Германиядаги Жомия Аҳмадиянинг (Аҳмадия Университети) тарихий диплом топшириш маросими бўлиб ўтди

17 битирувчи Аҳмадия Мусулмон Жамоатининг миссионерлари сифатида қайд қилиндилар

Аҳмадия Мусулмон Жамоати жуда катта қувонч билан қуйидагиларни билдиради: Германиядаги Жомия Аҳмадиянинг (Аҳмадия Университети) иккинчи диплом топшириш маросими 2017-йилнинг 22-апрелида Германиядаги Жомия Аҳмадия биносида бўлиб ўтди.

Аҳмадия Мусулмон Жамоатининг Бутун дунё Раҳнамоси, Масийҳи Мавъуд ва Имом Маҳдий – Ҳазрат Мирзо Ғулом Аҳмад (алайҳиссалом)нинг 5-Халифаси Ҳазрат Мирзо Масрур Аҳмад (Аллоҳ таоло у зотга Ёрдамчи бўлсин) мазкур тадбирга раислик қилиб, тарихий мурожаат уюштирдилар.

Тадбирда Ҳазрат Мирзо Масрур Аҳмад 16 битирувчига уларнинг “Шоҳид” номли гувоҳномаларини топширдилар ва шундай қилиб, улар Аҳмадия Мусулмон Жамоатининг расмий миссионерлари ва имом-хатиблари бўлишди. Бундан ташқари, бутирувчилардан бири “Мубашшир” деган гувоҳнома билан тақдирланди. Германиядан ташқари Болгария, Франция ва Швецариядаги битирувчилар ҳам мавжуд эди.

Дипломларни топширгандан сўнг Ҳазрат Мирзо Масрур Аҳмад иймонни кучайтирувчи мурожаат қилиб, янгидан диплом олган миссионерларга тушган уларнинг жуда катта масъулиятларини эслатдилар.

Ҳазрат Мирзо Масрур Аҳмад битирувчиларга мурожаат қилиб, шундай дедилар:

“Севимли Пайғамбаримиз Муҳаммад (саллаллоҳу алайҳи ва саллам) инсон боласи умр бўйи илм олиши керак, деб айтганлари каби, сизлар шахсий инсон сифатида ўз билим даражаларингизни ривожлантиришга тинмай ҳаракат қилишингиз керак. Айни вақтда сизлар Жамоат аъзоларининг руҳоний ва одоб-ахлоқлар савиясини юксалтиришга ҳам ҳаракат қилишларингиз лозим, шунингдек, барча одамларга Ислом динининг ҳақиқий ва тинчлик хабарини тарғиб қилишларингиз лозим”.

Ҳазрат Мирзо Масрур Аҳмад шундай деб давом этдилар:

“Ўз бурчингизни адо этишингиз учун Аллоҳ таоло билан кучли ва доимий алоқа-воситаларни ривожлантириш сизлар учун жуда ҳам муҳим. Агар Аллоҳ таоло билан мана шундай шахсий алоқа-воситаларингиз бўлмаса, унда диний ишларни дунёвий ишлардан устун қўйиш деган ваъдаларингизни бажара олмайсизлар, шунингдек, ўзгаларни Аллоҳ таолога яқинлаштириш деган бурчингизни ҳам адо этмай қоласизлар”.

Мунтазам билим олишнинг муҳимлиги ҳақида тўхталиб, Ҳазрат Мирзо Масрур Аҳмад шундай деб айтдилар:

“Ўз ибодатларингизга эътибор қаратишдан ташқари сизлар Муқаддас Қуръоннинг чуқур маъноларига диққат қилиб, унинг тафсирини (изоҳларини) ўқишларингиз лозим. Сизлар ҳар куни Масийҳи Мавъуд ва Имом Маҳдий (алайҳиссалом) китобларини ўқиб туришларингиз керак, чунки улар Қуръони Каримнинг энг аъло тафсири бўлиб ҳисобланади. Агар сизлар Қуръони Каримнинг ҳақиқий билимини ўзлаштириб олсангиз, унда сизлар Ислом динига қарши кўтариладиган саволлар ва танқидларга жавоб қайтариш имкониятларига эга бўлиб қоласизлар”.

Ҳазрат қандай бўлмасин, Аҳмадий мусулмон миссионерлар Ислом дини ҳақида ҳеч бир қиймати йўқ ўзини паст баҳолаш ёки уялишга йўл қўймай, ўз эътиқодларида мустаҳкам бўлишлари лозим, деб айтдилар.

Ҳазрат Мирзо Масрур Аҳмад шундай дедилар:

“Миссионерлар сифатида сизлар ҳеч қачон Ислом динининг асосий шартлари ва Севимли Пайғамбаримиз Муҳаммад (саллаллоҳу алайҳи ва саллам)нинг таълимларидан четланмасликларингиз лозим. Хоҳ медиа саҳифалари сизларга қарши ёзилса ҳам, хоҳ барча газета сизларга қарши чоп этилса ҳам, қандай вазиятлар бўлмасин, сизлар ўз эътиқодларингизда мустаҳкам бўлишларингиз керак. Ҳар доим ёдингизда бўлсин, Ислом динининг ҳақиқий хабари тарқалиши – бу ўзгача бир Аллоҳ таолонинг тақдири, чунки бунга Аллоҳ таоло ваъда берган”.

Ҳазрат Мирзо Масрур Аҳмад шундай деб давом этдилар:

“Ёдингизда бўлсин, Аллоҳ таоло Масийҳи Мавъуд ва Имом Маҳдий (алайҳиссалом)га “Мен сенинг даъватингни ер юзининг чекка-чеккаларигача етказаман” деб олдиндан хабар берган. Демак, Аллоҳ таолонинг мана шундай ваъдаси турганда, биз бутунлай қўрқмаслигимиз лозим. Шундай қилиб, ўз эътиқодларингизни яширишингиз ёки паст тутинишингиз – бу ўзгача бир донишмандликнинг аломати эмас, аксинча, уни фақат қўрқоқлик, деб аташ мумкин”.

Ҳазрат Аҳмадий мусулмон миссионерлар айтгани бошқа, амали бутунлай бошқа бўлган номигагина уламо, деб аталувчи муллалар сингари бўлмаслиги лозим, деб айтдилар.

Ҳазрат Мирзо Масрур Аҳмад шундай дедилар:

“Сизларнинг Аллоҳ таолога бўлган ибодатларингиз энг олий даражаларга эга бўлган жойдагина сизларнинг одоб-ахлоқингиз ҳам энг юқори даражаларга эга бўлиши лозим. Хоҳ шахсий ҳаётингиз бўлсин, хоҳ одамлар билан муносабатларингиз бўлсин, хоҳ кийим-кечагингиз бўлсин, сизлар ҳар жиҳатдан намуна бўлишларингиз лозим. Одамлар сизларни Аҳмадия Мусулмон Жамоатининг ҳақиқий вакиллари сифатида қабул қилгудек бўлиши керак”.

Ўз мурожаатларининг якунида Ҳазрат Мирзо Масрур Аҳмад тақводорлик ҳамда турли вазиятда фақат Аллоҳ таолодан ёрдам сўрашнинг аҳамиятига тўхталдилар.

Ҳазрат Мирзо Масрур Аҳмад шундай дедилар:

“Қачон ва қаерда сизлар эҳтиёж сезсангиз, одамларга мурожаат қилиш ўрнига сизлар ёрдам учун Аллоҳ таолонинг ҳузуридагина эгилишларингиз лозим. Ҳаётингизнинг ҳар бир қисмида Аллоҳ таолодангина ёрдам ва мадад сўранглар ҳамда ҳар доим Унга ялиниб-ёлвориб, сизларни тўғри йўлга йўналтиришини сўранинглар”.

Мазкур тадбир Ҳазрат олиб борган дуо билан якунланди.

 

Якуни

 

Қўшимча маълумот учун: press@ahmadiyya.org.uk

Манзил: 22 Deer Park Road, London, SW19 3TL UK

Tel/Fax: 020 8544 7613 Mob: 077954 90682

Email: press@ahmadiyya.org.uk

Press Secretary AMJ International

(Халқаро Аҳмадия Мусулмон Жамоати редакцияси котиби)