Учрашув пайтида Ҳазрат Мирзо Масрур Аҳмад дунёда тинчликни ўрнатиш ҳозирги замондаги энг долзарб масала эканини айтди.
Аҳмадия Мусулмон Жамоатининг Бутун дунё Раҳнамоси, Масийҳи Мавъуд ва Имоми Маҳдий – Ҳазрат Мирзо Ғулом Аҳмад (алайҳиссалом)нинг 5-Халифаси Ҳазрат Мирзо Масрур Аҳмад (Аллоҳ таоло унга Ёрдамчи бўлсин) 2016-йилнинг 5-майида Видовре шаҳрининг мэри, Муҳтарам Хелле Эдельбург ва Аннет Шиобеск, Мария Дурхус, Кеннет Кристенсен ва Кошиф Аҳмад исмли маслаҳатчилар томонидан кутиб олинди.
Копенгагенда жойлашган “Нусрат Жаҳон” масжидида бўлиб ўтган 30 дақиқали учрашувда аталган Мэр бундай деди: у кишини яна бир марта қабул қилиш Видовре шаҳри учун “катта ҳурмат-эҳтиром ва фахрланиш манбаи”.
Аҳмадий мусулмонларга кўрсатилаётган босимлар ҳақидаги бир саволга жавоб бериб, Улуғ Муҳтарам Халифа бундай деди: Аҳмадий мусулмонлар баъзи бир минтақаларда, айниқса Покистонда таъқибларга учрамоқдалар, шундай бўлса ҳам, Аллоҳ таолонинг фазл-марҳамати билан Аҳмадия Мусулмон Жамоати муттасил кучайиб бормоқда.
Учрашув пайтида у киши “дунёда тинчликни ўрнатишга биргаликда ҳаракат қилиш” кераклиги ҳақида сўзлади ва сўз эркинлиги масаласига ҳам тўхталди.
Ҳазрат Мирзо Масрур Аҳмад бундай деди:
“Мен ҳар доим айтаман: сўз эркинлиги жуда ҳам муҳим, шундай бўлса ҳам, қайси бир жойда нуқта қўйилиб, у орқали чизиқ тортилиши керак, чунки бошқаларни масхара қилиб, уларнинг нафсониятларини поймол қилишга ҳеч кимнинг ҳаққи йўқ. Биз дунёда тинчликни ўрнатишимиз учун қандайдир бир ўртача йўлни танлашимиз керак”.
Бунга изоҳ бераётиб, у киши ўтган йили Поп Франциск айтган қуйидагича ўй-фикрларни мисол сифатида келтирди: агар менинг қайси бир яқин дўстим онамни сўкса, унда у “калтакланишга” тайёр бўлиши лозим.
Ҳазрат Мирзо Масрур Аҳмад бундай деди:
“Поп инсонларнинг ҳис-туйғуларини ҳимоялаш мақсадида қилаётган ҳаракатлари учун олқишланиши керак ва у насроний динининг ҳақиқий таълимотларига эргашишга ҳаракат қилмоқда, деб ўйлайман”.
Ҳазрат Мирзо Масрур Аҳмад бундай деб қўшимча қилди:
“Муқаддас Қуръон дин масаласида қандайдир бир мажбурлаш йўқ ва инсоннинг эътиқоди – бу ўзгача бир якка инсон билан Аллоҳ таолонинг ўртасидаги муносабат деб ўргатади. Агар биз бир-биримизга ҳурмат-эҳтиром кўрсатиш усулини мустаҳкам тутсак, у ҳолда тинчликни ўрната оламиз”.
Якуни
Қўшимча маълумот учун: press@ahmadiyya.org.uk
Манзил: 22 Deer Park Road, London, SW19 3TL UK
Tel/Fax: 020 8544 7613 Mob: 077954 90682
Email: press@ahmadiyya.org.uk
Press Secretary AMJ International
(Халқаро Аҳмадия Мусулмон Жамоати редакцияси котиби)