Ҳазрат Мирзо Масрур Аҳмад Аҳмадий мусулмонларни ҳеч қўрқмасдан Ислом динининг тинчлик таълимотларини тарқатишга чақирдилар
Аҳмадия Мусулмон Жамоатининг Бутун дунё Раҳнамоси, Масийҳи Мавъуд ва Имом Маҳдий – Ҳазрат Мирзо Ғулом Аҳмад (алайҳиссалом)нинг 5-Халифаси Ҳазрат Мирзо Масрур Аҳмад (Аллоҳ таоло у зотга Ёрдамчи бўлсин) 2017-йилнинг 21-апрелида Германиянинг Раунҳайм шаҳрида ўзининг ҳафталик жума хутбасини ўқидилар.
6,000дан зиёд инсонлар иштирок этган жума хутбасида Ҳазрат Аҳмадий мусулмонлар Ислом динининг ҳақиқий таълимотларини тарқатишлари ва ўз эътиқодлари билан фахрланишлари лозим, дедилар.
Ҳазрат шундай дедилар: баъзи бир мусулмон ёшлар айрим экстремист мусулмонлар қилган жирканч амаллари боис очиқ-ойдин Ислом дини тўғрисида сўзлашишдан тортинишади. Ҳазрат уялиб, ўз эътиқодини тарқатишдан узоқ бўлишнинг ўрнига улар Ислом динининг ҳақиқий ва тинчлик таълимотларини ёйишда ундан ҳам баланд овоз бўлишга ундаганлар.
Ҳазрат Мирзо Масрур Аҳмад шундай дедилар:
“Номигагина мусулмон деб аталувчи баъзи бир одамлар Ислом дини номидан ўта нопок ва ёвуз ишларини юргизаётган бир пайтда, ҳеч қўрқмасдан Ислом динининг тинчлик таълимотларини юксалтириш Аҳмадий мусулмонлар учун олдингисидан ҳам муҳимроқ бўлиб қолди. Ҳақиқатдан ҳам, улар бошқаларни мусулмонларнинг аянчли аҳволи ҳақиқатда Севимли Пайғамбаримиз Муҳаммад (саллаллоҳу алайҳи ва саллам)нинг ростгўй эканларининг кучли далили бўлиб ҳисобланади, чунки у зот (саллаллоҳу алайҳи ва саллам) вақт келиб, мусулмонлар орасида руҳоний зулмат ёйилиб, мусулмон уламолар фитна-фасод яратишади, деб олдиндан хабар берган эдилар, деб огоҳлантиришлари лозим. Севимли Пайғамбаримиз Муҳаммад (саллаллоҳу алайҳи ва саллам) ана шу залолат даврида Ислом динининг ҳақиқий таълимотларини қайтадан жонлантириш учун Аллоҳ таоло томонидан Масийҳ ва Маҳдий юборилади, деб ҳам олдиндан хабарлаган эдилар. Биз, Аҳмадий мусулмонлар жуда ҳам бахтлимиз, биз ўша кутилаётган Масийҳни қабул қилиб, Ислом динининг ҳақиқий таълимотларига амал қилмоқдамиз”.
Ўз жума хутбаларида Ҳазрат айни дамдаги иш-сафарлари мобайнида уюштирилган масжидларни очиш ва янги масжидларга илк тамал тошини қўйиш тадбирига қатнашиб, очиқ турда Ислом динига нисбатан қўрқувлар ва хавотирларнинг барчаси бартараф қилинганини эътироф этган баъзи бир ғайримусулмон одамларнинг айрим мисолларини ҳам айтиб бердилар. Ҳазрат мана шундай мисоллар Аҳмадий мусулмонларга Ислом динининг покиза таълимотларини ёйиш учун ўз иш-чораларини оширишга, шунингдек, медиада Ислом дини тўғрисида тарқатилаётган зид ва ноҳақ бўҳтонларга жавоб қайтаришга куч беради, деб айтдилар.
Ҳазрат Мирзо Масрур Аҳмад шундай дедилар:
“Агар бир инсон Ислом динининг покиза таълимотлари ҳақида маълумот олишга келса, аммо улар унга ёрдам бера олишмаса ҳам, у киши унинг покиза таълимотлари орқали таъсирланиб, тинч дин сифатида уни қабул қилиши мумкин. Шунинг учун биз Ислом дини тўғрисида гапириб, қандайдир бир тортиниш ёки ўзимизни паст баҳолашни ҳис қилмаслигимиз лозим”.
Ҳазрат йиғилганларга ўзини-ўзи текшириш ва мўминлик эвазига манманликдан воз кечиш заруриятини эслатиб, ўз мурожаатини якунладилар.
Ҳазрат Мирзо Масрур Аҳмад шундай дедилар:
“Ўзгаларнинг хато-камчиликларига эътибор қилманглар, унинг ўрнига ўзингизни ислоҳ қилиб, тузатиш учун ўз ожизликларингизга назар солишларингиз лозим. Ёдингизда бўлсин, мен ҳар қандай хато-камчиликлардан бутунлай покмиз, деб ҳеч ким айта олмайди”.
Якуни
Қўшимча маълумот учун: press@ahmadiyya.org.uk
Манзил: 22 Deer Park Road, London, SW19 3TL UK
Tel/Fax: 020 8544 7613 Mob: 077954 90682
Email: press@ahmadiyya.org.uk
Press Secretary AMJ International
(Халқаро Аҳмадия Мусулмон Жамоати редакцияси котиби)