Аҳмадия Мусулмон Жамоатининг Раҳнамоси Германиянинг Раунхайм шаҳрида жума хутбасини ўқидилар

Ҳазрат Мирзо Масрур Аҳмад Аҳмадия Мусулмон Жамоатининг уч атоқли инсонларининг жаноза намозини ўқитдилар

Аҳмадия Мусулмон Жамоатининг Бутун дунё Раҳнамоси, Масийҳи Мавъуд ва Имом Маҳдий – Ҳазрат Мирзо Ғулом Аҳмад (алайҳиссалом)нинг 5-Халифаси Ҳазрат Мирзо Масрур Аҳмад (Аллоҳ таоло у зотга Ёрдамчи бўлсин) 2017-йилнинг 14-апрелида Германиянинг Раунхайм шаҳрида ўзининг ҳафталик жума хутбасини ўқидилар.

8,000дан зиёд инсонлар иштирок этган жума хутбасида Ҳазрат Аҳмадия Мусулмон Жамоатининг яқинда вафот этган уч атоқли инсонлари – проф. Ишфоқ Аҳмад, Ҳ. Носируддин ва Соҳибзодий Аматул Ваҳийд хонимнинг ҳаётига ҳурмат бажо келтирдилар.

Мазкур уч инсоннинг ҳаёти тўғрисида сўз юритиб, Ҳазрат Мирзо Масрур Аҳмад шундай дедилар:

“Ушбу инсонлар эга бўлган одоб-ахлоқ хусусиятлари Аҳмадия Мусулмон Жамоатининг барча аъзолари учун намуна бўлиб ҳисобланади, шунингдек, уларнинг ҳаёти ва воқеалари кўплаб инсонлар учун ибратдир”.

Ҳазрат шундай дедилар: проф. Ишфоқ Аҳмад 2017-йилнинг 7-апрелида Покистонда дин номидан уюштирилган ҳужумда шаҳид бўлган.

Жаноб Аҳмад ўз невараси ва бир дўсти билан жума намозини адо этиш мақсадида енгил машина билан кетаётганда, уни ўлдирган одам мотоцикл билан унинг машинасига яқинлашиб келиб, жаноб Аҳмадга ўқ узган. Жаноб Аҳмад ўша жойдаёқ жон берди.

Проф. жаноб Ишфоқ Аҳмад ҳақида сўз юритиб, Ҳазрат шундай дедилар: у киши

“ўта юксак одоб-ахлоққа эга эди”

ва шундай умр кечириб, Ислом динининг ҳақиқий таълимотларини ёйган.

2017-йилнинг 7-апрелида Ҳ. Носируддин Ҳиндистонда бир дарёда сузаётиб, чўкиб вафот этди. У киши Ҳиндистондаги Аҳмадия Мусулмон Жамоатининг даъватчиси эди.

Ҳазрат шундай дедилар: у киши оддий ҳаёт кечирган ва кўплаб диний таъқибларга учраган, шундай бўлса ҳам, ҳеч қачон қасос олган ёки аччиқланганини кўрсатган эмас ва мушкулотларга зўр сабр-матонат билан бардош берган.

Ҳазрат 2017-йилнинг 10-апрелида Покистонда кўз юмган Соҳибзодий Аматул Ваҳийд Бегамнинг ҳаёти ҳақида ҳам тўхталдилар. У киши Аҳмадия Мусулмон Жамоатининг Асосчиси, Масийҳи Мавъуд ва Имом Маҳдий – Ҳазрат Мирзо Ғулом Аҳмад (алайҳиссалом)нинг невараси эдилар.

Ҳазрат Мирзо Масрур Аҳмад шундай дедилар: у киши узоқ муддат давом этган хасталикка сабр билан бардош берган ва ҳар доим “тақводорликнинг юксак вакиласи” бўлганлар.

Ҳазрат шундай дедилар: у киши мискинларнинг ҳақ-ҳуқуқларини адо этишга кўпроқ эътибор берганлар ва шароити ночорларни боқиш учун буюк қурбонликларни амалга оширганлар.

Жума хутбасидан сўнг Ҳазрат Мирзо Масрур Аҳмад ушбу уч инсоннинг ғойиб жанозаларини ўқитдилар.

Якуни

 

Қўшимча маълумот учун: press@ahmadiyya.org.uk

Манзил: 22 Deer Park Road, London, SW19 3TL UK

Tel/Fax: 020 8544 7613 Mob: 077954 90682

Email: press@ahmadiyya.org.uk

Press Secretary AMJ International

(Халқаро Аҳмадия Мусулмон Жамоати редакцияси котиби)