади. Мусулмонларга ўз қўшниларини севиш, ҳимоя қилиш ва муҳтож бўлган пайтларида уларга ёрдам бериш учун доим тайёр бўлишга ўргатилган”.
Ҳазрат Мирзо Масрур Аҳмад шундай деб давом этдилар:
“Мен ушбу янги масжиднинг бу шаҳарга ўзгача бир ташқи гўзаллик ва аҳамият қўшишини, ундан ҳам муҳими, бу шаҳар бўйлаб, ундан олис жойлашган ерларга севги ва ғамхўрликни таратиш билан жамоатчиликка руҳоний мустаҳкамлик ва гўзаллик қўшишига гувоҳ бўласизлар, деб ишонаман. Бу масжид тинчликни севган одамлар учун, уларнинг миллати, эътиқоди ёки ирқига қарамай, ўзининг ёруғ минораси ва умиди эканини далиллаб кўрсатади”.
Ўз мурожаатининг ниҳоясида Ҳазрат Америкада дин тутиш ва ибодат қилиш эркинлигига рухсат берган биринчи колония шаҳар, шунингдек, мустақиллик тўғрисида имзо чекилган тарихий шаҳар – Филадельфия тарихига тўхталдилар.
Ҳазрат Мирзо Масрур Аҳмад шундай дедилар:
“Бу шаҳар бой ва фахрли тарихга эга ҳамда бу ердаги одамлар ўзларининг ўзгача тарихига таяниб, бу буюк анъаналар келажакда ҳам ўзгачаланган бўйича қолсин, дея дуо қиламан. Мен бу шаҳар абадий дин тутиш эркинлиги минораси бўлсин ва ушбу шаҳар аҳолиси бу шаҳардагина эмас, аксинча, Қўшма Штатларда ва дунё юзи бўйича тинчликни ривожлантиришда ўз ролини ўйнасин, дея дуо қиламан”.
Бунга қадар бир гуруҳ ҳурматли меҳмонлар ҳам ўз фикрларини билдирдилар, АҚШдаги Аҳмадия Мусулмон Жамоатининг миллий президенти, Доктор Мирзо Мағфур Аҳмад Ҳазратнинг тарихий мурожаатларидан олдин у зотни таништирди.
Филадельфия мэри Жеймс Кенни ҳурмат-эҳтиром ва миннатдорчилик билдириб, Ҳазратга Филадельфия шаҳри калитини топширди.
Филадельфия мэри қадрли Жеймс Кенни шундай деди:
“Энди сизлар ўз янги гўзал ибодат қилиш жойингизга эга бўлганингиз учун мен хурсанд бўлмоқдаман. Филадельфия тарихи диний эркинлик учун жой бўлишга асосланган. Бу унинг оила тамойилларининг асосий бўлаги бўлиб ҳисобланади. Бизнинг шаҳримиз миллатлар ва ирқлар турли бўлишига қарамай, барча одамларга ўзлари танлаган эътиқод-маданият асосида ибодат қилишга йўл очади деган ғоя асосида қурилган… Бу масжиднинг очилиши бизнинг бирдамлигимиз ва иттифоқимиз учун мерос бўлиб ҳисобланади. Мусулмонлар Америка тизимининг марказий қисми бўлиб ҳисобланишади”.
Америка Қўшма Штатлари Конгрессининг аъзоси, конгрессмен қадрли Дуайт Эванз шундай деди:
“Ҳақиқатда, бугун биродарлик севги ва меҳрибонлик шаҳри – Филадельфияда Ҳазратни кутиб олиш катта ифтихор бўлиб ҳисобланади. Филадельфияликлар номидан мен мусулмон жамоатчиликка тинчлик ҳақидаги пайғоминглар бу ерда қабул қилинади, деб айтмоқчиман… Мен биз нафратланиш, қасдлашув ва ваҳшийликка қарши сизлар билан биргамиз, деб айтиб ўтгим келади”.
Мазкур кеча Ҳазрат олиб борган дуо билан ниҳоясига етди. Кейинчалик, Ҳазрат мазкур кечада қатнашган бир талай меҳмонлар билан алоҳида учрашдилар.
Мазкур кечадан олдин Филадельфия мэри Жеймс Кенни ва когрессмен қадрли Дуайт Эванз Ҳазрат билан тингловчиларга мурожаат қилишди. Ҳазрат оммавий ахборот воситалари вакиллари билан учрашиб, янги масжид мақсадлари ва унга боғлиқ бошқа масалалар тўғрисидаги саволларга жавоб бердилар.
Якуни
Қўшимча маълумот учун: press@ahmadiyya.org.uk
Манзил: 22 Deer Park Road, London, SW19 3TL UK
Tel/Fax: 020 8544 7613 Mob: 077954 90682
Email: press@ahmadiyya.org.uk
Press Secretary AMJ International
(Халқаро Аҳмадия Мусулмон Жамоати редакцияси котиби)