Ҳазрат Мирзо Масрур Аҳмад инсониятга хизмат қилиш ибодатнинг муҳим қисми бўлиб ҳисобланади, деб айтдилар
Аҳмадия Мусулмон Жамоати жуда катта қувонч билан қуйидагиларни билдиради: 2017-йилнинг 19-апрелида Аҳмадия Мусулмон Жамоатининг Бутун дунё Раҳнамоси, Масийҳи Мавъуд ва Имом Маҳдий – Ҳазрат Мирзо Ғулом Аҳмад (алайҳиссалом)нинг 5-Халифаси Ҳазрат Мирзо Масрур Аҳмад (Аллоҳ таоло у зотга Ёрдамчи бўлсин) Германиянинг Марбургдаги Немис Университет номли шаҳарчасида биринчи Аҳмадия Мусулмон масжидига илк тамал тошини қўйдилар.
160га яқин меҳмонлар, улар орасида Марбург шаҳри Лорд Мэри док. Томас Спиес ва Миллий Ассамблея депутати Сорен Бартол мазкур тадбирда иштирок этдилар. Асосий мурожаат Ҳазрат Мирзо Масрур Аҳмад томонидан уюштирилиб, унда у киши интеграциялаш ва ўзгача бир уйғун жамоатчилик қуришга боғлиқ Ислом дини таълимотларини изоҳлаб бердилар.
Ҳазрат меҳмонларга миннатдорчилик билдириш билан ўз сўзини бошладилар ва шундай дедилар: ўзига хос бир мусулмон тадбирида қатнашишингиз “мақтовга лойиқ иш”, шунингдек,
“очиқкўнгиллик ва бошқаларнинг эътиқодлари ҳақида эшитишга кучингиз бор”
эканини далиллаб кўрсатдингиз.
Аҳмадия Мусулмон Жамоати амалга ошириб келаётган инсонпарварлик фаолиятлари ҳақида сўз юритиб, Ҳазрат Мирзо Масрур Аҳмад шундай дедилар:
“Инсониятга хизмат қилиш ҳар бир одамнинг бурчи ҳисобланади. Биз одамларнинг эҳтиёжларини уларнинг қайси динга мансублигига қарамасдан, адо этишимиз керак ва биз бир-биримизни инсонийлик усуллари асосида тушунишга ҳаракат қилишимиз лозим. Ислом дини таълимотлари бўйича, агар кимдир биров мана шундай қилмаса, унда унинг ибодати беҳуда кетди деяверинглар”.
Ҳазрат Мирзо Масрур Аҳмад шундай деб давом этдилар:
“Муқаддас Қуръон очиқ-ойдин шундай деб айтади: агар ибодат қилиш мақсадида масжидларга келадиган одамлар, шу билан бирга, бошқаларга зиён етказишса, хайрия ишларига қатнашишмаса ва меҳр-муҳаббатни ёйишмаса, унда уларнинг намозлари Аллоҳ таолонинг ҳузурида қабул бўлмайди. Ҳақиқатда, уларнинг ибодати беҳуда кетмасдан, қандайдир бир гуноҳ иш деб ҳисобланади”.
Ҳазрат шундай дедилар: Аҳмадия Мусулмон Жамоати бошлаган ўзгача инсонпарварлик лойиҳалари орасида асосий таркиб – бу дунёнинг баъзи бир қолоқ минтақаларида илм билан таъминловчи таълим муассасаларидир.
Ҳазрат шундай дедилар: Ислом дини қизларга таълим беришга рухсат бермайди деган ёлғон туҳмат қўйилган бир пайтда Аҳмадий мусулмон қизлар ва аёллар билим ўзлаштириш бўйича эркак касбдошлари билан баробар бўлганлар.
Ҳазрат шундай дедилар: аёлларни билим олишдан ман этишнинг ўрнига Ислом дини турмуш тарзининг яхшиланиши ва турли миллатларнинг ўсиб-ривожланиши учун аёлларга таълим бериш жуда муҳим бўлиб ҳисобланади деб ўйлайди.
Ҳазрат Мирзо Масрур Аҳмад шундай дедилар:
“Билим олиб, уни ўз миллатига хизмат қилишга фойдаланиш ҳар бир эркак ва аёл учун жуда зарур. Шундай бўлса ҳам, қиз бола учун бу ҳам муҳим бўлиб ҳисобланади, чунки келгуси ҳаётида у ўз болаларига билим бериб, уларни аъло даражада тарбиялаши мумкин. Албатта, Ислом динининг Асосчиси, Севимли Пайғамбаримиз Муҳаммад (саллаллоҳу алайҳи ва саллам) жаннат оналар оёғи остидадир, деб айтганлар. Бундай айтишнинг сабаби, она ўз болаларига билим бериб, уларни яхши киши сифатида тарбиялашда муҳим роль ўйнайди, натижада улар ўз халқига муносиб инсон бўла оладилар. Бу жиҳатдан олиб қараганда, она ўз болаларини жаннат томон етаклаб, улар учун ўзгача бир руҳий йўлни очади”.
Ислом дини бўйича жаннат билан дўзах деган тушунчани тафсирлаб, Ҳазрат шундай дедилар: икки жаннат бор: бири – бу ҳаётда, иккинчиси охиратда. Илгариги кўз-қарашдан келиб чиқиб, қачон кимдир биров тинчлик ва одоб-ахлоқни кўрсатса, бу нарса бошқаларни яхшиликларга етаклайди, натижада ер юзида жаннат тузилади.
Ҳазрат Мирзо Масрур Аҳмад шундай дедилар:
“Бир томондан, номигагина мусулмон деб аталувчи баъзи бир одамлар клубларга ҳужум қилиб, ёки мусулмон ва ғайримусулмон дунёда хунрезлик ҳужумларини уюштириб, бугуноҳ одамларни ўлдиришмоқда. Улар ер юзидаги жаннатни яксон қилиб, уни дўзахга айлантиришни хоҳлашади. Иккинчи томондан, баъзи бир одамлар тинчлик ва осойишталикни тарқатиб, шу йўл билан ер юзида жаннатни яратишмоқда”.
Ҳазрат шундай дедилар: ўз ҳақ-ҳуқуқларига эришишга ҳаракат қилишдан кўра бошқаларнинг ҳақ-ҳуқуқларини адо этишни биринчи ўринга қўйиш жуда ҳам муҳим. Ҳазрат шундай дедилар: Аҳмадий мусулмонлар Ислом динининг бу тушунчасини тутиш билан яшашга ҳаракат қилишади.
Ҳазрат Ислом дини номидан амалга оширилаётган терроризмнинг ошиши тўғрисида ҳам тўхталдилар. У киши шундай дедилар: Ислом дини таълимотлари бутунлай тинчлик таълимотларидир ва террорчилик ҳаракатларини амалга ошириб келаётганлар шунчаки Ислом динини бадном қилишмоқда ва дин ҳақида умуман билишмайди.
Ҳазрат Мирзо Масрур Аҳмад шундай дедилар:
“Бироз олдин хорижлик бир журналист ИШИД номли террорист ташкилот аъзолари билан учрашиб, “Қуръони Каримдаги қайси ўринда зулм ва адолатсизликка рухсат берилган?” – деб сўраган, шунда у террористлар: “Биз Қуръони Каримни умуман билмаймиз ва шунчаки етакчиларимизнинг кўрсатмаларига бўйсунамиз”, – деб жавоб беришган. Шунинг учун мен очиқ-ойдин айтиб қўяй: бегуноҳ одамларни ўлдириб, террор фаолият юргизишнинг Ислом дини билан ҳеч қандай алоқаси йўқ”.
Ҳазрат бунга қадар Германиядаги Аҳмадий мусулмонларнинг маҳаллий жамоатчиликка яхши аралашиб кетганлиги ҳақида фикр билдиришган сиёсатчиларнинг мулоҳазалари ҳақида ҳам тўхталдилар.
Ҳазрат Мирзо Масрур Аҳмад шундай дедилар:
“Агар мусулмон эркаклар ёки аёллар жамиятга яхши аралашишмаган бўлса, унда улар Ислом динининг ҳақиқий таълимотларига эргашмай келишмоқда, деб айтиш лозим. Қайси давлатдан келганига қарамай, бу ерда яшаётган ҳар бир Аҳмадий мусулмон тўлиқ Германияга ишончли бўлиши керак. Бу уларнинг диний бурчи, чунки Севимли Пайғамбаримиз Муҳаммад (саллаллоҳу алайҳи ва саллам) “Ватанни севмоқ иймондандир” деб марҳамат қилганлар”.
Ўз мурожаатининг ниҳоясида Ҳазрат Мирзо Масрур Аҳмад шундай дедилар:
“Агар инсон олий маълумотга эга бўлса, аммо кейинчалик террорист бўлиб кетса (яъни, бир инсон олий маълумотли, бироқ сўнгра террорист), у олган билими фойдасиз деяверинглар. Худди шундай, агар кимдир биров ўзининг иймон келтирганини билдирса, аммо янада экстремизмга ишонса, унда унинг иймонининг унга ҳеч қандай фойдаси йўқ деяверинглар. Ҳақиқатда, чин иймон инсондан тинчлик ва меҳр-муҳаббатни тарқатишни талаб қилади. Демак, мен ушбу масжид қурилиб битгандан кейин сизлар Аҳмадий мусулмонларнинг илгаригидан-да кўпроқ севги шиорларини эшитасизлар ва кўрасизлар деган умиддаман ва кутиб қоламан”.
Бунга қадар Германиядаги Аҳмадия Мусулмон Жамоатининг Миллий Президенти (Амири) – жаноб Абдулла Вагишаузер меҳмонларга “табрик” сўзини ўқиди, шундан сўнг ташриф буюрган меҳмонлар ўзларининг фикр-мулоҳазаларини билдиришди.
Марбург шаҳрининг Лорд мэри док. Томас Спиес шундай деди:
“Мен жуда ҳам қувончдаман: Аҳмадия Мусулмон Жамоати Марбург шаҳрида ибодат уйини қуришмоқда, у (ибодат уйи) тинчлик ва диний эркинликнинг рамзи бўлади”.
Комиссар Кирстен Фрундт шундай деди:
“Мен сизлар янги масжидгагина тамал тошини қўймасдан, келажакдаги диалог ва тинчлик пойдеворини ҳам ўрнатмоқдасизлар деб ишонаман. Бу масжид ўзаро бир-бирини тушунишни ошириш қуроли бўлади”.
Миллий Ассамблея вакили Сорен Бартол шундай деди:
“Аҳмадий мусулмонлар ҳар доим тинчлик дини Исломга урғу беришади ва фитна-фасодлар келиб чиққан бу даврда ўзаро ҳурмат-эҳтиром ва сабр-бардошлиликни кўрсатиш билан барча хавотирларни бартараф этиш барчамизнинг бурчимиз бўлиб ҳисобланади”.
Унинг мурожаати тугагандан сўнг Ҳазрат Мирзо Масрур Аҳмад янги масжидга илк тамал тошини қўйдилар.
Ҳазратнинг муҳтарама рафиқаси Ҳазрат Аматул Субуҳ Бегам ҳам мазкур масжидга тамал тошини қўйдилар, шундан сўнг мэр, бошқа обрўли меҳмонлар ва бир талай Марказий, Миллий ва Маҳаллий Аҳмадий мусулмон ходимлар ҳам тошларни қўйдилар.
Расмий сессия Ҳазрат олиб борган дуо билан якунланиб, шундан сўнг меҳмонларга таом тортилди.
Якуни
Қўшимча маълумот учун: press@ahmadiyya.org.uk
Манзил: 22 Deer Park Road, London, SW19 3TL UK
Tel/Fax: 020 8544 7613 Mob: 077954 90682
Email: press@ahmadiyya.org.uk
Press Secretary AMJ International
(Халқаро Аҳмадия Мусулмон Жамоати редакцияси котиби)